 |
|
|
|
Кайрылуу каттары жана келген каттар:
Камкордук Улгайган адамдарды урматтоо айлыгы КРнын Президенти Роза Отунбаева улгайган жарандардын көйгөйлөрүнө коомчулуктун көңүлүн буруу максатында 15-сентябрдан 15-октябрга чейин улгайган адамдарга көңүл буруунун жана камкордук көрүүнүн бир айлыгын өткөрүү жөнүндө буйрукка кол койду. Министрликтерге, административдик ведомстволорго, жергиликтүү мамлекеттик администрацияларга жана жергиликтүү өз алдынча башкаруу органдарына улгайган адамдарга камкордук көрүү айлыгын бекитилген иш-чаралардын планына ылайык өткөрүп, отчётторун 26-октябрга чейинки мөөнөттө КРнын Өкмөтүнө караштуу Мамлекеттик социалдык камсыз кылуу агенттигине маалымдоо тапшырылды. Иш-чаранын жыйынтыгын КРнын Президентинин администрациясы чыгарат. Пенсиянын базалык бөлүгү 1000 сом болду КРнын Президенти Роза Отунбаева "Пенсиянын базалык бөлүгү жөнүндө" жарлыкка кол койду. Ага ылайык, пенсиялардын базалык бөлүгү 2010-жылдын 1-октябрынан тартып көбөйтүлөт жана ал 1000 сом өлчөмүндө болот. Эскерте кетчү нерсе, Кыргыз Республикасынын Президентинин "Электр кубатына тарифтердин жогорулагандыгына байланыштуу пенсионерлерге компенсациялык төлөмдөр жөнүндө" 2008-жылдын 5-июнундагы № 193 жана "Тарифтик саясат өзгөргөн учурда компенсациялык төлөмдөрдү белгилөө жөнүндө" 2009-жылдын 13-ноябрындагы № 509 Жарлыктарына ылайык, белгиленген компенсациялык төлөмдөрдүн өлчөмдөрү ушул жарлыкка байланыштуу пенсиялардын өлчөмдөрүн кайра эсептөөдө өзгөртүлбөйт. Кошумча жөлөк пул төлөнөт Кыргыз Республикасынын Өкмөтүнүн токтому менен Талас облусунда 6-апрелде, Бишкек шаарында 7-апрелде, Жалал-Абад шаарында 13-14-майда жана Ош шаарында, Ош жана Жалал-Абад облустарында июнь окуяларында жабыркаган КРнын жарандарына, ошондой эле каза тапкандардын үй-бүлө мүчөлөрүнө ай сайын кошумча жөлөк пул белгилөөнүн жана төлөөнүн тартиби бекитилди. Кыргыз Республикасынын Өкмөтүнө караштуу со- циалдык камсыз кылуу мамлекеттик агенттигине, КРнын финансы министрлигине жана КРнын транспорт жана коммуникация министрлигине кошумча жөлөк пул төлөп берүүнү бекитилген тартипке ылайык камсыз кылуу тапшырылды. Ошондой эле КРнын Убактылуу Өкмөтүнүн 2010-жылдын 10-июнундагы "Майыптыктын себебин аныктоо тууралуу" №72-токтомуна тиешелүү өзгөртүүлөр киргизилди. Жабыркагандарга паспорт берүү жөнөкөйлөштүрүлдү Кыргыз Республикасынын Өкмөтүнүн токтому менен Ош шаарында, Ош жана Жалал-Абад облустарында 2010-жылдын июнь окуяларында жабыркаган КРнын жарандарына паспорт берүү тартибин жөнөкөйлөштүрүү тууралуу Жобо бекитилди. Жеңдиңби? Сыйлык ал! КРнын Президенти Роза Отунбаева эл аралык спорттук мейкиндикте Кыргызстандын кадыр-баркын көтөргөн спорттук жогорку жетишкендиктерди камсыздаган спортчуларды колдоо максатында бир жолку сыйлыкты белгилеген буйрукка кол койду. Ага ылайык, өспүрүмдөрдүн 1-Олимпиялык оюндарында (Сингапур) биринчи орун алганга - 10 миң, экинчи орун үчүн - 7 миң жана үчүнчү орун үчүн - 5 миң АКШ доллары берилет. Алардын улук жана жеке машыктыруучуларына спортсменге берилген сумманын 25 пайызы көлөмүндө сыйлык берилет. Бул максатта КРнын финансы министрлигине 30 миң АКШ долларын КРнын Өкмөтүнө караштуу дене тарбия жана спорт мамлекеттик агенттигине которуу тапшырмасы берилди. А.