 |
|
|
|
Кайрылуу каттары жана келген каттар:
Кыргыз Республикасынын Өнүктүрүү фондунда Өнөктөштүк мамилеге өбөлгө бар 16-февралда Кыргыз Республикасынын Өнүктүрүү, инвестициялар жана инновациялар боюнча борбордук агенттигинин жетекчиси Максим Бакиевдин Европа реконструкциялоо жана өнүктүрүү банкынын (ЕРӨБ) Борбордук Азия боюнча директору Масару Хонма менен жолугушуусу болду. ЕРӨБдин миссиясы бул күндөрү биздин өлкөдө Кыргыз Республикасы менен кызматташтыктын үч жылдык стратегиясын иштеп чыгуу максатында жүрөт. Жолугушуунун жүрүшүндө Максим Бакиев Европа реконструкциялоо жана Өнүктүрүү банкына Кыргыз Республикасындагы активдүү инвестициялык ишмердүүлүгү үчүн ыраазычылык билдирди. Ал республикабыздын ЕРӨБ менен кызматташтыгынын келечеги Европа реконструкциялоо жана өнүктүрүү банкынын алдыдагы үч жылдык инвестициялык стратегиясына байланыштуу болоорун белгиледи. Өнүктүрүү, инвестициялар жана инновациялар боюнча борбордук агенттиктин жетекчиси ЕРӨБдин инвестициялары жергиликтүү капиталы бар компанияларды кредиттөөгө багытталарына үмүттөнөрүн билдирди. Максим Бакиев биргелешкен дол- боорлорду ишке ашырууда жана КРнын Өнүктүрүү фондусунун кредиттик артыкчылыктуу долбоорлорун ЕРӨБ тарабынан тең каржылоодо фонд менен өнөктөштүк мамилелерди орнотууга өзгөчө көңүл буруу керектигин, ошондой эле Өнүктүрүү фондусунун кепилдиктерин мамлекеттин суверендүү кепилдиги катары кабыл алууну белгиледи. ЕРӨБнын Кыргызстандагы өкүлдөрү Өнүктүрүү фонду агросекторду каржылоо боюнча кредиттик төлөмдөрү орточо рыноктук көрсөткүчтөрдөн төмөн микрокредиттик компания түзгөндүгүнө байланыштуу тынчсызданууларын билдирди. Алардын пикиринде, бул өз кезегинде башка микрокаржылоочу уюмдардын абалынын начарлашына алып келүүсү мүмкүн. Бул боюнча Максим Бакиев биринчи кезекте потенциалдуу кредит алуучуларды кыйла жеңил ресурстар менен камсыздоо зарылдыгын айтты. Ал эми ЕРӨБнын өнөктөштөрү болуп эсептелген башка да микрокредиттөөчү уюмдар Өнүктүрүү фондусунун МККсы менен бир катарда Кыргызстандын айыл чарбасын колдоодо өз ролун аткара берет. Жолугушуунун жыйынтыгында Өнүктүрүү, инвестициялар жана инновациялар боюнча борбордук агенттиктин жетекчиси пикир алышууда жарыя кылынган артыкчылыктуу багыттар Европа банкынын жаңы өлкөлүк стратегиясында өз ордун таап, мамлекеттик органдар, жарандык сектор жана эл аралык шериктештик менен кеңири талкуулоолордон жана консультациялардан соң стратегия кабыл алынарына ишенерин билдирди. С.ОРОЗОБЕКОВ, С.ДОСАЛИЕВ (фото) Агросекторду каржылоо башталды 16-февралда "АУБ-Агро" микрокредиттөөчү компаниясынын (МКК) жетекчилиги Кыргыз Республикасынын Өнүктүрүү, инвестициялар жана инновациялар боюнча борбордук агенттигинин жетекчиси Максим Бакиевге айыл, чарба товар өндүрүүчүлөрүн финансылоо боюнча ишмердүүлүгү жөнүндө отчет берди. Кыргыз Республикасынын Өнүктүрүү фонду жана "АзияУниверсалБанк" ААКы тарабынан негизделген микрокредиттик компаниясын айыл чарбасын өнүктүрүү программасы боюнча Өнүктүрүү, инвестициялар жана инновациялар боюнча борбордук агенттик түзгөн. Микрокредиттик компаниянын башкы директору Вячеслав Рожков Максим Бакиевге 15-февралда Ош облусундагы Араван районунун тургунуна бал аарычылык боюнча биринчи кредит берилгендиги жөнүндө маалымат берди. "Бал өндүрүү боюнча чоң тажрыйбасы бар бул фермердин документ жагынан эч проблемасы жок экен. Биз анын чарбалык ишмердүүлүгүн текшерип чыгып, кредит берүү боюнча бардык процедуралардан соң 60 миң сом бөлдүк. Арызды кароого 2 күн кетти", - деди Вячеслав Рожков. МККнын түштүк аймактагы кредиттөө боюнча директору Асан Тайлаковдун айтымында, бул жумада микрокредиттөөчү компаниянын кызматкерлери Ош облусунун айыл өкмөттөрүнүн башчылары жана фермерлер менен жолугушууларды өткөрөт. Бир эле учурда айыл чарба товар өндүрүүчүлөрүнүн арыздары каралат. Азыр "АУБ-Агро" МККсынын Ош Кеңсесинде 10 арыз жатат. "Биз ар бир айыл өкмөтү боюнча график түзгөнбүз, анда айыл чарба өсүмдүктөрүнүн түрлөрү боюнча эгип-себүү иштери кайсыл айыл өкмөтүндө качан башталары көрсөтүлгөн. Жергиликтүү