 |
|
|
|
|
|
Кайрылуу каттары жана келген каттар:
Таш менен урганды… Динара Музапарова: "Жаңылдын менин жеке жашоомду аңтарганга акысы жок!" Өткөн саныбызда куудул Токтор Бекбоевдин колуктусу Жаңыл эже келип, Гүлжигиттин продюсери болуп жүргөн Динара тууралуу көп иштин аягын чойгон эле. Ал макаланы окуган Динара эже мага телефон чалып, ызаланып бир куплет ыйлап алып, буларды айтып берди. "Бекбоевдер карызга батып калганда, Россияга алып барып кутулткам" Гүлжигитти ошол деңгээлге жеткирип, эл алдына чыгарып, тааныткандан кийинки мага кылган рахматы ушул болуп отурат. Мен экөөбүздүн урушканыбыз жөнүндө гезит беттерине бир четин да айткан эмесмин. Документтерди уурдап качкандай жинди эмесмин, акыл-эсим жайында. Бекбоевдин үй-бүлөсү жалгыз силердин гезит менен гана уруша элек экен. КТРКнын кызматкерлери да алардын үй-бүлөсүн сотко беребиз деп ызы-чуу болуп жүргөн. Эми алардын асылганы биз болуп калыптырбызбы?! Мен булардын былыгын билбей эле гастролго ээрчитип алгам. Жамбул аке бара турган болуп аткан. Барып ортодон чыга калып, мага чалып калышты. Жолукканда айттым: "Эже, мен сиздер менен мурун-кийин иштешип көргөн эмесмин", - десем, "Ой, айланайын, карызга батып калдык, процентибиз күн санап өсүп атат. Ошону төлөш керек болчу, Диля, биз Россияга барган эмеспиз, бир жолу алып барып келчи", - деп суранганынан макул болуп алып баргам. Ак көңүлдүк кылып, концерттен түшкөн акчанын 50 пайызын берем дедим. Башка адам болгонумда, аларга тапкан акчанын кичине пайызын гана берип койсом болмок. Ага деле макул болушмак. Биринчи концерттен, Красноярскийден кийин эле эже мага: "Диля, кызыма өзүнчө акча бөлүп бер",- деп калды. Келишим башкача болбоду беле - десем, жок деп туруп алганынан кийин макул болуп, Бегимайга өзүнчө акча бөлүп бердим. "Кылган эмгегиме күйүп, документин бергим келген жок" Концерттер аншлаг менен өтүп, карыздарынан кутула баштагандан кийин, Токтор байке : "Диля, сен ким элең?! Гүлжигит болсо биздин сахналашыбыз. А сен биздин чөйрөдө эч ким эмессиң!" - деди. Гүлжигит да алардын сөзүнө кирип, сиз эч ким эмессиз, кете бериңиз деп туруп алды. Мен Бишкектен алып чыккан топту жакшынакай кайра шаарга алып барайын, андан кийин өз жолуң менен кете бер дедим. Мен жалгыз төртөөнө туруштук бере албадым. Ошондуктан, таштап кетүүгө туура келди. Канча мээнет менен буларды ушул жакка алып келип, баарын уюштурган мен болсом, анан ушинтип аягында алардан жаман сөз уккандан кийин, чындыгында, алардын документин бергим келген жок. Гүлжигит өзүнүн Аксылык балдарын алып келип мени урдуртту. Балдар келип мени тепкилегенде, мен алардын документтерин бердим. Бишкекке кайра келип депрессияда жүргөнүмдө Москвадагы досторум :"Диля, келип эс алып кет", - деп Москвага чакырышты. "Ата-энеси келбей койгондо, эки операциясынын акчасын мен көтөргөм" Красноярскийдеги диаспоранын биринчи катчысы өзүмдүн таякем болуп