 |
|
|
|
Кайрылуу каттары жана келген каттар:
Башат Зарианна: "МАИчилерге диск берип кутулам" Кыргыз шоу-дүйнөсүндө Зарианна аттуу ырчы пайда болду. 1989-жылы Токмок шаарында жарык дүйнөгө келген. Бир жылдан ашык вокалдан сабак алып, учурда 6 ыр, 2 клип жаратууга жетишти. Ырчылардын арасынан Бекчоронун чыгармачылыгын жактырып, өзү андан да өзгөчө стилдеги ырчы болсом деп максат кылат. -Зарианна, жаңы чыгып аткан көптөгөн ырчы кыз-жигиттердин арасынан кантип айырмаланайын деген оюң бар? - Өзгөчө ыр жана стилге басым жасайм. - Мисалы, стилиң эмнеси менен өзгөчөлөнөт? - Мен азыр кыргыз тилиндеги ырларды ырдап жүрөм, чыгыш стилине басым жасап. Бирок, стилимди толугу менен иштеп чыга элекпиз. Репертуарыма орус, англис, казак тилдериндеги ырларды да кошсомбу деген максат-тилегим бар. - Аялзатына ырчы болуу, салыштырмалуу түрдө көп тоскоолдуу болот эмеспи. Аркасынан ар кандай айың кептер ээрчип дегендей... - Ооба, мен аны жакшы билем. Негизи мен 8 жашыман эле ыр дүйнөсүнө аралашып калгам. Бул талант мага апамдан берилди десем болот. Анткени, ал жаш кезинде ырчы болууну самап, филармониянын алдындагы 2 жылдык студияда Айчүрөк Иманалиева, Анапия Райымбековалар менен бирге билим алган. Ал ортодо атам алакачып кетип, ошол бойдон үйбүлөлүк турмушту тандап алган экен. Ошондон улам атам: "Апаң убагында ырдабай калды. Эми сенин да талантың жерде калбасын" деп чоң колдоо көрсөтүп жүрөт. - Сага да апаңдай болуп, үйбүлө же чыгармачылыкты тандоого туура келип калса, кадамың кандай болот? - Мен ырчылыкты дагы, үйбүлөнү дагы бирдей алып кетем. Мүмкүнчүлүгүм бул жагынан жетет. - "Артисттин аты жеңил" деп коюшат эмеспи. Учурда ырчы кыздарыбыздын талантынан мурда сырткы сулуулугуна гана көңүл бургандар жок эмес. "Меники болсоң минтип берем, тигинтип берем" деп, "алтын тоону" убада кылгандар болобу? - Тилекке каршы, андай жаман ойлору бар эркектер көп экен. Бул нерсе, албетте, жан кейитет. Негизгиси, өзүмдү андай ыпластыктан оолак кармап жүрүүгө эрким жетет. - Андай адамдардан коргой турган мырза барбы? - Ооба, жигитим бар. Бир аз кызганыч сезимдери бар, бирок чыгармачылыкты сыйлаган адам. - Бош убактыңда эмне кыласың? - Бош убактым жок. Мурда бош деп эсептелген 2 саатым бар болчу. Азыр ал убактымда бий ийримине барып атам. - Эмнеден ырахат аласың? - Машина айдаганды жакшы көрөм. - Анан темир тулпарың барбы? - Ооба. 18 жашка толгондо ата-энем "Марседес" маркасындагы авто белек кылышкан. - Жолдо эрежелерди бузуп кеткен учурлар болобу? - Албетте (күлүп). Жаныма дайыма дисктеримди салып жүрөм, ошолорду белек кылып, МАИчилерден кутулуп кетем. - Өзүңдөн кайсы сапаттарды баалайсың? А тескерисинче, кандай кемчилик жактарың бар? - Адамгерчиликтүүмүн. Бирөөнүн кылган жакшылыгын унутпайм. Ал эми жаман сапатым - аябай ишенчээкмин. Анын азабын далай жолу тарткам. Жигитим менен жаңы мамиле куруп жүргөндө, жакын курбу кызым "ой аның мындай экен, тигиндей