Кыргыз гезиттери


PRESSKG.COM

Ажолорго арналган азил саптары
Ак деген сөзгө ырымдап
Агайга теңеп ырдадык
Акыйкат издеп таба албай
Азапта калдык чырмалып.

Бак деген сөзгө ырымдап,
Бак келди дедик сүйүнүп,
Бакс бизди башкарып,
Баарыбыз калдык түңүлүп.

От деген сөздөн башталып,
Отунбай кызы чаң салып,
Ордолуу Ошту от каптап
Олтурат такта башкарып.



  Жаңы обон

Коштошуу
Сөзү Р.Разыковдуку
Обону Бакыт Сакыбаевдики

Босогомдон бакыт качып,
Шор бешене баш багат.
Түбөлүккө кагылуучу,
Кайрылабы кош канат.

Балдар калат, каны да, жаны да бир,
Кетип жатып ойлонуп көр дагы бир.

Коломтодо сенсиз деле,
Кадимкидей от жанат,
Үй толтура эмеректер,
Бирок, жүрөк бош калат.

Балдар калат, каны да, жаны да бир,
Кетип жатып ойлонуп көр дагы бир.

Бир кездеги мен билбеген
Мүнөзүңө таң калам.
Баарын кечип кетким келет,
Балдарыма байланам.

Балдар калат, каны да, жаны да бир,
Кетип жатып ойлонуп көр дагы бир.





Ырларым - менин сырларым
Ырдан курган эстелик

Ыр жазуу түйшүкпү же ырахатпы,
Ыр жазуу, бул - бакытпы, же азаппы,
Ойгонуп түн уйкумдан олтурамын,
Атаман үйрөнгөнмүн бул адатты.

Ыр деген бул дүйнөгө жаңы келген,
Наристе акын ага өмүр берген,
Көтөрүп денесинде энеге окшоп,
Көгөрүп, толгоолорун тартып келген.

Асылын сөз берметин алып жатып,
Өмүрүн тилейт ырдын жазып жатып,
Өзү да ырга айланып кетет акын,
Өмүр бою ырдан бала багып жатып.

Ыр деген бул акындын эртеңиби?
Болбосо жан дүйнөсү мектебиби?
Менимче ырдан кынап өмүр бою,
Өзүнө куруп келген эстелиги.










кыргыз тилиндеги гезит "CCCP"




Яндекс.Метрика