чыкты. Россиянын 20 регионундагы диаспоранын биринчи катчысы экен. Мен абдан таң калдым. Таякемдер бизге бир кой союшуп, катуу сыйлаган. Кайсы шаарга барсаңар, ошол шаардын диаспораларына чалып коём деди. Таякем чалган үчүн, диаспоралар бизди жакшы карап, концерт жакшы деңгээлде өттү. Эгер мен ичкен аял болсом, ошончо тааныш болобу? Гүлжигитти ээрчитип алып гезиттерге интервью бергени алып барып аттым. Ошондо деле, кыздарга шоколад алып ал, кандай "грубый" баласың - деп, жөнөкөй этиканы мен ага үйрөтүп жүргөм. Эгер этиканы билбесем, кантип киши менен киши болмок элем? Рахман акелер менен биринчи жолу концерт коюп отурганда, Рахман ака: "Диля, сен бул балага көзүң жетеби?" - деди. Мен билбейм десем, "Сен жакшы адам экенсиң, бул деңгээл менен концертти (68 пайыз) эч ким өткөрө албайт",- деди Рахман аке. "Келишим түзүп алып анан иште, ичкиликти ичпесин, кыздарга барбасын", - деди. Эгер мен ичкен киши болсом, атамдай болгон адамдар мага акыл-насааттарын, кеңештерин айтмак беле? Гүлжигиттин чындыгында, таланты бар. Мен анысын сыйлайм. Анан ар бир адамдын кетирген кемчилиги болбой койбойт. Гүлжигиттин жамандыгын эч качан айтпайм. Гүлжигит менен биринчи таанышып, ал кафеде иштеп атканда, ичегисинен эки операциясына өз чөнтөгүмөн акча чыгарып, тикемен-тик туруп бергем. Ата-энеси келген эмес. Менин классташым элүү миң бергенде, ал акчанын баарын ошого коротком. "Диля эже, качан мен сиздин кийимдериңизди жуучу элем!" - дейт" Мен азыр Москвадамын. "Диля качып кетти", - деген кептер туура эмес. Мен Бишкекке учуп келгенде, таң атпай Гүлжигит телефон чалып калды. Гүлжигит мени ошончо капа кылса деле, ага арам оюм жок болчу. "Диля эже, мен Бишкекке барып сизди союп салам!" - деди. "Эмне болду? Кичине токтоп сүйлөчү, суранам!" - дедим. Жаңыл эже бир нерсе деген окшойт, Гүлжигит ачууланып: "Диля эже, мен качан сиздин кириңизди жууп жүрдүм эле?!" - дейт. Эмне деп атасың?- дедим. "Жалдырап атып, келишимди жарым жылга узарткан" Биздин келишим жайда бүткөн болчу. Мен атам ооруп, жайдын аягында өтүп кетти. Ошондо атам менен алек болуп, "Гүлжигит, сени менен болду иштешпей эле коёюнчу", - дедим. Мен сага жардам берем, бирок азыр мага убакыт керек. Балам азыр студент, анын контрагын төлөшүм керек. Баламды бир жыл карайын, - дегем. Гүлжигит ошондо дагы менден суранып, "Диля эже, сураныч, келишимди дагы жарым жылга узарталык, же болбосо Россияга мени дагы бир жолу алып барып келиңиз", - деди. Атамдын кыркылыгын өткөргөндөн кийин, менин барбайм дегениме болбой жалынып атып, Россияга чыга турган акыркы турнеге макул болуп алып бармай болдум. "Карыздарынын 50 пайызын да кайтара элек" Менин жакшы ырдаган бир бала, бир кызым бар. Гүлжигит менин авторитетимди түшүрүп салды деп, мен аларды сахнага алып чыкпай койбойм. Гүлжигитти алып чыгууда менин эмгегим чоң. Мен кетирген каражаттын 50 пайызын да кайтара элек. Анан мен ага