 |
|
|
|
Кайрылуу каттары жана келген каттар:
23-февраль - Ата Мекенди коргоо күнү 23-февраль "Советтик армиянын күнү" деп белгиленчү Союз кезинде. Алыста аскердик кызмат өтөп жүргөн жигиттерге сүйлөшкөн кыздары, апалары, карындаштары куттуктап кат менен кошо кооз открыткаларды жиберишчү. Муну эстеп жатканыбыз бул дата бүгүнкү күнгө чейин өз күчүн жоготкон жок. Жыл сайын "Мекенди коргоочулар күнү" менен бирге жалпы мырзаларды да куттуктап келатабыз. Биз дагы 23-февраль майрамын утурлап, ата-энесинен, туулган айылынан алыста аскердик милдетин өтөп жаткан эр азаматтардан кабар алууну чечтик. Бишкек шаарындагы 97/632 аскер бөлүгүнө барып Афган согушунун ардагерлери менен жоокерлердин жолугушуу кечесине туш келдик. Ага улай жоокерлер тарабынан даярдалган концерттик программа көрсөтүлдү. Ар улуттун ырларынан ырдаган, аскер айымдардын созолонгон чыгармаларына күбө болдук. Жоокерлер менен маектешүүбүз жакшы күнгө дал келип, алардын жашоо-турмушуна, ички дүйнөсүнө кызыгып көрдүк. Эр жигит эл четинде, жоо бетинде Аскердик жашоо эр жигиттин өмүрүндөгү урунттуу учурларды эске сактап калары чын. Жоокерлерге түзүлгөн бардык жакшы шарттарды көрүп чыгып, бир чети кубанып, анан сыймыктанып турдук. Ар кайсыл региондон келген балдардын башын бириктирип, аскердик милдетти татыктуу өтөөгө өз салымын кошкон инсандар бар. Аскер бөлүктүн командири, полковник Өмүралиев Жаныбек Абдиевичке азы-ноолак суроо менен кайрылдык. - Жаныбек Абдиевич, майрамга карата кандай маданий иш-чаралар болмокчу? - Бизде деле башка аскер бөлүктөрүндөй жакшы пландарыбыз бар. Мурда аскерде кызмат өтөп кеткен ардагерлерибизди чакырып, чогуу жыйын өткөрүп, концерт уюштуруп, андан кийин жоокерлерге майрамдык түшкү тамактануу болот. - Бүгүнкү күндө жоокерлердеги патриоттук сезимдер канчалык деңгээлде деп ойлойсуз? - Чынын айтсам кызмат өтөөгө келген жоокерлердин 90 пайызы өз каалоолору менен келген балдар. Өзүңүздөр билесиздер мыйзам кабыл алынган, 12 миң сом төлөп коюп, кызмат өтөөгө келбей койсо деле болот. Ошого карабай балдар Ата Мекен алдында аскердик милдетин өтөп жатышат. Мындай балдарга рахмат айтабыз. Аскердик милдетин аман-эсен өтөп, ата-энесинин, элинин алдында маңдайы жарык болуп жүрүшсүн. Аскер бөлүктүн командиринин орун басары Калыгул Жумагулов: "Биздин аскердик бөлүктө 200дөй жоокер бар. Арасында ырга, бийге шыктуу, таланттуу балдар көп. Бүгүнкү концерттик программага өзүңүздөр күбө болдуңуздар. Жоокерлердин ашканасы, жаткан жайы баары таза, керектүү шарттар орун алган". Аскер жашоосу менен тааныш- кан соң "Эл четине жоо келсе, жан аяган жигитпи" деген бабалардан калган накыл кеп дал ушул кыргыз жоокерлерине тийиштүүбү деп ойлоп кеттим. Себеби, жүрөгүндө жалыны бар, аскердик демдеги балдар Кыргызстанды коргоого ар дайым даяр экенине ынанып турдум. Дагы бир жолу майрамыңар менен. Бар болгула кыргыз жоокерлери! "Тазалыкка үйрөндүм" Абдыкапар Асаев, гвардиянын кенже сержанты - Абдыкапар, каяктан келдиң? - Ош облусунун Ноокат районунан. - Канчадан бери аскердесиң? - 10 ай толду. - Аскер кызматы жактыбы? - Эң жаккан жагы тактыкка, тазалыкка, жоопкерчиликке үйрөндүм. - Үйдөгүлөр менен сүйлөшүп турасыңбы? - Ооба, жумасына бир жолу уюлдук телефон менен байланышып турам. Таттыбек Кошоков, гвардиянын катардагы жоокери: - Мен Ош шаарынан келгем. Буюрса, бир айдан кийин аскердик милдетимди өтөп бүтөм. - Аскерден кеткенден кийин кандай пландарың бар? - Кайра Бишкекке келип иштейм. - Гезит аркылуу салам жолдосоң болот... - Биринчи кезекте атам Замир, апам Жумагүлгө ысык салам айтам. Бир туугандарыма, мени тааныгандарга да салам жолдойм. Жакында барып калам демекчимин. "Уйкум ачылды..." Темиржан уулу Камчыбек, катардагы жоокер - Камчыбек, жаңы эле аскерге келген экенсиң, тамагы жактыбы? - Жакшы эле... - Кандай сапаттарга жетиштим деп ойлойсуң? - Аябай уйкучу элем. Уйкум ачылды. Эртең мененки саат 6да туруп көнүгүүлөрдү жасайбыз, машыгуулардан өтөбүз. Илгиз Сейитказиев, катардагы жоокер - Илгиз, майрамдык маанай кандай? - Жакшы. - Жаңы достордон таптыңбы? - Албетте, бул жерде түбөлүк достошуп калчу балдар менен жолугат экенсиң. - 8-март майрамында кандай белек бергенди жактырасың? - Айымдарга гүлдөн өтөр мыкты белек жок. Анткени аялзаты гүлгө тең эмеспи. - Сага эркин сөз берейин... - Айылда калган дос кыздарга, Таластагы бардык туугандарыма, үйдөгүлөргө чоң салам айтам. Кыргызстаныбыз тынч болсун. Элнур Акимжанов, катардагы кенже сержант - Элнур, аскердик жашоо сага эмне берди? - Тартипти, сергек болууну, спортту сүйүүнү үйрөндүм. - 23-февраль майрамына карата каалоо-тилегиң... - Мага окшоп кызмат өтөп жүргөн балдар аман-эсен үйлөрүнө кайтышсын. Элибиз, жерибиз тынч болсун. Элмурат Израилов, катардагы кенже сержант - Элмурат аскердик кыйынчылыктар болдубу? - Башында келгенде бир аз кыйынчылыктар болду. Бирок эр жигит бардык тоскоолдукту жеңе билиш керек деп ойлойм. - Өзүңдү патриот деп эсептейсиң- би? - Аскердик милдетимди өтөөгө өз каа-лоом менен келгем. Кыргызстандын келечеги үчүн кызмат кылууга даярмын. Сахиба КАДЫРОВА "Кыргыз Туусу"
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||