Кыргыз гезиттери
меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси


  Тилибиз - биздин дилибиз

Роза ОТУНБАЕВА:
"Этностордун мамлекеттик тилди билүүсү - өлкөнүн
турмушуна катышуу мүмкүнчүлүгүн кеңейтет"
Кыргыз тили мекенибизде улуттар аралык тил болууга тийиш. Бирок мындан эч кандай саясат издөөнүн кереги жок. Болгону гана мамлекеттик тил - Кыргызстанда жашаган көп улуттуу элдин ымаласын, ынтымак-ырашкерлигин чыңдаган көпүрө тил болуусу кажет жана кыргыз тили - кыргыздардын гана тили эмес, мамлекеттик тил катары окутулушу керек.
Бул тууралуу КРнын Президенти Р.Отунбаева "Борбордук Азиядагы азчылыктардын укуктарын илгерилетүү - коомдук турмушка натыйжалуу катышуу" аталышындагы аймактык конференцияда айтты.
- Советтер Союзу урагандан кийинки түзүлгөн мамлекеттердин дээрлик бардыгында тил саясаты абдан курч маселелерден болуп саналат. Бул проблема биздин коомдо да карама-каршылыктуу талаш-тартыштарды туудуруп, өтө эмоционалдуу талкууланган учурлар арбын. Биз көпчүлүк учурда бул маселени мамлекеттин саясатына такап коебуз. Анткен менен бүткүл дүйнө жүзүндө балдарынын келечегин аныктаган ата-энелердин ролуна көбүрөөк басым жасалат. Мамлекеттик тилди билүү өлкөнүн турмушуна катышуу мүмкүнчүлүгүн кеңейтээри шексиз. Кыргыз тили кыргыздардын тили катары эмес, мамлекеттик тил катары окутулушу керек. Биз тилди өнүктүрүү үчүн мамлекеттик платформа иштеп чыгабыз. Бул жөн гана куру сөз эмес, окутуу усулдарын иштеп чыгуу, билим берүү системасына дүйнөлүк мыкты практиканы киргизүү боюнча иштер аткарыла тургандыгын баарыбыз түшүнүүбүз зарыл. Тил маселесин саясатташтыруунун кажети жок. Биз мамлекеттик тилдин ролуна жаңыча көз карашта мамиле кылып, ошол эле учурда башка этностордун тилдеринин маанисин басмырлабашыбыз керек, - деп баса белгиледи Президент.
Ушул жылдын 18-июнунда Бишкекте Кыргызстан элинин Ассамблеясынын кезексиз курултайы болуп өткөндүгүн, анда аймактардан келген 800 делегат республиканын андан аркы өнүгүүсүнө байланышкан актуалдуу маселелерди талкуулагандыгын айтты. "Курултайдын катышуучулары Этностук саясат жана коомду баш коштуруу концепциясын жактырышты. Эми биз аны иш жүзүнө ашырууга батыл киришүүбүз керек", - деген мамлекет башчысы бүгүнкү күндө парламенттеги орундардын 15 пайызы ар кыл этностук топторго бөлүнгөндүгүн айтты. Анткен менен башка улуттун өкүлдөрү армияда жана укук коргоо органдарында азырынча азыраак кездешүүдө. Ал эми ЕККУнун Бишкектеги борборунун башчысы Элчи Эндрю Тесорьер Кыргызстандын жетекчилигине бул иш-чараны өткөрүүгө мүмкүнчүлүк түзгөндүгүнө ыраазычылык билдирди.
- Бул конференция коомчулуктун региондогу улуттук азчылыктар дуушар болуп жаткан маселелерге көңүлүн бурууга мүмкүнчүлүк берет. Биз баарыбыз толук кандуу заманбап коомду улуттук азчылыктардын укуктарын эске албай туруп кура албай тургандыгыбызды түшүнүп турабыз. Кыргызстанда болуп өткөн былтыркы окуялар этностор аралык мамилелердеги жана улуттук азчылыктардын интеграциялануусуна байланышкан маселелерди чечүүгө чечкиндүү киришүүгө аракеттер жумшалышы керектигин айгинелеп турат. Бул конференциянын Бишкекте өткөрүлүп жатышы бизге өзгөчө жагымдуу болуп турат, анткени өлкөнүн бийлиги проблемаларга көз жумбай, аларды чечүүгө болгон ынтызарлыгын көрсөтүүдө, - деди Эндрю Тесорьер.

