 |
|
|
|
|
|
Кайрылуу каттары жана келген каттар:
Бөйрөгүн сатам деген Гульнара Турмуш бирде уу берип, бирде бал берип, ар кандай сыноолордон өткөрүп келет эмеспи. Ачуу сынга сынгандар өздөрүн асып, же денесин сатып, иши кылса ар кандай жолдорго барышат. Редакцияда отурсак, "Бөйрөгүмдү сатам" - деген билдирүү келди. Мен үчүн абдан таң каларлык болду. Ал номерге чалып, эмне себептен бөйрөгүн сатканы жатканы тууралуу сурап, кийин өзү чакырган жерге барып, болгон арыз-муңун угуп келдим. Гүлнаранын айтуусу боюнча, жалгыз байкеси Россияга иштейм деп кетип, ал жактан бир ишке илээшип калып, абактан алып чыкканга акча керек болуп жатыптыр. - Жөн адам бөйрөгүн сатпайт. Сенин бул чечимге келишиңе эмне себеп болду? - Мага ири суммадагы акча керек болуп атат. Ошондуктан, бөйрөгүмдү сатайын дедим. - Ал ири суммадагы акча менен бизнес ачайын деп атасыңбы, же башка жакка жумшайсыңбы? - Өзүм Баткен облусунун Лейлек районуна караштуу Исфана шаарынан болом. Бир эркек, беш кызбыз. Атам, апам экөө тең оорукчан пенсионерлер. Кыздардын баары турмуш куруп, өз алдынча оокат кылып кетишкен. Ооруган атам менен апама караган жалгыз байкем болчу. Өзүбүздүн колубузда жок болгондуктан, байкем элдин балдарындай болуп Россияга барып иштеп келчү. Үйлөнүп, эки балалуу болгондон кийин Россиянын Свердлов районуна аялын, балдарын алып иштеп, атамдарга акча салам деп кеткен. Анан арадан аз убакыт өтпөй эле, атама Россиядан, "Балаңар камакта отурат, бир айдан кийин соту болот, 150 миң рубль салгыла", - деп бирөөлөр телефон чалып калды. Колубузда анча суммадагы акча болсо, байкем эмнеге Россияга кетмек эле? Тигилер талап кылган 150 миң рублды берип, байкемди абактан бошотуп келгенге акча керек болуп атат. - Байкеңдин ал жакка кеткенине канча убакыт болду? - Бир жылдан өтүп калды. - Өзү эле кетти беле, же ал жакта тааныштарыңар барбы? - Ал жакта эч кандай тааныштарыбыз деле жок. Мурун өзү Москвага барып жакшынакай эле иштеп келген. Достору да жок. Ушунусунда бир ишке аралашып калыптыр. - Эжекеңдер кичинеден болсо да чогултуп жардам бере албайбы? - Жок, алар өздөрүнүн жанын эптеп багып жүрүшөт. Бул жактагы эжем, жолдошу менен көчүк айланбаган бир бөлмөлүү батирде турат. Анан кантип жардам бермек эле? - Жогорку билимиң барбы? - Орто билимдүүмүн. Жогорку окуу жайдын контрагын төлөгөнгө акча жок болгондуктан, шаарга жаңы келгенде Дордой базарында "реализатор" болуп иштечүмүн. Андан кийин официант болуп да иштедим. Сүйлөшүп жүрүп, турмушка чыгып, төрөп, кызыма бир ай болгондо жолдошум жумуштан үйгө келе жатса, топтошкон балдар сабап кетип, эртеси күнү эле каза болуп калган (бир сыйра ыйлап алды). - Анан кайненең сени үйүнөн кууп жибердиби? - Жок, кууган жок, өзүм эле кеттим. - Кызыңа канча ай болуп калды? - Он ай болду. Азыр кызымды бирөөгө бактырып, өзүм иштешим керек. - Бөйрөгүңдү сатканы жатканыңды ата-энеңдер билеби? - Жок, эч ким билбейт. Бир жолу бир гезиттен бөйрөктү сатууга болорун окуп калгам. Кыйналып атканда оюма ошондон башка эч нерсе келбей койду. Мен байкеме керек болгон акчаны эки жыл иштесем да таппайм. Бир бөйрөк менен деле сопсонун жашап жүргөндөр бар. - Ден соолугуң жакшыбы? - Ооба, жакшы. Ушул убакка чейин бир да жолу ооруп көргөн эмесмин. Бөйрөктөрүм да ооруган эмес. - Байкеңдин өзү менен байланыша элексиңерби? - Жок, байланыштырбай жатышат. Жеңем бир жолу байланышыптыр. Байкем ага эч нерсе айтпаптыр. Болгону, "Атам менен апама айтпа, мен өзүм чыгып барам", - дептир. - Бул иш боюнча укук коргоо органдарына кайрылган жоксуңарбы? - Жок, кайрылган жокпуз. Кантип кайрылышты да билбейм. Байкемдин эмне себептен камалганын билбей жатабыз. Бир бала телефон чалып алып, телевизор уурдады эле дейт, бирөөсү эч нерсе болгон жок дейт. Дагы бирөөсү бир кемпирди өлтүргөнгө катышы бар дейт. А жеңем чалып:"Эки тааныш тажик жигиттер менен бир-эки жолу конокто чогуу болгон. Анан алардын жанында бир бай кемпир жашачу экен. Тиги эки тажик жигит ушул кемпир бай, бирок жалгыз жашайт. Бир нерсе кылбайлыбы?"- деп ал кемпирди өлтүргөнгө байкемди кошуп алышыптыр, - дейт. Кимисине ишенерибизди да билбей жатабыз. Атамдын болсо кан басымы көтөрүлүп жатат. - Бөйрөк боюнча доктурларга кайрылып көргөн жоксуңбу? - Жок, кантип кайрылышты да билбейм. - Гүлнара, бөйрөктү сатпай эле, бирөөгө төрөп берүү жөнүндө ойлонуп көргөн жоксуңбу? Азыр "Суррогат эне" деген бар го? - Мен андайды биринчи жолу угуп жатам. Ошондой болсо деле, бирөөгө төрөп бербейм. Андан көрө ,бөйрөгүмдү сатканым жакшы. P.S. Ушундай татынакай жаш кыздын бөйрөгүн саттырууга дитиң да барбайт. Гүлнарага жардам бере тургандар болсо, биздин редакция менен байланышсаңыздар болот. Байланыш телефону: (0312) 44-98-21
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||