 |
|
|
|
|
|
Кайрылуу каттары жана келген каттар:
Билгениң оң Жашылдар партиясы Бүгүнкү күндө кандайдыр бир оору менен жабыр тартсаң, дарыгерлер аны айыктыруучу дары -дармектердин миңдеген түрүн сунушташат. Ал эми күнүмдүк жашоодо колдонуп жүргөн жашыл өсүмдүктөрдүн курамында ден соолукка пайдалуу заттар бар экендигин баарыбыз эле биле бербейбиз. Төмөндө сөз боло турчу жашыл өсүмдүктөр бир гана медицинада эмес, ашканада, косметологияда дагы кеңири колдонулат экен. Анда жалаң жашыл өсүмдүктөргө саресеп салсак. Алоэ - жашыл түстөгү көп жылдык өсүмдүк. Анын узундугу 4метр ал эми жалбырактары 15 сантиметрге чейин өсөт. Алоэни кышында жана жазында кыркып турат. Мындай жашыл өсүмдүктүн курамында ден соолукка пайдалуу зат бар экендиги 3 миң жыл мурун белгилүү болгон. Биологдордун айтымында алоэнин курамында микробдорго каршы, жараларды айыктыруучу заттар көп экендигин аныктап чыгышкан. Элдик медицинада Алоэнин жалбырагынынын ширеси ириң жараларды сууруп чыгаруучу, күйүп калган жараларды калыбына келтирүүчү зат болуп эсептелинет. Тиштин бүйлөсү ооруган кезде алоэнин ширеси менен чайкаган пайдалуу. Аны компресс катары да колдонушат, баш ооруну басаңдатат жана алоэ менен чачтын түбүн сүртсө анын өсүүсүн жакшыртат. Жаңы чыккан жалбырактарынын ширесинде антрагликозид- алоин, наталоин, рабарберон аттуу витаминдер бар. Андан тышкары алоэ гинекологияда да кеңири колдонулат. Мисалы: Айымдар "эрозия" болгондо алоэнин ширеси тампондор менен чогуу коюлат. Алоэнин ширесин бир күндө үч жолудан 1 кашыктан тамак алдында ичип турса ашказан ооруларынан арылтат. Алоэнин ширесин үй шартында деле жасап алууга болот. Мисалы: алоэнин 2 жалбырагын алып, абдан майда туурап, марлини эки -үч жолу каттап, алоэни салып, 2-3 мүнөт кайнаткан соң, тазалап туруп ширесин сыгып алабыз. Даяр болгон ширени тамак алдында бир кашыктан ичүү керек. Ал кургак учуктан, астмадан, оозулдан айыгууга жардам берет. Алоэнин ширесин жатар алдында көзгө 1-2 тамчыдан тамчылатып турса пайдалуу. Лаванда - алгачкылардан болуп Римдиктер айымдардын косметикасын жасоо максатында өстүрүп башташкан. Анын жыты жеңил, жагымдуу, жашыл түстө болот. Андан кийин лавандага кененирээк көңүл бурушуп, медициналык жактан да тереңирээк изилденип, анын курамында адамдын ден соолугуна пайдалуу витаминдер, дарылоочу заттар бар экендигин аныкташкан соң, чоң жерлерде өстүрүлө баштаган. Римдиктер кургатылган лаванданы бөлмөсүнө күйгүзүшчү, анткени ал жаман ооруларды жок кылчу. Элдик медицинада Ал стрессти, баш ооруну басуучу, эс алдыруучу, сөөктөргө пайдалуу өсүмдүк болуп эсептелинет. Ал эми кургатылган лаванда бөлмөнүн ичин нымдандырып, таза абаны алмаштырат да, анын жыты бөлмөдөгү курт-кумурскаларды жок кылат. Лаванданын кайнатмасы бөйрөктүн жана жүрөктүн кан тамырларын жакшыртып, булчуң эттерге жардам берет. Ал дүүлүктүрүүнү басаңдатат, уйкуну жакшыртат, бетке маска катары колдонулат. Ал теринин кызарышын жана түлөшүн, чачтын какачын жоготот. Эки чай кашык лаванданын жалбырагын 200 мл кайнатылган сууга салып, 5 мүнөт коюп коюңуз. Жатар алдында 50 граммдан ичип турса стрессти толугу менен жок кылат да, организм жеңил жана бош болуп калат. Лаванда бир гана медицинада эмес, ашканада да кеңири колдонулат Ашканада