болуптур деп убакыт бердим. Өзүң жалгыз иштеп атканда деле, кыйналсаң чалып тур. Мен жардамдашканга аракет кылам, - деген гана жакшы сөздөрүмдү айткам. Өзүмдүн кичинекей бизнесим бар. Гүлжигитти сахнага алып чыгам деп, бизнесимен кичине алыстап кеткем. Азыр кайра бизнесиме келип, ошону бекемдеп жатам. Жакын арада барам. Гүлжигит мага карызын берген эмес. Керек болсо, ошол карызынын айынан келишимди бир жылга узартканга туура келген. Альбомунда 18 ыры бар. Ошол он сегиз ырды канча акчага жаздырдым? "Гүлжигиттин кылмыш ишин гезиттерге бербей, жаап-жашырып" Гүлжигит мага чала элек, эч нерсесин айта элек. Эгер ал менден кечирим сурап, сөздөрүн оңдобой турган болсо, Гүлжигит сотту каалаган болсо, көп былыктары сыртка чыгып кетет. Мага эмне деген нерселерди көрсөткөн эмес. Уурулук кылганын деле өзүм кармагам. Менин сумкаман акча алып аткан жеринен кармап алгам. Ал нерсени гезитке алып чыккым келбейт. Гүлжигиттин Ленин прокуратурасында кылмыш иши ачылып атканда, Ленин РИИБинин балдары: "Диля эже, Шок-Фактыны, гезиттерди чакыралы",-дегенде Гүлжигит чөгөлөп, тиземди кучактап ыйлаган. "Кечирип коюңуз, Диля эже, мен экинчи мындай иш кылбайм, мага бир мүмкүнчүлүк бериңиз", - деген. Ал өтө оор, татаал нерсе. Бир адамды өлтүрө сабап, бети-башын көгөртүп, денесинде бычактын издери да жүрөт. Он күн ошо адамды эшикке чыгарбай кармап, достору чалса, билбейм деп жүрө берген. Акыры Гүлжигит мас болуп келгенде, токмок жеген адам качып чыгып кеткен. Гүлжигиттин ошол ишин элден жашырып жүрсөм, ыраазычылыгын көрдүңүздөр. Чоң ката кетиргенимди эми билдим. Ошондо эле бүт нерсени токтотуп салсам болмок. Ак көңүлдүгүм кармап калып, мейли гезиттердин да Шок-Фактынын да кереги жок деп, ишти бүтүрткөм. "Гүлжигит Бекбоевдерди көргөндө, жалдырап туруп калат" Поездде кетип жатканда деле, "Гүлжигит, Бекбоевдер сени менден алыстата турган ойлору бар окшойт. Уруштурушат",- дедим. Гүлжигит ошондо: "Менин да акыл-эсим бар, сиздин мага кылган жакшылыгыңызды кантип унутайын", - деген. Анан эле аларга таянып, Бекбоевдерди көргөндө жалдырап туруп калат, эмнеден коркуп атат билбейм. Бегимайды жакшы көрүп калган окшойт. "Гүлжигит менен кандай мамиледе жүрөм, өзүмдүн ишим" Бекбоевдер, эгер, "Биз ачуулук менен гезиттерге сени жамандаган, каралаган интервьюларды берип алдык, кечирип кой" - десе, бул нерсени токтотконго аракет кылам. Эгер кечирим сурабай турган болсо, мени каралагандыгы үчүн аларды сотко берем. Гүлжигит менен болсо, болду иштешпейм. Жаманга теңелип, ага нервиңди короткондон көрө, унчукпаганың оң деп ойлойм. Жаңылды жаман адам деп ойлойм. Мен Гүлжигит менен кандай мамиледе жүрөм, өзүмдүн ишим. Жаңылдын менин жеке жашоомду аңтара тургандай акысы жок. Мен Бекбоевдерди артист деп айта албайм. Сахна ыйык нерсе болот. Ал чөйрөдө жүргөн адам эч качан жаман айтпаш керек.
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||