 |
|
|
|
Кайрылуу каттары жана келген каттар:
 Аракеттердин жемиши болоор күндөр алыс эмесКыргыз Республикасынын Президенти Роза Отунбаева башчылык кылган өлкөбүздүн расмий делегациясы азыркы убакта Нью-Йоркто Бириккен улуттар уюмунун Башкы ассамблеясыныны 65-сессиясына катышууда. 20-сентябрда БУУнун "Миң жылдыктын өнүгүү максаттары" аталыштагы саммити өз ишин баштап, анын ишине 140тан ашуун мамлекеттин лидерлери катышты. Президент Р.Отунбаеванын АКШда болушунун алгачкы күнүнүн программасы өтө мазмундуу болду. Бул күнү саммиттин алкагында ал Өзбекстан Республикасынын президенти Ислам Каримов менен жолугушуп, өлкөлөрдөгү учурдагы саясый кырдаал боюнча маалымат алышты, Кыргызстандын түштүгүндө улуттар ортосундагы ынтымакты сактап калуунун жана бекемдөөнүн жолдорун талкуулашты. Андан кийин мамлекет башчысы ЮНИСЕФтин Нью-Йорк шаарындагы башкы кеңсесинде уюмдун аткаруучу директору Энтони Лейк менен жолугушту. Жолугушуунун жүрүшүндө президент ЮНИСЕФтин башчысына кыргыз мектептеринде окуу процессинин жүрүшү жөнүндө кыскача баяндап, окуу китептеринин тартыштыгы, июнь жаңжалы өткөн аймакта коопсуздукту камсыз кылуу, алардан улам балдар орто билим ала албай жатышкан социалдык-экономикалык себептер менен байланышкан маселелерге басым жасады. Э.Лейк жоооп кайтарган сөзүндө уюмдун миссиясын турмушка ашырууга жардам бергендиги үчүн Кыргызстандын жетекчилигине ыраазычылыгын билдирип, республиканын алыскы райондорунун тургундарынын ден-соолугуна камкордук көрүү менен байланышкан жаңы программанын турмушка ашырылышынын жүрүшү жөнүндө маалымдады. Ошол эле күнү мамлекет башчысы Ислам Конференциясы Уюмунун (ИКУ) Башкы катчысы Эклемеддин Ихсаноглы менен жолугушуп, анын жүрүшүндө тараптар Кыргызстан менен ИКУнун ортосундагы кызматташтыкты өнүктүрүү боюнча орун алган маселелердин кеңири чөйрөсүн талкуулашты, атап айтканда өлкөнүн түштүк облустарында тынчтыкты жана туруктуулукту орнотууда исламдын ролу белгиленди. Кийинчерээк президент Катар Мамлекетинин Эмири шайык Хамад бин Халифа Аль Тани менен жолугушту. Жолугушуунун убагында Эмир Кыргызстан менен кызматташуунун өнүктүрүүгө Катар мамлекетинин аракетин билдирип, Роза Отунбаеваны өлкөсүнө өзү үчүн ыңгайлуу убакта расмий визит менен келип кетүүгө чакырды. Ал ошондой эле Катар мамлекети өз ара пайдалуу биргелешкен инвестициялык долбоорлорду иштеп чыгууга, аларды турмушка ашырууга жана жалпысынан экономикалык мамилелерди өнүктүрүүгө таламдаш экендигин белгиледи. Ошол эле күнү мамлекет башчысы БУУнун баңги заттары жана кылмыштуулук боюнча башкармасынын аткаруучу директору Юрий Федоров менен жолугушуп, баңги заттарынын мыйзамсыз жүгүртүлүшүнө жана уюшкан кылмыштуулукка каршы туруу боюнча Кыргызстан жүргүзүп жаткан саясат жөнүндө кыскача айтып берди. Мамлекет башчысы ошондой эле наркотрафикке жана улуттар аралык кылмыштуулукка каршы күрөшүү чөйрөсүндө БУУнун баңги заттары жана кылмыштуулук боюнча башкармасы менен Кыргызстандын кызматташтыгын кеңейтүүгө даярдыгын билдирди. Ю.