 |
|
|
|
Кайрылуу каттары жана келген каттар:
 Н.Мотуевге кылмыш иши козголду 25-мартта Нурлан Мотуев "УЧУР" гезитинин 4 компьютерин талкалап кеткен. Эч негизсиз түрдө эле зөөкүрлөнүп. Албетте, мындай кылмышын бакиевдерге таянып жасаганы белгилүү, өзүнүн духу кайдан жетмек эле дейсиң? Анан кылган кылмышын бийликчил ММКлардан жар салып, ой-да күпүлдөгөнү эсибизде. Эми ошол кылган жоругуна кылмыш иши козголду. Бизди моралдык, материалдык жактан катуу жабыркатып кеткен Н.Мотуевдин айбандыгы кандайча жазасын алат болду экен? "Куйруктар" үчүн элдик көтөрүлүш болдубу? "Манас" эл аралык аэропортунун бажысын Нурлан Макеев жетектеп келген. Кадимки Акылбек Жапаровдун бөлөсү болот. Кызыгы, пулдуулардын көчүгү бекем болобу (?), айтор, Н.Макеев кайрадан ордуна бекип алыптыр. Жаңы келип аткан бийлик ушунакай көрүнүштөрдү байкабаганына таңгаласың. Кимдин-ким экенине саясый баа берүү деген кайда? Же эптеп эле бакиевдерди кетирүү менен көшөгөнүн артында чалмакей чалабызбы? Түшүнбөйсүң да. Акүйдүн астындагы окко тике карап, келечек үчүн таза саясатка чыккан жигиттердин эмгегин ойлосок боло! Эмне, жапаровдордун "куйруктары" калыш үчүн элдик көтөрүлүш болдубу?  Нариман Москвада, маанайы жакшы Бишкек шаарынын экс-мери Нариман Түлеевге кылмыш иши козголуп, издөөгө алынган. Аны каякта деп кызыгып көрсөк, Москвада качып жүргөнү белгилүү болду. Маанайы өтө жакшы дейт. Себеби, акча деген саман да. Кыргыз элинин ырыскысын жеп кетпесе, анда качпайт эле да. Күмүшбек тизгинин тарта жүрсө… Бажы комитетинин төрага орун басары бар болчу. Күмүшбек Курманалиев деген. Бу кадр Данияр Үсөновдун артынан чоңоюп, "жем жеп" жүргөнү тар чөйрөгө белгилүү эле. Эми Данчиктин күнү бүткөндө Күмүшбек тынчыйт го десек, тескерисинче, Темир Сариевди арбап, үлкөн кызматка сүйлөшүп атканын уктук. Баягы эпостогу "отко салса күйбөгөн, сууга салса чөкпөгөн" баатырдай болуп, К.Курманалиевдин дарамети кыйын го ыя? Кызматты чуркаган эмес, буюрган аларын көрүп жүрбөдүкпү. Андыктан Күмүшбек тизгинин тарта жүрсө дейсиң. Андан башка да азуусу курч карышкырлар бар да эй! Көзгө көп эле илине бербесе… Мыйзамдуулук качан орнойт? 7-апрелден кийин кылмыш дүйнөсүндөгү топтор да козголуп, Кыргызстандын булуң-бурчтарында атышуулар болгону кабарланууда. Мындай кабар мекендештерибизди кыйла чочута баштады. Эгерде өлкөдө стабилдүүлүк болбосо, атышууларга күч органдары көзөмөл кыла албаса, анда өлкөбүздүн аброю кетип, эл аралык коомчулукка кабылданбай да калышы ыктымал. Ошон үчүн мыйзамдуулукту эртерээк орнотуу зарыл. Күч органдары караңгыдан көз тапкандай ойлонсо дейсиң. Коңгуроо кагып. Көчөдө мушташтык эй (!), неге кан төктүк?.. Былтыркы президенттик шайлоонун астында "УЧУР" гезитине аябагандай кысым көрүлүп, башкы редакторубуз Асланбек Сартбаевге кылмыш ишин козгоо боюнча чагымдар жасалып, андан сырткары гезитти сотко сүйрөшүп, о.