Көбүнчө Италия, Испания, Францияда, соус менен кошо кайнатышып, балык жана козу карын менен кошо беришет. Куурулган жана кайнатылган койдун этине кошуп, шорпо менен беришет. Ал эми АКШда көк чай катары колдонушат. Ал тамактардын даамына жана ар кандай десерттерге, тортторго жагымдуу жыт берүүчү кошумча катары колдонулат. Бул ашпозчулардын бирден бир сыры болуп эсептелинет. Жалбыз - чөбү көп ооруга дары болуп эсептелет. Мисалы, уйкусуздукта, депрессияда, жоон ичегинин сезгенишинде, жатындан кан агууда, өнөкөт ич өтүүдө, чиркей чакканда, муун ооруларында колдонулат. Уйкусуздуктан арылуу үчүн бир аш кашык жалбыздын жалбырагынын үстүнө 1 стакан кайнаган суу куюп 30 мүнөт демдеңиз. Сүзүп алган соң 50 граммдан үч маал тамактан мурда 15-30 мүнөт мурун ичиңиз. Ал эми артритте 500 грамм жалбырагынын үстүнө 1,5 литр ысык суу куюп 15 мүнөт кайнатыңыз. Кайнатманы 30 мүнөт тыныктырган соң ваннадагы сууга кошуп жатуу керек. Чиркей чакканда 2 чай кашык жалбырактын үстүнө 2 стакан ысык суу куюлат, 10 мүнөт тыныктырган соң чиркей чаккан жерге сүйкөй берсе болот. Жатындан кан агууда 20 грамм жалбыз жалбырагынын үстүнө 500 грамм кайнак суу куюп, термоско 2 саат демдөө керек. Күнүнө 3-4 маал тамактан мурун бир стакандан ичилет. Баш ооруса, колдун манжалары менен чачтын түптөрүн терисин үзүп ала тургандай кылып мыкчып-мыкчып массаж жасоо керек. Бул ишти маңдайдан баштап желкеге чейин жасоо зарыл. Мындан сырткары 2 см келген лимондун кабыгын алып анын ич жагындагы чел кабыгын тазалап кырып салат да башка басып турат. Бир аздан кийин ал жер кызарып чыгып оору жоголот. 30 тамчы жалбыздын кайнатмасын жарым стакан сууга аралаштырып ичет. Жаздыкка салынуучу кездемени (чоңдугу 40х40 болушу керек) тигет да ага жалбыздын жалбырактарын жана шалбаа бедесинин гүлдөрүн аралаштырып толтуруп алып жазданып жатып жүрүү сунуш кылынат. Бамбук - кыргыз эли атам замандан бери эле бамбук өсүмдүгүн камыштын бир түрү деп келген. Жеке кыргыз эмес, өзбектер да бамбукту камыш сымал өсүмдүк дешет. Бамбук- камышка окшош, сөңгөгүнүн ичи көңдөй түтүк. Узундугу 40 метрге чейин. Жоондугу адамдын жарты кучагына барабар. Аны суу жүргүч түтүк катары да колдонушат. Аны менен жайында жашай турган үй да курат, суунун үстүнө көпүрө да салат, эмеректер да жасалат. Нымдуу жерге жакшы өсөт. Кээде чытырман токойго да айланат. Анын бир нече түрү бар. Олив - үч миң жыл мурун оливаны уксуз, бал менен винонун ширесине кошуучу каражат катары колдонушчу. Ал эми бүгүнкү күндө оливдин дасторкондон ар кандай түрүн көрүүгө болот. Көбүнчө айнек банкаларга салынган оливдер кымбат болуп эсептелинет. Анткени анын ичиндеги оливанын даамы табигый жана эч кошулмасы жок. Оливден дайыма - май жасалаарын билебиз. Франциянын диетологдору олив майы баардык ооруларга пайдалуу экендигин айтышып, жаштыкты сактап, карылыктын алдын ала турган май деп эсептешкен. Олив майы карылыкты жайлатат деген тыянакты окумуштуулар 65-84 жаштагы адамдарга эксперимент жүргүзгөндөн кийин чыгарышкан. Мындай олив майын колдонгондон кийин унутчак болбой, карылыктын биринчи белгилерине болгон арыздануулар аз болгондугун айтышкан. Көрсө олив майлары ичеги-карындарды рактан сактайт экен. Ал эми кардеологдордун айтуусу боюнча олив майы