 |
|
|
|
Кайрылуу каттары жана келген каттар:
 Эдилдин жаны баарынан таттуубу? Убактылуу өкмөттүн аппарат жетекчиси Эдил Байсалов Швециядан келе калып, кыйынсынып киргенинен жакабызды кармадык. Элдин баарын башкарып кирди эй! Айтмакчы, карапайым калктын башына кыйын иш түшүп, оппозиция бакиевдер бийлигинен очорулуп, кордук көрүп турганда Эдил куйругун түйүп, батышка качып кеткени эсибизде. Плащы "Форумда" калган, анысын алганга үлгүрбөй... Бүгүн алып кетчи, дагы эле илинген боюнча турат. Эгер эркек болсо качпайт эле. Маселен, Аликбек Жекшенкулов, Исмаил Исаков, Эркин Бөлөкбаев, Сапар Аргынбаев, Уран Рыскулов сыяктуу патриоттор качкан жок. Түрмөгө отуруп чыгышты. Кордукту көрүштү, бирок сынышпады. А Э.Байсалов безген бойдон качып кетип (жаны өзгөчө таттуу беле?), эми эл жеңишке жеткенде чоң болуп чыга калганына жол болсун. Мындай бовойт да, туугандар! Кимдин ким экени кыйынчылыкта билинет. Кокус эртен бирдеме болсо, кайрадан Эдилге окшогондор жылт койбосо дейсиң. Эгерде бийликтеги адамдардын ырааттуу, таза жолу көрүнбөсө, анда жаңы өкмөттүн да өмүрү кыска болоору ажеп эмес. Эх Асел, Оксана… Кыйынсыңар да! "24.КG" агенттиги күчөп баратат. Өзгөчө Алмаз Атамбаевди шыбаган жагынан камчы салдырбай. Чагымды эми укмуш кылышат тура, Алмаз мырза Орусиянын өкмөтүнүн адамдары менен жолугушуп келгенин айтса, булар ал маалыматты бурушуп, "Путин менен жолуккан эмес, алдап атат" дегендей чагым жасашууда. Атургай В.Путиндин басма-сөз жетекчилигинен да кабар алышып, А.Атамбаевди шыбап эле жатып калышты. Ал эми көшөгө артындагы саясаттан кеп кылсак, "24. КG" агенттигинин ээси Каныбек Жороев экендиги белгилүү. Бул фигура Алмаз Шаршеновичке элдешкис каршы адам. Маселе түшүнүктүү да, туурабы? Кызыгы, ушул агенттикти Асел Оторбаева жетектегени, анын артында Оксана Малеванная турганы, айтор, качып кеткен бийликтин бутак-шагы кайрадан козголуп, айбат көрсөтүп атканына таңгаласың. Кечээги бийликтин "жылуу достору"… Кызык да, ушундай кыйын кырдаалда жалган маалыматтар көзөмөлдөнбөсө, мунун өзү убактылуу өкмөттүн кайдыгерлигиби? Өздөрүнүн башына өздөрү муш уруп! С.Соурбаева оппозицияны соо койгон эмес… КТРдын Ала-Тоо маалымат программасынын продюсери бар болчу. Сюита Соурбаева деген. Түбү Жалал-Абаттан болот. Эми бул айымдын кылган кылыгы арбын. Башкасын айтпасак да, оппозиция уюштурган Элдик Курултайды бүт Кыргызстанга маскаралаган. Кантип дебейсизби? Көчөдөгү БОМЖдорду, мушташкандарды, аракечтерди журналисттерине тарттырып, "мына оппозициянын Курултайы" деп КТРдан көрсөткөн. Азыркы убактылуу өкмөткө келген оппозицияны шыбатмай жагынан Сюита камчы салдырбай келди го, чиркин! Эми ушул айымды тынчып калабы десек, болбой эле кайра кызматка чуркап, жулунуп атканын айтышты. Ушул күндө КТРдеги көпчүлүк кызматкерлер С.Соурбаевага нааразы болушуп, кыжырлары кайнап атыптыр. Мухтардын артында күбүр-шыбыр сөздөр "Замандаш" партиясынын төрагасы Мухтар Өмүракунов жыл сайын жыл мыктыларын белгилеп келгени белгилүү. Өткөн жылда Молдомуса Конгантиевге "Жылдын мыкты адамы" номинациясын ыйгарып, дуулдата кол чаптырган эле. А Молдомусанын кылыктарын айтпасак да белгилүү. Мына ушундай адамды даңазалаган Мухтар мырза саясый аракеттерин баштады. Албетте, М.