кыргыз тилиндеги гезит "Кыргыз туусу"
email • архив • редакция 
28-сентябрь, 2010-ж.:
1-бет
Кыргызстан менен Американын
аралыгы дагы жакындады
2-бет
Кыргызстан менен Американын аралыгы дагы жакындады
3-бет
Өнүгүүнүн негизи түзүлүүдө
4-бет
Султанов Марат Абдразакович:
"Күчтүү оппозиция - кыргыз элинин кызыкчылыгы"

5-бет
"Ак шумкар" партиясына
добуш берүүнүн 7 себеби

6-бет
Соттор жумуштан эмне үчүн бошотулушту?
7-бет
"Бийликке жаңы кан жүгүртчү инсан келатат"
8-9-бет
"Ак шумкар" саясий партиясынын лидери
Темир САРИЕВ:
"Өнүгүүгө жети кадам" - экономиканы өркүндөтүүнүн өбөлгөсү"

10-бет
Жаштар мамлекетти башкарууга барышат
11-бет
Улут ңгусун издеп...
же келечектин модели
"Манастабы"?

12-бет
Окугандан кийинки ойлор
13-бет
Дубандардан эмне кеп?
14-бет
Айтылуу таланттар
жолугушканда...

15-бет
Мамбеталынын айткандары
16-бет
Өргө умтулган Күн-Чыгыш





Кыргызстан менен Американын
аралыгы дагы жакындады
Кыргыз Республикасынын
Президенти Роза Отунбаева Нью-Йорк шаарында
АКШнын Президенти Барак
Обама менен жолугушту.
Жолугушуунун жүрүшүндө кыргызамерика кызматташтыгын кеңейтүү жана тереңдетүү маселелери, эки өлкөнүн ортосундагы мамилелерди чың-доонун жолдору талкууланды.
Американын Президенти акыркы айларда Кыргызстандагы демократиялык институттарды калыбына келтирүү ишиндеги чечкиндүү кадамдары үчүн Кыргызстандын мамлекет башчысына кубаттоосун билдирди. Жолугушуу учурунда Роза Отунбаева жетектеген кыргыз өкмөтү көз каранды эмес жалпыга маалымдоо каражаттарына болгон чектөөлөрдү алып салгандыгы, жаңы Конституциянын долбоору даярдалып, ал 27-июнда болгон жалпы элдик добуш берүүдө кабыл алынгандыгы айтылды. "Кыргызстандын демократиянын жолундагы жигердүү кыймылы өлкөнүн жашоочуларынын социалдык-экономикалык өнүгүүсү үчүн зарыл шарттардан болуп саналаарына ишенем.Сиздер жүргүзүп жаткан реформалар менен башка аракеттерге толук колдоо көрсөтөбүз", - деп билдирди Б.Обама. Ошондой эле АКШнын Президенти Кыргызстандын түштүгүндөгү кагылышууну токтотуп, кырдаалды жөнгө салуудагы Роза Отунбаеванын аракетин жогору баалады.
Жолугушуунун жүрүшүндө президенттер Борбордук Азиядагы коопсуздук, Афганистанды өнүктүрүүдөгү жетишкендиктер тууралуу пикир алышышты.
Өз ара маектешүү учурунда эки өлкө ортосундагы кызматташууну андан ары өнүктүрүү, эки тараптуу мамилелердин абалы, келечеги тууралуу маселелер каралды.
Ал эми кечээ "Кабар" маалымат агенттигинде өткөрүлгөн маалымат жыйынында КРнын вице-премьер-министри, Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекциянын башкы директору Жантөрө Сатыбалдиев мамлекет башчы Р.Отунбаева баштаган мамлекеттик делегациянын БУУнун Башкы Ассамблеясынын саммитинин жыйынтыгы өтө жемиштүү болгондугун белгиледи. Дүйнөлүк коомчулук Кыргызстандын чыныгы демократиялык мамлекетти куруу боюнча аракетине өтө жогору баа берген.
Ж.Сатыбалдиевдин айтуусунда, мындай тыянак чыгарууга эки жана көп тараптуу сүйлөшүүлөрдүн жыйынтыгы өбөлгө болгондугун белгилесек болот. "БУУнун Башкы катчысы Пан Ги Мун, АКШнын Президенти Барак Обама жана башка дүйнөлүк таасирдүү лидерлер элдин кайра түзүүлөргө умтулган эркин жана өлкөнүн жаңы бийлигинин саясатына жогору баа беришти. Мунун баары ийгиликтүү аяктаган сүйлөшүүлөрдүн жүрүшүндө билинди", - деди Жантөрө Сатыбалдиев.
Президенттин Администрация башчысынын биринчи орун басары Муктар Жумалиевдин билдирүүсү боюнча, мамлекет башчы Роза Отунбаева 60тан ашык жолугушууларды өткөргөн. "Алардын 30у мамлекет башчыларынын деңгээлинде, болгондо да алардын демилгеси менен болду. Бүткүл дүйнөлүк коомчулук Кыргызстанда болуп жаткан реформаларга кылдат байкоо жүргүзүүдө жана бизге чын дилден колдоо көргөзүүдө", - деп кошумчалады ал.
(Уландысы 2-бетте)





"Ак шумкар" саясий партиясынын лидери Темир САРИЕВ:
"Өнүгүүгө жети кадам" - экономиканы өркүндөтүүнүн өбөлгөсү"
- Биздин "Өнүгүүгө 7 кадам" деген кризиске каршы программалуу документибиз иштелип чыккан. Буюрса, 10-октябрдагы парламенттик шайлоо тынч, ойдогудай өтүп калса, айдын 20-октябрына жакын парламент толук кандуу иштеп, Өкмөттүн курамы түзүлөт. Ал эми 1-ноябрдан баштап, алгачкы иштелүүчү иштердин бири кризиске каршы "Өнүгүүгө 7 кадам" программасы болуп саналат. Анын эң алгачкы орчундуусу - жеке менчикти сактоо, экономика саясатындагы туруктуулукка жетишүү.
Эгерде мамлекет экономиканын туруктуулугуна, менчиктин кол тийбестигине кепилдик бербесе, таланып, тонолуп, бүлүнүп кете берсе бизге тыштан инвестор келбейт. Ошону үчүн инвесторлор, ишкерлер ишене турган күчтүү экономикалык саясат жүргүзбөсөк болбойт. Мамлекет алардын менчигин коргошу зарыл. Андан тышкары салык саясатын улам өзгөртпөй, туруктуулукка жетише турган учур келди. Ошол эле мезгилде бизнес чөйрөсү мыйзамдуу, тең укуктуу атаандаштык менен өсүүгө тийиш.
(Материалды 8-9-беттерден окуйсуздар)




PDF формат


Яндекс.Метрика