ЭСЕНОВ Экономика Турукташтыруу чаралары көрүлүүдө "Экономикалык абалга баа берүүдө өлкөнүн экономикасына саясий окуялардын тийгизген терс таасирин эске алуу зарыл. Алсак, чакан жана орто бизнес ишканалары талкаланды жана жабыр тартты. Туризм сектору, айыл чарбасы жана кызмат көрсөтүүлөр чөйрөсү олуттуу зыянга учурады. Коңшулаш өлкөлөр менен чек аралардын жабылышы тышкы суроо-талаптын төмөндөшүнө алып келди", - деди экономикалык тескөө министри Эмил Үмөталиев журналисттер менен болгон жолугушууда. Бишкектеги апрелдеги жабыр тарткан ишкерлерге РСК банкы тарабынан 53 млн. сом төлөнгөн. Ал эми Ош, Жалал-Абад шаарларындагы коогалаңдан жабыр тарткан ишкерлердин зыяндарын аныктоо иштерин ЭТМнин атайын тобу жеринде такташууда. Оор кырдаалдардын кесепетин жоюуга фискалдык саясаттын алкагында ишкердикти колдоо, өнүктүрүү максатында 5 Декрет кабыл алынган. Алар - эсептелген пайыздар, туум айыптар жана санкциялар боюнча салык төлөөчүлөрдүн карыздарын төлөөнүн мөөнөтүн узартуу. Зыян тартышкан ишкердик субьекттерге салык, бажы органдары жана социалдык фонд тарабынан кийинкиге жылдыруу же мөөнөтүн узартуу жеңилдиктери берилип, ишкер жогоркудай кырдаалда жер пайдаланса жер салыгын төлөөдөн 3 жылга чейин толук же жартылай бошотууга жергиликтүү кеңештерге укук берилип, ишкердик субьектилер каражаттарын товарды, жумуштарды, кызмат көрсөтүүлөрдү акысыз берүүнү жүргүзсө пайдага салык боюнча эсептен чыгарып салуу менен КНС төлөөдөн бошотулат. Ошондой эле тигүү тармагында эмгектенген жумушчулардын камсыздандыруу төлөмдөрүн жеңилдетүү максатында орточо айлык акынын 2% өлчөмүндө камсыздындырууну белгилеген же болбосо жогорулатууга мораторий жарыялаган долбоор иштелип чыккан. Туристтик тармактын өзгөчөлүгүн эске алуу менен мүлккө, жерге салыкты төлөө мөөнөтүн туристтер көп келген мезгилге, 2- жана 3-кварталдарга которуу жөнүндө Декреттин долбоору иштелип чыккан. Бажы союзуна кирүү үчүн КМШ өлкөлөрү менен эркин соода аймагы жөнүндө жаңы келишимдердин долбоорлору даярдалып жаткандыгы айтылды. "Финансылык коопсуздукту камсыз кылуу боюнча чаралар көрүлүүдө. Атап айтканда, эл аралык донорлордун миссиясы менен (МВФ, АБР, ЕБРР, ВБ) өлкөнүн экономикалык абалына баа берүү жана каржылык жардам берүү иштери жүрүүдө. 2020-жылдын аягына чейин Эл аралык валюта фондунун миссиясы менен орто мөөнөттүү экономикалык программаны иштеп чыгууга көмөк көрсөтүүнүн алкагында иш-чаралар пландаштырылып жатат", - деди Э.Үмөталиев. Министр андан өлкөнүн тышкы карыздары жана кредиттери боюнча төлөмдөрдү жоюу, узартуу жана жеңилдетүү мүмкүнчүлүктөрү жөнүндө Эл аралык каржы институттары жана донор өлкөлөр менен сүйлөшүүлөр жүрүп жаткандыгына токтолду. Мамлекеттик органдар менен бизнес чөйрөсүндөгүлөрдүн биргелешип аракеттенүүсү үчүн Өкмөткө караштуу бизнести өнүктүрүү жана инвестициялар боюнча кеңеши жөнүндө КРнын Өкмөтүнүн токтому кабыл алынган. Администрациялык реформаны ишке ашыруу механизмдери иштелип чыгып, ал "жеке жана юридикалык жактар тарабынан мамлекеттик кызматтарды көрсөтүү системасын оптималдаштыруу боюнча чаралар жөнүндө" Президенттин жарлыгы менен бекемделген. Үстүбүздөгү жылдагы бийлик алмашуу, түштүктөгү коогалаңдар экономикалык өнүгүүгө терс таасирин тийгизгени чындык. Бирок, аны турукташтыруу боюнча кыргыз Өкмөтү, Экономикалык тескөө министрлиги жогоруда айтылгандай чараларды көрүүнүн натыйжасында өткөн жылдагы өнүгүү деңгээли кармалган. Сегиз айда ички дүң жыйым 120 миллиард сомду түзүп, өткөн жылга карата 100 пайыздан ашкан. Марип ТАЙЧАБАРОВ, "Кыргыз Туусу"
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||