 |
|
|
|
Кайрылуу каттары жана келген каттар:
Эреже баарына бирдей Анда мен борбор калаабызга билимди өркүндөтүү курсуна окууга келгем. Көчөдөн шашып баратып, жөн эле жерден эки жакты карап, жакын арада машине жок экен деп көчөнү кесип өтүп бара жатсам, нарытада турган милиция кызматкери мени бери кел дегендей ишарат кылып калды. Жанына басып бардым. Ал менин ким экенимди, кайдан келгендигимди сурап билгенден кийин жөө жүрүүчүлөр өтө турган жерден гана өтүү керектигин түшүндүрдү. Ошондон кийин кез келген эле жерден көчөнү кесип өтө бергенден тартынчу болдум. Кийинки мезгилде жөө жүргүнчүлөрдүн күнөөсү менен жол кырсыктарынын көбөйгөндүгү тууралуу көп айты-шууда. Мында, албетте, унаа ай-доочулардын да күнөөсү бар. Өзгөчө маршруткалар туш келди токтотушкандыгы аз келгенсип, бурулуштардан алыс эмес турган жүргүнчүлөрдү алуу үчүн да токтошуп, ансыз деле автоунаалар толгон тар көчөлөрдө баш аламандыктарды жаратышууда. Күндөлүк тиричилик менен Ош базарына көп барабыз. Айланасы унааларга толгондуктан, көчөнү кесип өтүү кыйын. Өзгөчө базардын жанындагы Бейшеналиева менен Киев көчөлөрүнүн кесилишиндеги кырдаал мындан дурус эмес. Бурулуштардан өтпөй токтоп жол бербей каз катар тизилген маршруткалар, туурасынан туруп калган автобустар, сигналы кулак тундурган троллейбустар жана алардын арасынан буйтап чалынып-чулунуп жүгүрүп, чоң сумкаларын көтөргөн адамдар алыстан эле көзгө чалдыгат. Кээде буларды байкашкан МАИ кызматкерлери көрсө да көрмөксөн. Баарынан да кожоюндук кылышып, автобустар менен троллейбустар токтоочу аялдамаларды менчик таксилер ээлеп алышкан.Аларды мындай тур деп айткан эч ким жок. МАИ кызматкерлерине айтаарыбыз: буйткага жашынып алып, жеңил автоунааларды токтотуп корсулдап акча өндүргөндөн көрө адегенде аялдамаларды "менчиктеп" алышкан менчик таксилерди тартипке салышса боло... Уулкан САРИЕВА, Бишкек шаары Шайлоодон кийин иштей беришсин Учурда коомчулук арасында Борбордук шайлоо комиссиясынын төрагасы А.Сариевдин жана БШКнын мүчөсү Ж.Бапанованын депутаттыкка талапкер жакын туугандары тууралуу маселе талкууга алынууда. Талапкерлер катталган күндөн бери бир топ күн өтсө дагы күндө теледен, гезиттерден шайлоону мыйзамдуу, таза өткөрүүгө тынбай чакырып жаткан адамдар өздөрү шайлоонун эрежелерин бузуп жатышкандыгы түшүнүксүз.Муну дайымкыдай эле мыйзамды өз пайдасына пайдаланып, маселени чечүүгө эмес, маселени сууга агызууга аракеттер болуп жаткандай деп ойлоого аргасыз болот экенсиң. Биз А.Сариев же Ж.Бапанова өз ыйгарым укуктарынан кыянаттык менен пайдаланат же болбосо шайлоонун жыйынтыктарын бурмалайт деген ойдон алыспыз. Бирок шайлоо кодексинин талаптарын так, катуу кармоо башкалар үчүн үлгү болмок деген ойдобуз. Бул маселе чечилбесе таза, мыйзамдуу шайлоонун өтүшүнө ишенбейбиз деп жүргөндөргө далил болуп, натыйжасы оор болушу мүмкүн. Бизди ушул гана тынчсыздандырып жатат. А.Сариевдин да, Ж.Бапанованын да инилери татыктуу адамдар экенине ишенебиз, аларга ийгилик каалайбыз. Ал эми эрежеге баш ийип, убактылуу бошоп турушуп, А.Са-риевдин да, Ж.Бапанованын да шайлоодон кийин БШКда өз орундарында ийгиликтүү иштей берүүлөрү шартка ылайыктуу. Учурда көптөгөн жарандар ушул маселе боюнча талкуу жүргүзүп жатышат, ошондуктан Башкы прокурор К.Байболовго да кайрылдык. Себеби, бул маселе жакшылап түшүндүрүлсө көптөгөн керексиз ушак-айыңдар төгүнгө чыгып, шайлоонун тынч өтүшүнө бир аз болсо да өбөлгө түзмөк. Мамат КАРАТАЕВ, Жалал-Абад шаары Кыргызым Мен айтайын силерге көңүл бөлгүн кыргызым, Тарам-тарам булактай бөлүнбөгүн кыргызым, Бузукуга алданып адашпагын кыргызым. Абийириңден ажырап, булганбагын кыргызым, Азгырылып бирөөгө желинбегин кыргызым, Эсиң болсо эсирбей элим дегин кыргызым. Тигишиңден сөгүлүп, бөлүнбөгүн кыргызым, Чет элдерге келеке кеп болбогун кыргызым, Намыс менен арыңды сактап калгын кыргызым. Душмандарга сыр бербей сак болгунуң кыргызым, Намыс менен арыңды, алдырбагын кыргызым, Ырысыңдан ажырап кайгырбагын кыргызым, Биримдикти кучактап, сактап калгын кыргызым, Ынтымакты туу