 |
|
|
|
|
|
Кайрылуу каттары жана келген каттар:
Атактуунун тагдыры Кызыл камчы, ичкич күйөөсүнө 18 жыл чыдаган Барбара Брыльски Жаңы жылды шампанское, торт, балатысыз элестете албагандай эле, киносүйүүчүлөрү орустардын "Тагдыр тамашасы же Жеңил парыңыз менен!" киносусуз элестете алышпаса керек. Андагы картиналар, дале да болсо ар бирибиздин көз алдыбызда. Ал тасмадагы Надянын ролун ойногон актриса Барбара Брыльскинин кейиштүү тагдырынан бир үзүм бермекчибиз. Кедейдин кызы Барбара Брыльски малчылар жашаган Лодзи районунда төрөлгөн. Согуштан кийинки оор кырдаалда,кедейчиликти башынан өткөргөн. Атасы слесарь, апасы тикмечи болгон. Кендирди кескен кедейчиликти башынан өткөргөн Барбараны ата-энеси өз алдынчалыкка тарбиялаган. Үйүндө бир сындырым наны жок калса дагы, өнөр мектебинен окутушат. Аталган мектептин директору, кыздын талантын көрүп, Лодзидеги театралдык орто окуу жайына тапшыртат. "Фараон" тасмасында, актрисалык чеберчилиги артып, кинорежиссёрлор тараптан бир канча сунуштар түшө баштайт. Биринчи көшөгө Актриса Ян Боровец аттуу жигитке турмушка чыгат. Бирок анын кайындары актрисанын чыгармачылыгын түшүнбөй, күйөөсүнө ар кандай сөздөрдү айтып, Барбараны жамандай беришкен. Кайын энесинин басмырлаган сөздөрүнөн тажаган Барбара, оокат-жайын таштап Варшавага кетип калат. Кызыл камчы, алкаш күйөөсүнө 18 жыл чыдаган актриса 1970-жылы экинчи жолу төшөк жаңыртат. Болгондо да Людовиг Космалды ушунчалык сүйүп калып, болгон сүйүүсүн ага арнайт. Людовигдин кыялы чатак, ичимдикке берилген адам болгон. Бирок дымагы күчтүү эркек экен, алкаш болсо дагы, созулган аялын үйгө отургузуп коюп, кыздарга барып көңүл ачып келчү экен. Экөөнүн үйүндө күндө чыр болуп,казан-аяктары эшикке улам-улам ыргып турган. Ошентип, алкаш күйөөсү менен 18 жыл жашаган соң, кудайдын берген бактысына ыраазы болуп, кызы менен баласын алып үйүнөн чыгып кетет. Аягы тыйылбаган көңүлдөштөр жана көңүл калган сүйүү Кызы мектепти бүткөн кезде да, Барбаранын көңүлдөштөрү четтен чыгып, сүйүүсү андан ары улана берет. Канча кишини сүйбөдү, аягы барып өзү сүйүүнүн отуна күйүп калып жатып, аягында эки баласына болгон гана энелик сүйүүсүнүн оту калды. Ошондо гана эркектерди жек көрүп, жашоосунун калган бөлүгүн балдарына гана арнай баштаган. Алгач эркектердин кебетесине караган Барбара Брыльски Актрисанын жашоосунда бактылуу учурлар көп эле болду. Өзүнүн чыныгы каалоосу менен 5 жолу сүйгөн. 5 жолу тең өзү каалагандай узун бойлуу, кара чачтуу жигиттер болгон. Барбара эң биринчи эле эркектердин сырткы келбетине көңүл буруп, андан кийин гана ички интеллектине карап мамиле кылган айымдардан. Канча жолу очок жаңыртса дагы бактылуулуктун жытын жыттай албаган Барбара, үчөө менен тең узак убакыт жашай алган эмес. Экинчи никесинен Барбара аттуу кыздуу жана Людвиг аттуу уулдуу болгон. Кызы 21 жашка чыкканда жол кырсыгынан каза тапкан. Актрисага ошол учур кыямат болгон. жээрге тамагы калбай калганда гана тасмага түшкөн Ошентсе да, болгон кыйынчылыкты таланты менен жеңип, баласына алаксып жашаган. Азыр кимге гана кезикпесин, өзүнүн кызынын таланты, сулуулугу тууралуу айтып бүтпөйт. Балыктан, козу карындан тамак жасап, баласын куттуктайт. Андан дагы эң кызыктуусу, Барбара үйүндө жээрге ашы калбай калганда гана театрга барып ойноп, киного тартылат. "Тагдыр тамашасы же Жеңил парыңыз менен!" "Тагдыр тамашасы же Жеңил парыңыз менен!" киносундагы Надянын ролуна актриса таппай Рязанов бир топ убара чеккен. Анан бир күнү эле "Сүйүү анатомиясы" киносундагы башкы ролдогу кызды эстеп кетип, Варшавага, Барбарага телефон чалат. Ошол учурда да Барбара бош жүргөн маалы болот. Ошентип, Барбараны Москвага чакырып, биринчи кадрларды тарта баштаганда эле, жакшы натыйжа берген. Сьёмка башталарда эле башка актёрлор сөзүн таппай калып, режиссёрду убаралантса, Барбара ар бир сьёмкага сөздөрүн толук жаттап келип турган. Фильм 3 ай тартылган. Актриса Валентина Талызина Барбаранын үнүн жаңыртса, Алла Пугачёва Барбара ырдаган ырларды