 |
|
|
|
Кайрылуу каттары жана келген каттар:
Шериктештик иштер ишеним арттырат Кыргыз Республикасынын Жогорку Кеңешинин Төрагасы Ахматбек Келдибеков башында турган парламенттик делегация Россия Федерациясынын Мамлекеттик Думасынын Төрагасы Борис Грызловдун чакыруусу менен Россияга эки күндүк расмий иш сапары менен барып келди. Белгилей кетчү нерсе, А.Келдибеков Төрага катары биринчи иш сапарын РФ Мамдумасына жасады. Мамдуманын Төрагасы Борис Грызлов менен жолугушууда Ахматбек Келдибеков Кыргызстан менен Россиянын ортосундагы парламенттер аралык байланышты кеңейтүүгө, эки тараптуу шериктештик мамилелерин тереңдетүүгө багытталган чараларды жүзөгө ашырууга даяр экендигин билдирди. Мамдуманын Төрагасы Борис Грызлов Ахматбек Келдибековду Жогорку Кеңештин Төрагалыгына шайланышы менен куттуктады. "Кыргызстанда парламенттик шайлоо өтүп, мамлекеттик башкаруу таризи өзгөрүлгөндөн кийинки алгачкы расмий иш сапарыңыз Россияга болгондугуна кубанычтуубуз", - деп, ал Кыргызстан КМШ чөлкөмүндөгү парламенттик башкаруу таризин тандап алган алгачкы мамлекет болуп санала тургандыгын белгиледи. Өткөн 2010-жыл Кыргызстан үчүн өтө оор кезең болгондугун, ошого карабастан, өлкөдөгү туруктуулукту сактоо менен, калк турмушун жакшыртууга жетише ала тургандыгына ишенээрин кошумчалады. Мамдума Төрагасы эки өлкө ортосундагы парламенттер аралык кызматташтыкты мындан ары да тереңдетүү зарылчылыгына токтолду. Кыргызстандын парламенттик башкаруу таризин тандап алышы эки өлкөнүн мыйзам чыгаруу бийликтеринин өз ара аракетине жаңы дем берип, жаңы мыйзам демилгелеринин жаралышына шарт түзө тургандыгына үмүт артат. Жолугушууда билим берүү тармагында кызматташуу, тагыраак айтканда, Кыргызстан жарандары үчүн билим берүү квотасын көбөйтүү маселелери да талкууланды. Мамдуманын Төрагасы Борис Грызлов бул маселе карала тургандыгын билдирди. Маектешүүнүн жүрүшүндө, терроризм менен наркотрафикке каршы күрөштү күчөтүү, миграция көйгөйлөрү, билим берүү тармагынын ишин жакшыртуу, Кыргызстанда орус тилинин окутулушу, Кыргызстандын экономикасына инвестиция тартуу маселелери да айтылды. Борис Грызлов Россия тарап Кыргызстандын экономикасына инвестиция киргизүүгө кызыкдар экендигин, бирок ал үчүн, баарыдан мурда, өлкөдөгү кырдаалды турукташтыруу керек экендигин айтты. Ага жооп катары, Ахматбек Келдибеков мамлекет жетекчилигинин алдында өлкөдөгү кырдаалды турукташтыруу, калктын социалдык көйгөйлөрүн чечүү эң башкы милдет катары тургандыгын баса белгиледи. Кыргыз Республикасынын Жогорку Кеңешинин Төрагасы Ахматбек Келдибеков Россия Федерациясына болгон расмий иш сапарынын алкагында РФ Президентинин Администрация жетекчиси Сергей Нарышкин менен да жолугушту. Жолугушууда эки тараптуу кызматташтыкты тереңдетүү маселелери талкууланды. Тараптар турмуштун бардык тармактарында өнөктөштүктү жигердештирүү жөнүндө пикир алышты. Андан сырткары Төрага Ахматбек Келдибеков өзүнүн расмий иш сапарынын чегинде Россия Федерациясынын Федералдык жыйынынын Федералдык кеңешинин Төрагасынын орун басары Ильяс Умаханов менен да жолугушуп, тараптар эки өлкө ортосундагы парламенттер аралык кызматташтыктын келечеги, социалдык-экономикалык байланыштын