кылып, кармап калгын кыргызым, Ураан кылып ушуну айтып жүргүн кыргызым. Кыргыз деген бир ат бар, унутпагын кыргызым, Ыркырашып ыркыңдан кетпегиле кыргызым, Ырыскыңды алдыңдан төкпөгүлө кыргызым. Эл Баатыры эстен чыкпаса Ата Журттун уулу болуш ардактуу иш. Бердибек Дурусбеков элдин татыктуу уулу боло алды деп ишенимдүү айта аламын. Анткени, ал 7-апрелдеги элдик көтөрүлүштүн туу башында туруп, өмүрүн элге берди. Бердибек Дурусбеков Аксы районунун Ак-Жол айыл аймагына караштуу ажайып кооз жерде, тоо боорундагы Пери-Булак айылында 1987-жылдын 30-ноябрында жарык дүйнөгө келген эле. Атасы Таштанбек Турсуналы менен Мария Жээнмырзаеванын кенже уулу болчу. Ал кандай жигит эле? Бердибек улуттук күрөш боюнча бир нече мелдештердин жеңүүчүсү, алтын медалдардын ээси болгон. Ал 2007-жылы Аксы районундагы Отунчу Ташкулов атындагы орто мектепте эң жакшы окуусу, үлгүлүү жүрүш-турушу менен аяктап, ошондой эле эң мыкты спортсмен катары таанылган. Өзүнүн салмагынан алда канча чоң 80-90 килограммдагы балбандардын далысын жерге тийгизчү. Анын устаты Аксы районундагы чыгаан машыктыруучулардын бири, кыргыз күрөшүнүн мастери Алимжан Жусупбеков. Ата-энеси эми Бердибектин ысымы өчпөй эл эсинде калса дешет. Ал үчүн эмне кылуу керек? Бердибек Дурусбеков кыргыз күрөшү боюнча мыкты балбан болчу, эми Бердибектин атындагы өкмөттүк фонд уюштурулуп, ал фонд жыл сайын "Белгилүү балбан, Эл Баатыры Бердибек Дурусбековдун ысымындагы кыргыз күрөшү боюнча байгени" уюштуруп турса жакшы болмок деген ойду билдиришти. Жүйөөлүү сунуш. Анан ушул айылындагыбы же борборубуз Бишкектегиби бир көчөгө аты берилсе деген каалоо-тилектерин айтышты. Эмки иш Өкмөттө калды, мындай демилгени колдойбу же жокпу, маселе ушунда. Анын үстүнө Бердибектин сөөгү Ата бейитке коюлбай, айылына коюлгандыктан да эстен чыгып калып жаткандай. Албетте, бул ишти Ак-Жол айыл кеңешинин депутаттары, өкмөтү да карап көрүшү зарыл деп эсептейбиз. Анткени, бул айылда СССР спортунун мастери белгилүү балбан Текеевдин ысымындагы байге жыл сайын өтүп келатат. Абдымомун КАЛБАЕВ, эл агартуунун отличниги, Аксы району Жол жакшы болсо, иш оңолот Айыл калкынын турмушуна жолдун ролу өтө чоң. Айрыкча биздин Кара-Кулжа сыяктуу тоолуу аймактарда жол катнашы көп жылдардан бери эле түгөнбөгөн түйшүк болуп келгени айгине. Жол азабын ондогон жылдар бою тартып келген биздин көптөгөн алыскы айылдарыбыз быйыл Бишкек - Ош автожол мамлекеттик дирекциясынын башкы директору Шабданбек Иманкуловдун жардамы менен тоо койнундагы татаал жолдору оңдолуп, бүткөн ишке ыраазы болуп олтурушат. Ушул дирекциянын жардамы менен Кара-Кулжа-Алайку жолунун эң татаал участогу болгон Терек-Суу айылынан Кара-Ташка чейинки техника өтүүгө кооптуу болуп калган тоо жолу 4 млн. 200 миң сом менен оңдолуп, ишке берилди. Ушундай эле калк турмушу үчүн өтө зарыл болуп, бирок мурдагы бийликтин көңүл бурбагандыгынан жылдар бою каралбай калган Ылай-Талаа-Гүлчө жолунун ремонтуна 1 млн. 800 миң сом жумшалды. Аталган дирекция райондун мүмкүнчүлүгү келбеген Кара-Кулжа-Буйга жолундагы чоң көчкүнү тазалап, азыр мында шагыл төгүү иши жүрүп жатат. "Эл оозунда элек жок" дегендей, ушул тапта утурумдук өкмөттүн дарегине ар түрдүү кептер айтылып жүрөт. Албетте, айрым мүчүлүштүктөр бар экени ырас. Бирок, жаңы бийликтин тушунда айыл калкынын муктаждыктарына көңүл буруу кыйла жакшыргандыгын айтпай коюуга болбойт. Биздин районубузда жасалгандай жумуштар башка аймактарда да жүрүп жаткандыгын байкаса болот. Көп жылдардан бери айтылып, бирок аткарылбай келген иштердин бүтүшү биздин тоолук калктын назарын бурду. Биз Кара-Кулжа районунун тоолуу шарты катаал экендигин туура түшүнүп, аймактагы эң та-таал жолдорду сапаттуу жана кыска мөөнөттө оңдоп бергендиги үчүн Бишкек - Ош автожол мамлекеттик дирекциясынын башкы директору Ш.Иманкуловго элибиздин алкышын гезит аркылуу айтып коюуну эп көрүп отурабыз. Бакалбай ЭРКИНБАЕВ, Бакы БЕЙШЕБАЕВ, Көчкөнбай БОРОНБАЕВ, эмгек ардагерлери, Кара-Кулжа району
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||