Өмүракунов жигердүү, кыйын жигит. Бирок, өткөн күндөрдөгү катачылыктарын моюнга алып, интервью берип койсо жакшы болот эле. Болбосо күбүр-шыбыр сөздөр курчуп атат. "Жаңылбаган жаак, мүдүрүлбөгөн туяк" болбойт эмеспи. А.Шаршеновичтин айланасында сөөк аңдыгандарбы? Тагдырдын тамашасын кара, СДПКнын башына иш түшүп, кыйын кырдаалда партиянын мүчөлөрү эшилген кумдай эле көрүнүштү жаратышкан. Ток этери, Алмаз Атамбаевдин айланасынан качышып, баштарын калкалап баса беришкен. Алар: Өмүрбек Бабанов, Осмон Артыкбаев, Рахат Ирсалиев, Бакыт Бешимов, Эдил Байсалов, Мурат Жураев, Жусупжан Жээнбеков, Сооронбай Жээнбеков сыяктуу СДПКчылар болчу. Булар "Атамбаев менен жүрсөк аңга түшөбүз" маанисинде кубулушуп, ачык эле сатып кеткендей мамиле жасашкан. Айрымдары бакиевдердин колтугуна кире качышып, ханга салам бербей калышкан да. Азыр болсо кайрадан А.Атамбаевди айланчыкташып, сөөк аңдыган иттердин образына түспөлдөшкөнүнө, самсаалап жүрүшкөнүнө күйөсүң. Булардын асты бакыйган кызматтарга отурду. Чындык кайда, Алмаз Шаршенович?! Гүлжан менен Нуржамалдан башка сулуулар жокпу? Ой, чүрөктөр! Гүлжан Гулмамбетова менен Нуржамал Бурханова кайрадан КТРдан сайрай башташты го. Кечээ эле оппозицияны шыбап, табалаган жылмаюулар менен жыргашып, а мындай көрүнүштөн Кыргызстандын кыйыры кыжырданды эле. Эми болсо эч нерсе болбогондой жаркылдашып, оппозицияны мактап киришкенине таңгаласың. Адам болгондон кийин принцип, туруктуу позиция болуш керек да. Ушунчалык да кубулма жүздүү болушабы? Кудайды карашса боло! Жок дегенде уялып, эфирден оолак тура турушпайбы? Мына ушундайлар КТРдын жүзү болуп келишкени, натыйжада элди ирээнжиткени белгилүү. Чындык үчүн айтып коюш керек: Гүлжан менен Нуржамалдан башка кадрлар жок бекен? Булардан профессионал, билимдүү, акылдуу, аябагандай сулуу кыздар толтура эй! Эмне, КТР жетекчилиги ойлонбойбу? Темикенин жанында портфелчен бизнесмендер 7-апрелден кийин убактылуу өкмөттүн мүчөсү Темир Сариевдин айланасында портфель көтөргөн бизнесмендер толуп кеткени, бура бастырбай атканы боюнча кабар алдык. Ошол портфелдердин ичинде эмне бар болду экен? Эмнеси болсо да, Темике такшалып калган саясатчы эмеспи, аларга алданбаса керек. Биз дагы ушул сыяктуу көптөгөн маалыматтарга кызыгып турмакчыбыз… Жыдыган аткминерлер "эшик жыртып"… Кызматың түшкүрдүн кумары ушунча да бети жок болобу? Кечээги жыдыган аткаминерлер бүгүн жанданып, убактылуу өкмөттүн "эшигин жырта" башташты. Маселен, Жантөрө Сатыбалдиев, Карганбек Самаков, Алмамбет Матубраимов ж.б. Таңгаласың, адамдар ушунча да өзгөрүлмө болобу? М.Суталинов Алматыда бугуп жатат "Мурзилка" Мурат Суталинов Кыргызстандан качып кетти. Бизге жеткен маалыматтарга караганда, ал Алматыда бугуп жатат. Муратка кылмыш иши козголуп, издөөгө да алынды. Казактардын бизге көңүлү түз болсо, М.Суталиновду кармап бериши керек. Кечээги кылмыш иштерине жигитче жооп берсин да.
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||