олуттуу маселелери тууралуу пикир алышышты. "Кыргызстандын жаңы парламенти менен анын жетекчилиги парламенттер аралык алаканын артышы үчүн бардык аракеттерин жасайт", - деп белгиледи Ахматбек Келдибеков. Ал Ильяс Умахановго Кыргызстандагы коомдук-саясий кырдаал тууралуу учкай маалымат берүү менен, парламенттин бардык аракети өлкөдөгү абалды турукташтырууга багытталып жаткандыгын айтты. Ошону менен бирге, Төрага Жогорку Кеңештин күндөлүк иши жана мыйзам чыгаруу ишмердүүлүгү менен да учкай тааныштырды. Тараптар билим берүү жана илим жаатындагы кызматташууларды, анын ичинде Ош шаарында Кыргыз-Россия (Славян) университетинин филиалын ачуу, Бишкек шаарында Инновациялык билим берүү борборун ачуу, Кыргызстанда орус тилиндеги мектеп окуу китептерин чыгаруу демилгелерин талкуулап, ал иштерди жүзөгө ашыруу максатында укук-ченемдик мыйзам негиздерин иштеп чыгуу маселелерине токтолушту. Ошондой эле, мамлекеттик карыздардын бир бөлүгүн жоюу жөнүндөгү өкмөттөр аралык келишимдин аткарылышына байланыштуу маселелер, Кыргызстандан барган эмгек мигранттарынын иштөө шартын жакшыртуу, аларды социалдык жактан камсыздандыруу чараларын көрүү зарылчылыгын белгиледи. Андан сырткары, мамлекеттик карыздардын бир бөлүгүн жоюу боюнча өкмөттөр аралык келишим, "Камбар-Ата-1" ГЭСинин курулушу, эки өлкө жарандарынын укуктук макамы тууралуу да сөз жүрдү. Жолугушуу соңунда тараптар бул иш-чара Кыргызстан менен Россиянын ортосундагы шериктештик мамилелеринин артышына түрткү бере тургандыгына ишенээрин билдиришти. Ал эми Жогорку Кеңештин Төрагасы Ахматбек Келдибеков РФ Федералдык миграция кызматынын жетекчиси Константин Ромодановский менен жолукканда, Россия Федерациясынын аймагында эмгектенген Кыргызстандын эмгек мигранттарынын укуктарынын корголушу тууралуу маселени козгоду. Ал РФ аймагында иштөөгө киргизилген эрежелер менен жарандардын маалымдуулугу жана эмгек ишмердүүлүгүн мыйзамдаштыруу жүрүмүн жөнөкөйлөштүрүүчү парламенттер аралык, өкмөттөр аралык келишимдерди түзүү зарылдыгын белгиледи. Расмий маалыматтарга таянуу менен, Төрага Россияда 580 миң кыргызстандык иштеп жаткандыгына, алардын 17 миңи гана иштөөгө уруксаат алышкандыгына токтолду. "Калган Кыргызстан жарандары Россия аймагында мыйзамсыз жүрүшү алардын социалдык жактан коргоосун камсыздоо маселелериндеги абалды оорлоштурат. Андыктан биздин алдыбызда Россия аймагындагы эмгек мигранттарыбыздын жүрүшүн мыйзамдаштыруу боюнча чоң-чоң иштер турат", - дейт ал. Константин Ромодановский Россия тараптын бул этапта кесипкөй адистерге муктаж болуп жаткандыгын айтты. Анын маалыматы боюнча, КР тиешелүү министрликтери менен чебер адистерди даярдоо максаты коюлган келишимдерге кол коюу мерчемделүүдө. Ошондой эле, Жогорку Кеңештин Төрагасы Ахматбек Келдибеков Москвадагы "Ю.А. Гагарин атындагы космонавттарды даярдоо илимий-изилдөө сынак борбору" Федералдык мамлекеттик мекемесинде болду. Борбордун президенти Сергей Криколев жана белгилүү космонавт, мекендешибиз Салижан Шарипов "Жылдыздар шаарчасы" менен тааныштырып, өздөрүнүн алдында турган максаттар менен милдеттер тууралуу ой бөлүшүштү. КР ЖК Басма сөз кызматы
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||