адамдын 70% инфаркты пайда болуусуна жол бербейт деп эсептешет. Анын майлуу кислотасы айымдардын жынысындагы ооруларды алдын алат жана бойго болууга жардам берет. Косметологияда Бүгүнкү күндө табигый косметиканын баары олив майы менен жасалары баарыбызга белгилүү. Косметологдордун айтуусу боюнча, үй шартында бетиңизге өз алдынча маска жасап алууну сунушташат. Мисалы: жашыл бадыраң менен бананды майда туурап, ага 2 кичине кашык олив майын аралаштырып, бетиңизге майда катмар менен жаап, 20 мүнөт коюңуз, андан кийин жылуу суу менен жууп салуу керек. Мындай маскаларды денеге да колдонсо болот. Олив майын нымдуу жерге сактоо керек, көп убакыт бою муздаткычта тура берсе өзүнүн витаминдерин жоготот. Кош бойлууларга кеңеш: Кош бойлуу учурунда туура тамактануу ар бир айымдын бирден бир маселеси болуп эсептелинет. Жаңы төрөлгөн баланын тиш бүйлөлөрү бекем, ден соолугу чың, организми жакшы болуп төрөлүш үчүн, эненин чачтары түшпөй, тырмактары сынбай, ден соолугу чың болушу үчүн кандай тамактануу керек. Сиздин балаңыз сергек болуп, төрөт жеңил болуусун кааласаңыз, адистин айткан сөздөрүн эске алыңыз. Күнүнө жок дегенде жарым сааттан сейилдегенге аракет кылыңыз. Организмиңиз эмнени талап кылса баарын жей бериңиз. Болгону жеген тамактарыңыз жеңил сиңе турган, витаминдүү тамактар болууга тийиш. Ар бир 2-3 саатта тамак жеп туруңуз, бирок, аз-аздан. Суюк, өтө ысык эмес тамактарды ичүүгө аракет кылыңыз. Тамак ичкен соң бир нече мүнөт жата туруңуз. Суюктукту көп ичиңиз. Суюк демделген көк чай, жемиш ширелери, газдалбаган минералдык суу жакшы. Майлуу жана ачуу тамактардан мүмкүн болушунча баш тартыңыз. Кескин жыттуу дезодорантты, самынды колдонуудан баш тартыңыз, атүгүл кээде сүйүктүү атырыңызды да колдонбой турууга туура келет. Эртең мененки кусуунун алдын алууга аракет кылыңыз. Ал үчүн ойгонгон соң төшөктөн турбай туруп сухарик же сыр менен кичинекей бутерброд жеп алыңыз. Кальций жетиштүү болуш үчүн… Баланын тиши бекем болуш үчүн, биринчиден энеге кальций жетиштүү болушу керек. Энеге кальций жетишпей калган учурда бала сөөктөн жана тиштерден ала баштайт. Ошондуктан кальций көп болушу үчүн, витаминдерди жана кальций бар азыктарды колдонушу шарт. Мисалы үчүн кальций жетиштүү болуусун кааласаңыз, анда деңиз балыгын, быштак, сыр, сүт азыктарын колдонуңуз. Тиш доктурлардын айтуусу боюнча баланын оозуна сүттү 2-3 мүнөт кармап анан жутуусун сунуштап келет. Күнүнө жок дегенде жарым стакан сүт ичип туруу керек. Кош бойлууларга көнүгүүлөр: Негизинен боюнда бар аялдар көп кыймылда болуулары шарт. Ошон үчүн туура эмгектенгенди билүүлөрү зарыл. Ден соолукка зыян алып келбеген шарттары бар жумуштар менен алектениши керек. Өтө оор жумуш дагы кош бойлууларга туура келбейт. Анткени кыймыл дененин баардык системаларын жөнгө салып турат. Ошондуктан айымдар жалкоолукту артка таштап, иш менен алаксып, кыймылдап жүрүшсө пайдалуу болот. Ал эми көп кыймылдабаган аялдардын салмагы көбөйүп, ар кандай татаалданууларды алып келет. Ошон үчүн кош бойлуу айымдар үчүн атайын гигиеналык гимнастика иштелип чыккан. Андыктан кош бойлуулар ага дагы кайдыгер мамиле жасабай, колдон келсе убакыт таап барып койгондору абдан пайдалуу.
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||