 |
|
|
|
Кайрылуу каттары жана келген каттар:
Күч берен Арууке Таалай кызы: "Бизге индиялык кыздар атаандаш болчудай" Дүйнөдө "спорттун кайсы түрүнүн күйөрманы көп" дегенде (?), токтоосуз "футбол" деп жооп беребиз. Муну эч ким талаша албайт. ХХ кылымдын аягында бул спорт менен кыз-келиндер да шугулдана баштаган. Тушоосу кесилгенине аз убакыт болсо да популярдуулугу күн санап өсүүдө. Жада калса, континенттик, дүйнөлүк биринчиликтер өтүп келет. Май айынын башында биздин өлкөнүн кыз-келиндер курамы Азия биринчилигинин иргеп алуу оюндарына катышып, финалдык оюндардын алгачкы мелдештерине жолдомо алышты. Ушундан улам команданын коргоочусу Арууке менен баарлаштым. -"Кыштын кыштай, кыздын кыздай болгону жакшы" деген кеп бар эмеспи кыргызда. Айтайын дегеним, футболго кызыгып, өздөштүрүүдө айрым бир жагдай сага түрткү бергендир? -Кичинемде эле короодогу балдар менен бала болуп, топ тээп жүрө берчүмүн. Кийин мектепте дене тарбия сабагынан балдар футбол ойноп калышса эле, мен да алар менен аралашып кетчүмүн. Кээ бир олдоксон, жөндөмү жок балдарга караганда тың экенимди байкачумун. Балдар экиге бөлүнүп калганда мен талашка түшөр элем. -Демек, дене тарбия сабагы сен үчүн майрам экен да? -Ооба. Анүстүнө мектептин футбол боюнча кыздардын командасы бар болчу. Аны Бактыгүл Токторбаева эжей жетектечү. Бир күнү келип: "футболду жакшы ойнойт экенсиң. Кечинде машыгууга келчи" деп калды. Айткан учурунда барып, кызыгып карап отурсам, Бактыгүл Идирисовна эже "Арууке, тур барып кийинип ойно" деди. Ошондон улам кийин мектептин толук кандуу курамына кирдим. -Үйдөгүлөрдүн көз карашы кантти? -Атабыз жок. Байкем экөөбүздү апам жалгыз чоңойтту. Алгач каршы болду. Себеби, оюндан жаракат алып, ооруксунуп келген күндөрдү көрүп, машыгууга жибербей койчу. Бирок, кичине жакшы болгондон киийн эле кайра качып кетмей. -Кыргыздын улуттук курамына кантип келип жүрөсүң? -2004-жылы биздин мектептин "Жаш кыял" командасына Гүлбара Осмонова эже келип, көз кыры мага түшүп калыптыр. Бул эже көрсө улуттук курамдын башкы машыктыруучусу экен. Быйыл алтынчы жылга кетет. -Бир аз күн мурун Малайзия өлкөсүнө барып иргеп алуу оюндарына катышып келдиңер. Кайсы өлкөнүн командалары күчтүү экен? -Эми ар кандай. Биздин курам жоон ортодо экенбиз. Индиянын кыздары негизги атаандашыбыз болчудай. Алар чуркаган жагынан күчтүүрөөк. Бирок биз техника жагынан алардан кем калышпайт экенбиз. -Анда Азия кубогунда ийгилик жаратса болчудай экен да? -Алдын ала айтпай турайын. Команданын негизги максаты - финалда ойноп, кубокту жеңип алуу. -Бош учурда эмне менен алек болосуң? -Апам менен сырдашып, чер жазам. Ара чолодо чарбалык иштерди тергеп-тескемей. Эркектердин жумушун кылууга туура келип калат, мык кагып дегендей. -Досторуң көп элеби? -Жетишерлик. Басымдуусу эркектер. Себеби алардын көптөрү менен футболдон таанышкам. Бокс Султан Ибрагимовду милиция издеп жатат Дүйнөнүн мурунку чемпиону Султан Ибрагимовго Америка жергесинде иш козголду. Себеби, латын-америка айымы сотко арыз жазыптыр: "Султандан балалуу болуп, атасы бизди таштап кетти" деп. Бул чоң чатакка боксчунун мурунку менеджери Борис Гренберддин катыштыгы бар имиш. Анткени, менеджер менен Султандын ортосунда акча маселесинде Бористин ала албай жүргөн аласасын айтышат. Футбол "Дордойдун" жеңиши жана жемиши КРнын жогорку лигасынын кезектеги оюндары ойнолуп, жыйынтыгы төмөнкүчө болду: "Дордой" - "Шер" - 2:0, "Ата-спор" - "Жаштык-Ак-Алтын" - 2:3, "Кант" - "Алай" - 0:2, "Камбар-Ата" - "Плаза" - 0:2. Турнирдик таблицанын көч башында Нарындын "Дордою" 12 упай менен астыда келатат. Эки күн мурун АФК уюму ушул команданын президенти Аскар Салымбековду коло медаль менен сыйлады. Кыргыз футболуна кошкон салымы үчүн. Мындай сыйга экс-министр Өмүрбек Кутуев да татыды. Тогуз коргоол Шаардын байгесин ким илип кетти? Бишкек шаарынын мэри тогуз коргоол боюнча эл аралык команда арасында чоң турнир өткөрдү. Казакстандан коноктор келди. Күчтүү даярданып келген экен, кыргыздардын бирөөсү да дакаат бералбаптыр. Команда аралык биринчи орунду казак курамы жеңди. Экинчинге Көл кылаасынан келгендер ээ болушту. Ал эми кыз-келиндерде да казак кыздар - биринчи, Бишкек шаары - экинчи болуп калды. Шахмат Аламан байгеге алтымышы КРнын кезектеги биринчилиги "чү" деди. Бу жолу эркектер арасында болмокчу. Алтымыштан ашык акыл-эс оюнунун мыкчыгерлери он бир оюндан ат салышат. Бүгүнкү күндө турнир жарымына келди. Алдыда жалгыз гроссмейстер Леонид Юртаев келатат. Мелдеш швейцар тартибинде жүрүп атканына байланыштуу алдыда толтура сюрприздер күтүп атканы ажеп эмес. Грек-рим Беш медаль азбы, же... Чымкент шаарындагы эл аралык мелдеш өттү. Казак академиги Марден Сапарбаевди эскеришти. Кыргызстандан жаштар устаты Мейрамбек Ахметов жетектеген балбандар барып, беш медаль жеңип кайтышты. 84 кг. салмак ченинде Азат Бейшебеков - алтын, 60 кг. салмак ченинде Атай Койчукулов - күмүш медалга, ал эми коло медалга "күр" эткенде үч балбан татыды. 55 кг. - Арсен Эралиев, 60 кг. - Алексей Ялома, 74 кг. - Салават уулу Темирлан. Теннис Кайран кыз Шарапова Варшава шаарында чоң турнир башталып, кечээ аялдар арасында биринчи оюндары ойнолду. Дүйнөнүн мурунку биринчи ракеткасы Мария Шарапова чоң спортко кайрылып келди. Бул турнирге чейин WТА рейтингинде 126-орунда экенин эскерте кетүү керек. Андыктан, бул абалды оңдоо үчүн ак эткенден так эте ар бир атаандашты утууга жандалбастайт. Биринчи оюнда италиялык Татьяна Гарбинди утуп, эми экинчи турга чыкты.
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||