бийликтер бизге жардам көрсөтүп жатышат. Келерки жумада Баткен облусунун айыл өкмөттөрүнө баруу пландаштырылган", - деп белгиледи Асан Тайлаков. Жолугушуунун жыйынтыгында Өнүктүрүү боюнча борбордук агенттиктин жетекчиси Максим Бакиев айыл чарба товар өндүрүүчүлөрүнүн арасында түшүндүрүү иштерин кеңири жүргүзүүнү, ошондой эле алган кредиттерин өз маалында төлөгөндөр үчүн бонустар системасын карап чыгууну тапшырды. Маалымат үчүн: Айылдыктар үчүн кредиттик программанын негизги артыкчылыгы: арыздардын бат каралганы(5-14 күн), кредиттөөнүн ыңгайлуу мөөнөтү (4 айдан 24 айга чейин), негизги карызды төлөөгө чийинки убакыт (9 айга чейин), ошондой эле мөөнөтүнөн мурда төлөгөнү үчүн жана ай сайын кошумча комиссиялардын жоктугу болуп эсептелет. Кредит "АзияУниверсалБанк" ААКнын аймактардагы кеңселеринде берилет. Кант кызылчасынын тоннасынын баасын 2500 сомго жеткирүү керек Кечээ Кыргыз Республикасынын Өнүктүрүү, инвестициялар жана инновациялар боюнча борбордук агенттигинин жетекчиси Максим Бакиев "Кайыңды кант" жана "Кошой" кант заводдорунун жетекчилери менен жолугушту. Ал 15-январда Президент Курманбек Бакиев Чүй облусуна жасаган иш сапары учурунда кант кызылчасын өстүргөн айыл чарба товар өндүрүүчүлөрүн колдоонун зарылдыгы, продукциянын бул түрүнө сатып алуу баасын жогорулатуунун мүмкүнчүлүктөрүн карап көрүү жөнүндө айткандыгын эскерди. "Кошой" ААКсынын башкы директору Дүйшөнкул Матеев кант заводдорунун түзүмү жөнүндө айтып берди. Анын айтымында, ишкананын азыркы чыгымдарына, карызга алган каражаттардын жогорку наркына кызылчаны сатып алуу баасы өскөнү кошул-ташыл болгондо даяр продукциянын наркы өсүп кетүүсү мүмкүн. "Кант кызылчасынын бир тоннасынын сатып алуу баасын 2500 сомго чейин көтөрүүнү суранам. Бирок кызылчаны сатып алуу баасынын жогорулашы калкка - кантты керектөөчүлөргө таасир этпөөгө тийиш. Биз сиздерге Өнүктүрүү фонду аркылуу кыйла жеңил кредиттик каражаттарды алуу жагынан жардам бере алабыз, бул болсо заводдун операциялык чыгымдарын калкка зыяны тийбегендей кылып төмөндөтүүгө мүмкүндүк берет. Ошол эле учурда, кызылча өстүрүүчүлөр былтыркы жылга караганда акчаны көбүрөөк алышат",- деди Максим Бакиев жолугушуу учурунда. Борбордук өнүктүрүү агенттигинин (БӨА) жетекчиси ишканалардын директорлоруна Өнүктүрүү фондусунун алдында кепил боло алуучу коммерциялык банкты тандоону сунуш кылды. "Өнүктүрүү фонду ишканаларга түздөн-түз кредит бербейт, анткени, ал мамлекет ишенип тапшырган акча каражатын натыйжалуу башкарууга милдеттүү. Ошондуктан, күрөөнү камсыздоого байланышкан маселелерди чечүү сиздер тандап алган өнөктөш банктын милдети болот. Бирок Фонд өнүктүрүү кредитин рыноктук баадан кыйла төмөн төлөм менен жана узак мөөнөткө берет", - деп белгиледи Максим Бакиев. Ал ишкананы модернизациялоого, ошондой эле фермерлерге кант кызылчасынын акчасын кыска убакытта төлөөгө мүмкүндүк берүүчү суммада жеңилдетилген кредиттерди алууну сунуш кылды. "Фермерлерге өз түшүмүнүн акчасын алуу үчүн бир айдан ашуун күтүүгө туура келет. Балким алардын көбү кант кызылчасын айдоо үчүн кредит алышкан чыгар. Ошондуктан, алар таман акы, маңдай тер акчаларын өз убагында алышкандары өтө маанилүү. Андан сырткары, ишканалар аймактык рынокто атаандаштыкка жөндөмдүү болуу үчүн заводду жаңы жабдуулар менен камсыз кылып, өндүрүштү кыйла натыйжалуу кылуу керек. Ошондой эле ички рынокту өз продукциябыз менен камсыздап, акырындык менен импортту алмаштырууга өтүү маанилүү. Кант тармагын өнүктүрүү ошондой эле калкты жумуш орундары менен камсыз кылууга мүмкүндүк берет. Бул чөйрө социалдык мааниге ээ, анткени, Чүй, Талас облустарынын калкынын көбү кант кызылчасын өстүрүү тармагында иштешет", - деп кошумчалады БӨАнын жетекчиси. Жолугушуунун жыйынтыгында Максим Бакиев кант заводдору түшүм жыйноо учурунда кызылчаны кабыл алуу пункттарында Өнүктүрүү фондусу атайын айыл чарба товар өндүрүүчүлөрүн каржылоо үчүн түзгөн микрокредиттик компаниянын кеңселерин ачууну сунуш кылды. А.ЭСЕНОВ
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||