Алтын той куттуу болсун,
Алтындан баалуу болгула.
Жылдыздан наарлуу болгула,
Кундуздай жакалуу болгула,
Күмүштөн такалуу болгула.

Өркүндөп өскөн урпагыңдын,
Үзүлбөс сабагы болгула.
Ай жүздүү аппак кыздардын,
Алтын сом тарагы болгула.

Кайда жүрсөңөр жолуңар болсун,
Үйүңөргө Кызыр келип консун.
Дөөлөтүңөргө дөөлөт кошулсун,
Көңүлүңөр көкөлөп толсун.
Жүдөбөй жүзгө жеткиле,
Өмүрдөн армансыз өткүлө. Оомийин!