Жыпар ИСАБАЕВА,
"Кыргыз Туусу"




  Аталарга таазим

Кыргызстанга 200 миң адам, ири 30 завод көчүрүлгөн
- Биз азыр Советтер Союзун калыбына келтире албайбыз, бирок, бирдиктүү экономикалык аймакка, бажы кошунуна бириге алабыз. Жок дегенде биздин муундун убагында Улуу Ата Мекендик согушта жеңишти камсыз кылган көзү тирүү ардагерлерибиз мурдагы союздун аймагында тоскоолдуксуз өтүп, өздөрү кан майданга катышкан жерлерди көрүп келишсин, эскеришсин, - деди КРнын премьер-министри Алмазбек Атамбаев.
- Республикабыздагы согуш арадагерлери бери дегенде Москвага, Минскиге чейин каттап алышсын. Мына ушул үчүн да биз мүмкүн болушунча тезирээк Бажы биримдигине өтүшүбүз керек.
Өкмөт башчысы мындай пикирин 22-июнь күнү Бишкектеги "Орус китептеринин үйү" маданий борборунда өткөн "Биримдик камсыз кылган жеңиш: "Улуу Ата Мекендик согуштун башталышына 70 жыл" аталышта өткөрүлгөн тегерек үстөл жыйынында билдирди. Жыйынга РФнын Президентинин башкармалыгына караштуу чет мамлекеттер менен кызматташуу жана маданий байланыштары боюнча жетекчиси Сергей Винокуров баштаган расмий өкүлдөр, тарыхчы окумуштуулар, республикабыздын согуш ардагерлери, күч түзүмдөрүнүн жетекчилери катышышты.
- Советтер союзуна каршы стратегиялык чабуулдарды иштеп чыгууда Гитлер көп улуттан турган, полиэтникалык совет эли өз ара чачырап кетип, туруштук бере албай калат деген ишенимде болгон. Фашисттик машинанын кыйраткыч күчү өз максатына жетет деп ойлогон. Жашыруун жыйындарында караган маселелери азыр дүйнө коомчулугуна ачыкталып жатат.1940-жылдын 21-июлунда Германиянын куралдуу күчтөрүнүн командачылыгын чогултуп, А.Гитлердин катышуусунда Чыгышка карата чабуул планын талкуулашкан. "Биз Россияны канчалык тез кыйрата алсак, ошончолук жакшы. Эгерде бир күчтүү чабуул менен бүтүндөй мамлекетти талкалап жок кылсак, анда артынан дагы кошумча операцияларды жасайбыз. Аны 1941-жылы март айында баштайбыз. Операциянын узактыгы беш айга созулат" - Гитлер өзүнүн аскер командачылыгына ушундай тапшырма жүктөгөн болчу", - дейт Сергей Винокуров.
Бүткүл дүйнөгө Гитлердин фашисттик армиясынын "Барбарос" планы деген директивасы белгилүү. Ал план боюнча Советтер Союзу бир чакан компаниянын алкагында гана тыптыйпыл болмок... Анын аскердик планынын ушунчалык текебердиги, совет элинин мүмкүнчүлүгүн баалап билбестиги таң калтырат. Ошол каардуу кармашта көп улуттуу совет эли массалык баатырдыкты көрсөтүшүп, Ата Мекен үчүн өз өмүрүн аяшкан эмес. Ошол согушта Казакстандан 1 млн. 360 миң, Өзбекстандан 1,5 млн., Тажикстандан 260 миң, Кыргызстандан 360 миңден ашык адам майданга жөнөтүлгөн. Тактап айтканда 1941-жылдагы өлкө калкынын жалпы санына салыштырмалуу ар бир алтынчы адам майданга кеткен. 73 кыргызстандык Советтер Союзунун Баатыры наамына татыктуу болушкан. Андан тышкары № 316-панфиловчу мотоаткычтар дивизиясы Москваны кашык каны калганча коргошкону тарых барактарына өчкүс болуп жазылып калды.
Ошол жылдары согуш жүрүп жаткан союздун аймактарынан 200 миңге жакын адамдар көчүрүлгөн. Ири стратегиялык 30 завод көчүрүлүп келип, иштей баштаган.
Сергей Винокуров Кыргызстанга тиешелүү кызыктуу тарыхый фактыны келтире кетти: "1943-жылы кыргыз эли фронтто фашисттик гитлерчилер менен кармашып жаткан жердеш солдаттарына кайрылып аскердик заказ жолдошконбу, - дейт ал. - Ошол кайрылууга 700 миңден ашык ооруктун эмгекчилери кол коюшуптур".
Ата Мекендик согушта Советтер Союзу боюнча 26 млн. адам каза болгондугу айтылып жүрөт. Мына ошол согуш талааларында калган көп миллиондуу өмүрлөр, дүйнө жүзүндөгү элдерди фашисттик кыргындан арачалап алып калгандыгын тарых тастыктаган.
Тилекке каршы, мурдагы социалисттик түзүлүштө жашап келген кээ бир өлкөлөрдө Улуу Ата Мекендик согуштун баатырларына, белгисиз солдаттардын эстеликтерине карата мамилелер өзгөрдү. Эстеликтерди томкоруп алып салган фактылар кездешүүдө. Ал эми Кыргызстанда Ата Мекендик коргоочуларга болгон урмат жыл өткөн сайын артып бара жатат. Ага мисал катары улам жаңы эстеликтердин ачылышын айтсак болот.
Жыйындын катышуучулары совет элинин эбегейсиз эрдиктери тууралуу мисалдарын тарыхтын тили менен далилдеп жатышты.

Нарынкүл НАЗАРАЛИЕВА,
"Кыргыз Туусу"







кыргыз тилиндеги гезит "Кыргыз туусу"
email • архив • редакция 
24-июнь, 2011-ж.:





Яндекс.Метрика