19.02.10
  Жарыя!

Жаш окутуучулардын жана аспиранттардын
ортосунда изилдөө иштеринин республикалык конкурсу
КМШга катышкан мамлекеттердин жалпы идеяларынын жана кызыкчылыктарынын негизинде жаш муундун өкүлдөрүн илимий-изилдөө жана коомдук иштерге тартуу, ошондой эле жаш окумуштуулардын, аспиранттардын жана окутуучулардын арасында парламентаризмдин, демократиянын жана жарандардын шайлоо укуктарынын идеяларын жана принциптерин кеңири жайылтуу Республикалык конкурстун максаттары болуп саналат.


Катышуучулар:
Конкурска Кыргыз Республикасынын жарандары - жаш окумуштуу-изилдөөчүлөр, аспиранттар жана изденүүчүлөр, окутуучулар жана башка жарандык коомдогу кызыкдар адамдар катыша алышат.
Катышуучулардын санына чек коюлбайт. Катышуучулардын курагы 22ден 35 жашка (кошуп алганда) чейин.
Катышуу үчүн баяндамаларды, тезистерди, илимий-изилдөө багытындагы макалаларды көрсөтүү зарыл. Конкурс-тук жумуштардын көлөмү Times New Roman 12 арибинде, А4 форматында 2 беттен аз эмес жана 5 беттен көп эмес болушу керек.
Жумуштар мамлекеттик жана расмий тилдерде жибери-
лиши керек.

Конкурсту өткөрүүнүн тартиби:
Конкурс этаптар боюнча жүргүзүлөт:
I этап - Республикалык конкурстук комиссияга жумуштарды почта аркылуу жөнөтүү жолу менен сырттан жүргүзүлөт.
II этап - Республикалык конкурстук комиссия тарабынан жогоруда көрсөтүлгөн жактардагы белгилүү калыс баалоочуларды тартуу менен ичтен жүргүзүлөт. РКК өткөрүлгөн конкурстун жыйынтыктарын конкурсанттардан келип түшкөн жумуштарга баалоо жолу менен чыгарат жана иштелип чыгылган баалоо критерийлерине ылайык жеңүү-чүлөрдү жарыялайт. Бардык талаш-тартыш маселелер РКК
тарабынан чечилет.

Конкурска жиберилген материалдарга карата талаптар:
Жумуштарга карата негизги талаптар:
- актуалдуулук;
- теманын терең ачылышы;
- аткаруунун өз алдынчалык, изилдөөдө колдонулган методологиянын илимий жаңычылдыгы;
- оригиналдуулук, плагиат элементтеринин жоктугу;
- эмпирикалык маалыматтарды жана теориялык жыйынтыктарды колдонуу, баяндоонун кыскалыгы, тактыгы;
- прикладдык жана практикалык маанилүүлүгү;
- изилдөөлөрдү жүзөгө ашырууда ойлонулган жыйынтыктардын болушу;
- жыйынтыктардын жана су- нуштамалардын болушу.

Сыйлоо:
Конкурстун жыйынтыктары боюнча 12 жеңүүчү грамоталар менен сыйланышат жана Санкт-Петербург шаарына жолдомо алышат. Санкт-Петербург шаарына барганда жеңүүчүлөр КМШ ПАА жетекчилиги менен жолугушат, окутуучу-окуучу семинарлардан өтүшөт, КМШ ПАА өзгөчөлүгүн эске алуу менен мыйзамдардын долбоорлорун жана башка ченемдик-укуктук актыларды, стандарттарды иштеп чыгуу жана илимий-изилдөө иштеринин өзгөчөлүктөрү боюнча интерактивдик сабактар өткөрүлөт, ошондой эле кеңири маданий-таануучулук программасы (музейлерге жана театрларга баруулар ж. б.) уюштурулат.
Республикалык конкурска катышуу үчүн жумуштарды кабыл алуу 2010-жылдын 1-мартынан 20-мартына чейин жүр-гүзүлөт.
Жумуштар - КОНКУРСКА деген белги менен төмөнкү дарекке: 720009 Бишкек ш., Раззаков көч., №59, 103-бөлмө же төмөнкү электрондук почтага: bicis@inboх.ru берилиши керек.
Маалымат үчүн телефондор:
Тел\факс: 62-63-24
Конкурстун Жобосу www.kenesh.kg сайтында.