ырдаган. Ошондон бери, "Тагдыр тамашасы" бардык киносүйүүчүлөрдүн сүйүктүү киносу болуп келет. Барбара Брыльски: "Артта калган күндөрдү эстегим да келбейт" "Психологдор, адамдарды эки топко бөлсө болот дешет. Бири жашоосунда эң жакшы күндөр бологондор. Алар артын карап жылайышат. А экинчилери болсо, жакшы нерселердин баары алдыда деп, алдын гана карашат. Мен болсо, кээде артта калган күндөрүмдү ойлонсом, зээним кейип, жиним келип, ыйлап кирем. Артта калган күндөрүмдү эстегим да келбейт. Мен өзүмдү азыр эмне болсо, ошол боюнча ойлонууга көнүп алгам" - дейт Барбара Брыльски. Дүйнө жылдыздарынын жаңылыктары Алина Кабаева Путинге уул төрөп берди Россиянын премьер-министри Владимир Путин 57 жашка чыкканда биринчи жолу уулдуу болуп, манчыркап, кубанычы койнуна батпай турган кези. Путиндин көкүрөк күчүгүнүн энеси ким деп таң калып жатсаңыз, анын энеси РФ Госдумасынын "Бирдиктүү Россия" партиясынын жаш депутаты, 26 жаштагы айым Алина Кабаева. Бул жөнүндөгү маалымат алгач Американын "The New York Post" гезитинде жарык көргөн. Бирок орустардын ММКында бул тууралуу бир да пикир айтылбаганы кызык… Көрсө, Премьер-министр, өзүнүн артын ойлоп, ал жөнүндөгү маалыматтарды чыгарбоосун айткан. Ичпеген, чекпеген, кыздарга барбаган, үйүнө түз келген Владимир Владимировичтин кайдан анан Алина менен мамилеси болсун? - деген да суроо туулушу мүмкүн. Ошондой болгон күндө да, бир убакыт таап, Премьер-министр бала жасаганга жетишиптир. Болгондо да, татар кызы ага болтойгон бала төрөп берип жатса, өзүнүн биринчи аялы Людмиладан уулу жок болсо, сүйүнбөй коймок беле? Аталган гезит белгилегендей, Алина Кабаева кымбат делген Европалык төрөт үйлөрүнүн биринде көз жарган. Ал эми Путин менен Алина чүрпөсүнө Россиянын азыркы Президенти Дмитрийдин ысымын ыйгарышты. Ал эми, баласы канча салмакта төрөлгөндүгүн айтпаса да, журналисттер ачыла элек сандыктагы кундузду бычып коюшту. Путин өзүнүн үй-бүлөсүн камакта кармаганга аракет кылат. Мисалы, аялы Людмила Путина ак сөөктөрдүн салтанаттарына барбайт. Ал эми эки кызын да тойлордон, кечелерден же болбосо дискотекалардан да көрүүгө болбойт. Нью-Йорк гезиттери жазгандай, "Московский корреспондент" аттуу орус гезити: "Путин аялы менен ажырашып кетип, Алина Кабаевага үйлөнүп алды",- деген имишти жазып жибергенден улам, премьер-министр ал гезитти жаптырып салган. Чындыгында, 2008-жылы Владимир Путин Людмила Путина менен официалдуу түрдө ажырашкан. Ажырашуу тууралуу мөөр Петербургдагы бакыт үйлөрүнүн биринде коюлган. Башка маалыматтар боюнча, жаңы эле эне болгон депутат кыз, Путинден дагы төрөгүсү келгенин билдирген. "Маргоша" эми сойку болот Актриса Мария Берсенева "Маргоша" сериалынан кийин, жылдызы өчүп калбоонун аракетин кылып, жеңил ойлуу кыздын ролун аткарганы турат. "Тааныгандардын "Марго" деп айтышканынан тажап кеттим. Эми сойку да болгум келип жатат", - дейт актриса. Учурда, мындай оор ролго кантип образ берсем экен, - деп ойлонуп жаткан кези. Алла Пугачева радиобизнести таштады 2007-жылдан бери ободон чыгып келе жаткан "Проф-Медиа" корпорациясынын "Алла радиосунан" Алла Пугачёва кете турганын айтты. Орустардын Примадоннасы аталган радиодон көптөгөн автордук, "Алла таланттарды издейт", "Алланыкында конокто" ж.б. алып барган. "Алла радиосу" Москвадагы эң алдыңкы радиолордун катарын толуктап, угуучуларынын саны арбыгандан кийин, ал корпорациянын лидерлери мындан ары Алланын ысмын радиого колдонбоору тууралуу айтышкан. Эмнеси болсо да, "Эл эмгегин жер жебейт", эмеспи. Жакында Мел Гибсондун сегизинчи баласы төрөлөт National Enquirer журналынын жазганына таяна турган болсок, белгилүү киноактёр Мел Гибсон орус кызы Оксана Григорьеванын боюна бүтүрүп коюптур. Бирок бул жөнүндө Оксана эч кимге айткан эмес. Оксананын эки айлык боюнда бар. Азыр көңүлдөшү алып берген үйдө бутту асып жаткан кези. Оксананын ичиндеги баласын кошкондо, Мэл Гибсондун 8-баласы болот. "Баатыр атага" ийгилик! Сайра Сопушева
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||