кыргыз тилиндеги гезит "Кыргыз туусу"
email • архив • редакция 
2-декабрь, 2011-ж.:


п»ї


Алмазбек Атамбаев Кыргыз Республикасынын
Президентинин кызматына киришти
Тизелеп жашаганча,
тике туруп өлгөн артык!

Алмазбек АТАМБАЕВдин Кыргыз Республикасынын
Президентинин кызматына киришип жатып сүйлөгөн сөзү

Урматтуу мекендештерим!
Мага ишеним көрсөткөнүңүздөр үчүн чоң ыраазычылык билдиргим келет. "Түгөнгөн сайын түтөгөн, кыйналган сайын күчөгөн" деп "Манаста" айтылгандай, акылман элибиз тынчтыкты, туруктуулукту, жерибиздин бүтүндүгүн, журтубуздун биримдигин тандады.
Урматтуу коноктор!
Мамлекет жана өкмөт башчылары, эл аралык уюмдардын жана дипломатиялык корпустун өкүлдөрү! Сиздерге өзүмдүн жана мекендештеримдин атынан бүгүнкү салтанатка келип катышканыңыздар үчүн ыраазычылык билдирем.
Айымдар жана мырзалар!
Бүгүн мен урматтуу Роза Исаковна Отунбаевага өткөөл мезгилдеги каармандыгы, элибизге ак дилден өтөп берген кызматы жана айкөлдүгү, саясий акылмандыгы үчүн өзгөчө ыраазычылык билдирем.

* * *
Кыргызстан 30-октябрда чоң сыноодон өттү. Ар ким өз саясий көз карашына жараша добуш берди. Бирок бизди, бардыгыбызды көздүн карегиндей болгон мекенибиз - Кыргызстан бириктирип турат.
(Уландысы 8-бетте)




Роза Отунбаева:
"Өлкөбүздүн бүтүндүгүн,
элибиздин биримдигин
сактап калдык"
Кыргыз Республикасынын Президенти Р.И.Отунбаеванын
Кыргыз Республикасынын шайланган Президенти А.Атамбаевдин
кызматка расмий киришүү аземинде сүйлөгөн сөзү

"Урматтуу мекендештер!
Кымбаттуу меймандар!
Биз Кыргыз мамлекетинин, кыргыз элинин тарыхындагы эң маанилүү учурдун күбөсү болуп жатабыз - бүгүн Кыргыз Республикасынын шайланган Президентинин кызматка расмий киришүү аземи өтүп жатат. Бир нече минутадан кийин салтанаттуу кырдаалда Ант берүү менен Алмазбек Шаршенович Атамбаев Кыргыз Республикасынын Президенти катары ыйгарым укуктарга ээ болот.
Бир жарым жылдык өткөөл мезгил менен кошо мамлекет башчысы катары менин ишмердигим да аягына чыкты. Биз дүйнөлүк коомчулукка өз жолубузду өзүбүз тандап, өз тагдырыбызга өзүбүз жооп бере ала турган, өз эркиндигин жогору баалаган уюткулуу эл экендигибизди көрсөттүк. Эң башкысы өлкөбүздүн бүтүндүгүн, элибиздин биримдигин сактап калдык. Ушул тапта президенттик бийликти тынчтык жолу менен, ачык жана демократиялык мүнөздө өткөн жалпы элдик шайлоонун жыйынтыгына ылайык өткөрүп берүүнүн жаңы наркын калыптандырып, жаңы саясий маданиятка жол салдык. Бул күн биз үчүн өтө кымбат! Анткени биз өлкөбүздүн келечеги үчүн чоң сабак, саясий үлгү көрсөттүк. Ушул саясий салт мындан ары да улана берет деген терең ишенимдемин.
Мамлекет башчысынын кызмат ордун, ошону менен бирге Кыргыз Республикасы жана анын элинин тагдыры үчүн бийик жоопкерчиликти өткөрүп берип жатып Алмазбек Шаршенович Атамбаев Кыргыз Республикасынын Президенти катары өлкөнүн өсүп-өнүгүшү үчүн бардык күчүн, билимин жана тажрыйбасын жумшай турганына, адилет, калыс жана таза жетекчи болоруна толук ишенеримди билдирем.
Жолуңуз шыдыр болсун, урматтуу Алмазбек Шаршенович, жолдошуңуз Кыдыр болсун!"














??.??