э коркутуп-үркүтүүлөрдүн үстөмдүгү байма-бай курчуганын кантип жашырабыз? Кызык дейсиң, мындай жорукту ким жасады? Башкасын айтпасак да, "УЧУРду" болбогон айып менен Бозулан Мамазаиров сотко берип, анын артынан редакторубузга иш козготуу кагазын жөнөтүп, айтор, сындыруунун айла-амалын көргөндөрүн кантип унутабыз? Чындыгы жок бу дүйнөдө суроолор түгөнбөйт экен да. Турмушта кечээгини унутсаң, алдыдагы ишиң майнапсыз болору ажеп эмес. Андыктан өткөн күндөргө баа берүү абзел. Ошол "Жаннат", "Монте-Карло", "Алтын-Казына", "Ташрабат", "Мэри" сыяктуу толгон-токой кафе-ресторандын ээси, бизнесмен Бозуландын кылыгы бүгүн жуулуп кеткендей. Атаңдынгөрү! Качкан бийликтин колтугундагы Б.Мамазаиров эркин басылманы жарым жыл эзип, үстөмдүгүн кылып келгени көпчүлүк окурмандарга маалым. Ал эми бүгүн болсо эч нерсени билмексен болуп, жаңы өкмөттүн шылуундары менен мамиле түзүүгө ашыкканы байкалууда. Албетте, Бозуландын байлык үчүн жасаган аракеттери өзү үчүн пайдалуу дечи. Бирок, ушул сыяктуу кечээги бийлик балдарына көз жумуп, баа бербесек, анда жаңы келе турган бийликтин иши оңунан чыкпайт. Анда неге "Форумдан" милисалар менен мушташып, Акүйгө не сапар алдык? Бийликтин ушунакай ыпластыгы үчүн кан төккөнүбүз талаага кетеби? Кыскасы, суроолор көп.  Нурлан Турсункулов унчугуп койсо дейсиң Башкы прокуратура түп орду менен өрттөлүп кеткени белгилүү. Бул жерде көптөгөн маанилүү документтер бар болчу. Санабайлык. Анан эми башкы имараттын өрттөлүшүн ар кандай божомолдорго байлагандар көбөйдү. Кокустук менен көчө балдары өрттөдүбү, же атайын күчтөрдүн пландалган иши беле? Дал ушул боюнча экс-башкы прокурор Нурлан Турсункулов жооп берип койбойбу? Балким кандай жагдайда өрттөлгөнүн ал билеттир… Же унчукпаган үйдөй балээден кутулабы?  М.Конгантиев Түштүктө дарыланууда Экс-башмилиса Молдомуса Конгантиев Таластан катуу таяк жеп, денсоолугуна доо кеткени боюнча бүтүндөй коомчулук кабар алган. Анын өмүрү 4 миллион сомго бааланып, таластыктардан сатылып алынганы да айтылууда. Молдомусанын мындай трагедиялуу көрүнүшү кичи мекенин козгоп, катуу нааразычылыктарды да жаратууда. Азыр болсо М.Конгантиев Түштүк жергесинде дарыланып атыптыр. Абалы күндөн-күнгө жакшырып баратканын кабарлашты. Кызмат үчүн жулунуп-жулкунбаган Б.Ибраев Башкы прокурордун милдетин аткаруучу болуп Байтемир Ибраев дайындалганы коомчулукка белгилүү. Бул фигуранын кандайча чыгып калганын түшүнбөгөндөр арбын. Ал эми бизге жеткен маалыматтар боюнча алсак, Байтемир мырза мыйзамдуулук үчүн күрөшкөн, башкалардай кызмат үчүн жулунуп-жулкунбаган, түз жүргөн жигит экен. Жерлиги Ысык-Көлдүн Тоң районунан болот. Өмүр бою прокуратура системасында иштеп, катуу такшалганын билгендер айтышат. Айтор, Б.Ибраев ушундай кыйын заманда мыйзамдуулуктун туура сакталышына көзөмөл кылса, эл үчүн иштеп берсе деген эле ой. Дагы да сыноодон өтөт да…  Марат Алматыда, Максим Ригада Курманбек Бакиевдин балдарынын улуусу Марат Бакиев Алматыда экен. Досторунун үйүндө бугуп жатканын кабарлашты. Казак күч органдары кыргыз бийлигине өткөрүп береби (?), же кайдыгер карашабы? Ал эми Максим Бакиев АКШдан Эмиратка учам деп оолугуп барып, анан кайра акыл калчап, убактылуу Ригадан башпаанек тааптыр. Айтмакчы, Максимдин Ригада еврей достору бар экени белгилүү эмеспи. Алар эми канча күн коюндарына катып жатары белгисиз. Мансабы жок кишинин мааниси жок болору ажеп эмес. Өзгөчө еврейлер үчүн!
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||