экен" деп ортобузга далай чок салган. Кийин жигитим менен таарынышып кетсем, эмнегедир тиги курбума жигитим жага баштаптыр (күлүп). Ошондо гана анын мага айткан сөздөрү жалган экенин, менин ишенчээктигимди пайдаланып жүргөнүн билдим. Бегимай БАКАШЕВА Башат Баары максаттан башталат. Максат алгачкы аракет менен уланат. Ал экөөнүн айкалышынан ийгилик жаралат. А бирок, баары башаттан… Сахна астанасын жаңыдан аттап, андан бекем орун алууга умтулуп, жаңыдан жанып келаткан жылдыз - өнөрпоз кыз-жигиттерден четинен кепке тартууга өттүк. Дархан - Сахнага чыкканга ким түрткү болгон? - Бирөө-жарым түрткү болду десем натуура. Мага көбүнесе бирге жүргөн чөйрөм таасир этти окшойт. Дос балдарым гитарада ойноп, ырдашчу. Аларга кошулуп мен да гитара үйрөндүм. Бара-бара ыр жаратып, ага обон кошуп отуруп эле кандайча ырга жакындашып кеткенимди элес албай калдым. Анан музыка жашоомдун ажырагыс бир бөлүгү болуп калды. Азыр ата-энемдин каалоосу менен экономисттик кесипке окуп атканым менен жакынкы келечекте Улуттук консерваториянын композитордук бөлүмүндө билим алсам дейм. - Гитара коллекциялоо ошондон улам го… - Баары ошол гитарага болгон кызыгуудан башталган да. Кийин комуз, фортепианодо ойногонду да өздөштүрүп алдым. - Чыгармачылык сага балким, тай журтуңдан же чоң аталарыңдан өткөндүр… - Ата-энем таңгалып күлүп калат. Биздин уруктан ырчылыкты аркалаган адамды билишпейт экен. Болгону бир агам сүрөтчү экен. - "Жаңы ысымдар" долбоору чыгармачылык тушооңду кескени чынбы? - Чоң сахнага дал ушул долбоор аркылуу чыкканым болбосо, мектеп сахнасынын төрүндө жүрчүмүн. Ал эми "Жаңы ысымдар" чындап мени чыгармачылыктын олуттуу тепкичине чыгарды. Долбоордун жарыясын көрүп алып бир күн толкунданып жүрүп, эртеси анда көрсөтүлгөн номурду бурадым. Алексей Филатовго жолугуп, ага ырларымды угуздум. Төрт ирет катышып, 2008-жылдын жыйынтыгы менен жеңүүчү аталдым. Бирок, атаандаштык абдан күч эле… Ошону менен Алексей менен кызматташа баштадык. - Жакынкы аралыкта күйөрмандарың сенден кандай өзгөчөлүк күтө алат? - Мурда рок менен попсаны аралаштырып келсем, жакындан тарта накта рок менен чыга баштайм. Ушул тапта бул жанрда 5-6 ыр даяр болуп калды. - Негизи жандүйнөңө кандай ыргак жакын? - Мен бала кезден роктон башканы жактырып уккан эмесмин. Дале рок менен жолумду уласам дейм. Продюсерим Алексейдин сунушу менен гана попсаны аралаштырган элем. - Сахна жашоосу жактыбы? - Албетте, эл алдында ырдап атканыма чексиз бактылуумун. Сахна ыйыктыгын сездим. Чыгармачылык жаатында ниетим ак. Кудай буюрса, жолум дагы ак, ачык болсо экен деп тилейм. Ал эми жылдыз дартынан Кудай сактасын! Чыгармачыл адамдын жашоосу кандай экенин башынан түшүнчүмүн. Андыктан, азгырыктарга алдырбайм деп ишенем. Сахнадан тышкары эч нерсем өзгөрбөйт, мурда кандай жигит болсом, ошол эле калыпта турмуш улантып келем. Даярдаган Айым НУРЖИГИТОВА
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||