Федоров баңги заттарына көзөмөл кылуу боюнча агенттикти калыбына келтирүү жана улам көбүрөөк мамлекеттер аралык мүнөзгө ээ болуп бараткан баңги заттарынын мыйзамсыз жүгүртүүгө каршы күрөштү күчөтүү боюнча Кыргызстандын жаңы жетекчилигинин иш-аракеттерине колдоо көрсөтүлө тургандыгын билдирди. Президент Роза Отунбаева АКШда болушунун биринчи күнүнүн аягында саммиттин ишине катышып жатышкан мамлекеттердин жана өлкөлөрдүн тышкы саясый ведомстволорунун аял башчыларынын урматына АКШнын мамлекеттик катчысы Хиллари Клинтондун атынан уюштурулган кабыл алууга катышты. Дүйнөлүк банк колдоо көрсөтөт Америкада иш сапары менен жүргөн Кыргыз Республикасынын Президенти Роза Отунбаева Дүйнөлүк банктын президенти Роберт Зелик менен жолугушуп, мамлекет башчысы Р.Зеликке Дүйнөлүк банк тарабынан Кыргызстанга көрсөтүлүп жаткан колдоосу жана жардамы үчүн ыраазычылык билдирип, ошондой эле ички саясий абал жана республика жетекчилиги тарабынан өлкөдө коомдук-саясий абалды акыр-аягына дейре турукташтыруу максатында көрүлүп жаткан чаралар тууралуу кыскача маалымдады. Мындан сырткары, Президент республиканын маанилүү тармактарына - энергетика жана тоо-кен тармагына ачыктык принцибин жана коомдук көзөмөлдү киргизүү боюнча аракеттерге өзгөчө көңүлдү бурду. Р.Зелик бул демилгени колдоорун билдирип, Дүйнөлүк банк кызматкерлерине аталган демилгени колдоого багытталган сунуштардын долбоорун даярдоо тууралуу конкреттүү тапшырма берилерин билдирди. Анын айтымында, Банк тараптан республиканын түштүгүнүн экономикасын калыбына келтирүү боюнча өлкө жетекчилигинин аракеттерине зарыл жардам жана колдоо көрсөтүлөт. "Бизде чыр-чатак чыккан аймактарда иштөө тажрыйбасы бар. Биз сиздин өлкөнүн түштүгүндө шаарларды калыбына келтирүүдө донорлордун аракеттерин сапаттуу координациялоого жетишүүнү каалайбыз. Негизгиси - социалдык жана экономикалык өнүгүү бирдей жүрүүсү керек", - деп белгиледи Р.Зелик. Ал билдиргендей, Дүйнөлүк банк мындан ары карай Кыргызстанда инвестициялык абалды жакшыртууга, кризиске каршы программаларды ишке ашырууга жана кошумча донордук каражаттарды тартууга жардам берүүгө даяр. Р.Зелик республиканын Афганистандын экономикасын калыбына келтирүүгө катышуу ниетине тийиштүү маселеге карата кыргыз тараптын бардык демилгесин жана сунуштарын ар жыл сайын өтүүчү акционерлер жыйынында талкуулоого даяр экендигин билдирди. Жолугушуу учурунда тараптар алдыдагы парламенттик шайлоого даярдык көрүү маселелерин талкуулашты. Бул саясий окуя мамлекеттин туруктуу өнүгүүсүн камсыздоо үчүн маанилүү орунда тураары баса белгиленди. Германия Кыргызстанды колдойт БУУ Башкы Ассамблеясынын 65-сессиясынын иш-чараларына катышуу алкагында Кыргыз Республикасынын Президенти Роза Отунбаева дүйнөлүк деңгээлдеги саясатчылар менен бир катар жолугушууларды өткөрдү. 21-сентябрда Роза Отунбаева Германия Федеративдик Республикасынын Федералдык канцлери Ангела Меркель менен жолугушту. Достук жана ишенимдүү мамиле өкүм сүргөн жолугушуу учурунда эки өлкө ортосундагы мындан аркы өз ара пайдалуу кызматташууну чыңдоо маселеси талкууланды. Канцлер А.Меркель Кыргызстандын жетекчилигинин коомдук-саясий туруктуулукту жана тартипти, өлкөдө демократиялык институттарды калыбына келтирүү жана өнүктүрүү демилгелерин колдоорун билдирди. (Уландысы 6-бетте)
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||