Казы Дикамбаевич
ДИКАМБАЕВ
2010-жылдын 16-февралында белгилүү мамлекеттик, сая-сый жана коомдук ишмер Казы Дикамбаевич Дикамбаев дүй- нөдөн кайтты.
Ал 1913-жылы Жети-Суу облусунун Пржевальск уездинин Талды-Суу айылында (азыркы Ысык-Көл облусунун Түп району) кедей-дыйкандын үй-бүлөсүндө туулган.
Басмачыларды талкалоо боюнча кармаштарга катышкан. Ташкент шаарындагы Орто Азия пландоо-экономикалык институтун аяктагандан кийин (1932-1937-жылдар) Казы Дикамбаев узак мезгил Кыргыз ССРинин мамлекеттик пландоо комитетинде эмгектенген. Эмгек ишмерчилигин улук экономисттен баштап, андан кийин Кыргыз ССРинин Мампланынын төрагасынын орун басары жана Фрунзе облпланынын төрагасы болуп иштеген. 1940-1944-жылдары эл комиссарлар советинин төрагасынын орун басары - Кыргыз ССРинин мамлекеттик контролунун эл комиссары болуп эмгектенген.
СССРдин тышкы иштер минис-трлигинен стажировкадан өткөн-дөн кийин Казы Дикамбаев 1944-жылдан баштап 1949-жылга чейин Кыргыз ССРинин тышкы иштеринин биринчи эл комиссары жана бир эле мезгилде Кыргыз ССР Министрлер Советинин төрагасынын орун басары болгон.
1949-жылдан 1958-жылга чейин партиялык кызматта: адегенде Кыргызстан КП БКнын өнөр жай жана курулуш боюнча секретары, андан кийин Кыргызстан КП Чүй (Фрунзе) обкомунун биринчи секретары болгон.
1958-жылдан 1961-жылга чейин Казы Дикамбаев Кыргыз ССР Министрлер Советинин төрагасы болуп эмгектенген.
1986-жылдан баштап - союздук маанидеги персоналдык пенсионер. СССРдин Атайын жана толук ыйгарым укуктуу элчисинин чинине ээ. 1940-жылдан бери КПССтин мүчөсү. СССР Жогорку Советинин 1-4-чакырылыштарынын (1950-1962-жылдар) жана Кыргыз ССР Жогорку Советинин 2-, 3- жана 5-чакырылыштарынын депутаты.
Казы Дикамбаевич Дикамбаевдин Мекен жана эл алдындагы сиңирген эмгеги СССРдин жана Кыргыз Республикасынын Өкмөтү тарабынан жогору бааланып, ал эки Ленин ордени, биринчи даражадагы Ата Мекендик согуш ордени, Эмгек Кызыл Туу ордендери, Советтер Союзунун башка көптөгөн медалдары, Кыргыз ССР Жогорку Советинин Ардак грамоталары, үчүнчү даражадагы "Манас" ордени менен сыйланган. "Кыргыз ССРинин эмгек сиңирген экономисти" наамы ыйгарылган.
Бул даңазалуу адамдын бүткүл эмгек ишмерчилиги Мекенге жана өзүнүн элине жигердүү кызмат кылууга арналган. Аны дайыма кайталангыс уюштуруучулук шыгы, адамдар менен иштей билүүсү, жогорку кесипкөйлүгү, терең билими, тактыгы, абийирдүүлүгү, өзүнө жана башкаларга талап коё билүүчүлүгү айырмалап турган.
Казы Дикамбаевич Дикамбаевдин жаркын элеси аны менен бирге эмгектенгендердин жүрөктөрүндө түбөлүккө сакталып калат.

К.С.Бакиев, З.К.Курманов, Д.Т.Үсөнов, А.Ү.Жапаров,
Т.Б.Калимбетова, А.А.Карашев, Б.Т.Калыев, М.Т.Конгантиев, К.А.Абдиев, М.А.Султанов, Б.Э.Төрөбаев, Н.Ч.Сулайманов, И.А.Давыдов, Ж.С.Байгуттиев, И.Р.Айдаралиев, К.З.Курманалиев, Т.О.Турдумамбетов, М.А.Мамбетов, А.И.Мусаев, А.М.Рыскулова, Ж.Каниметов, Т.Орозалиев, Б.Акунов, Т.У.Усубалиев,
М.М.Мамакеев, С.Иманбаев, А.Абдылдаев, Д.Маматканов, Б.Жакиев, Т.Чынгышев, К.Кондучалова, Н.Кемелбаев,
Б.Т.Турусбеков, К.Исаев, Б.Кумаров, Н.Т.Түлеев