Кыргыз гезиттери
меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси


  Шоу дүйнө

Иса эми сүйүү темасын ырдайт
Убакыт өткөн сайын Исанын репертуарындагы ырлардын темасы да өзгөрүүдө. Анткени, азыр баягы кичинекей Иса жок. Бой жетип чоңоюп, эми сүйүү темасындагы ырларды ырдаганга басым жасап, жаңы ырларды жаздыруунун үстүндө иштеп жатат. Анын алдыга койгон пландарынын бири Кытай Республикасына барып, ал жактагы мекендештерибизге өзүнүн ыр дестесин тартуулоо экен.


Жакуттун ыры биринчи жолу радиодо
Куудул Жакут Сыдыков бир топ ырчыларга сөзү, обону менен ырларды жазып берип жүргөн болсо, эми өзүнүн аткаруусундагы "Угуп кой", "Тартуу кылам", "Апама кат", "Арыкмын" аттуу ырлары биринчи жолу радиолордон жаңыра баштады. Буга сүйүнүп жүргөн куудул эми репертуарын мындан да мыкты тамашалуу ырлар менен толуктайт.


Нурзада окуу жайды бүтүрөт
"Кыргызстан Обондору" радиосунун ди-джейи Нурзада Жолдошева быйыл Улуттук университетинин журналистика факультетин бүтүрүп жатат. Бүгүн 8-июнда "Кыргызстан Обондору" радиосунун программаларынын жасалгалоо өзгөчөлүктөрү" деген темада дипломдук ишин жактап, биротоло окуу жай менен коштошот. Буга чейин эки тизгинди бир алып жүргөн айым эми чыгармачылыгына жакшы көңүл буруп, радионун иши менен гана алек болмокчу.


Актёрлор алтын кубокту алышты
Кыргыз Мамлекеттик Академиялык Драма театрынын актёрлору 25-30-май күндөрү Алматы шаарында өткөн Борбор Азиялык мамлекеттер арасындагы Эл аралык III театр фестивалына катышып, баш байгеге коюлган Алтын кубокту жана акчалай сыйлыкты жеңип келишти.
Аталган театр фестивалына Кыргызстан, Тажикстан, Казакстан, Өзбекстан өлкөлөрүнүн он спектакли ат салышкан. Калыстар тобунун курамына ар бир өлкөдөн бирден өкүл шайланган. Биздин актёрлорубуз түркмөн режиссёру Какажан Ашыровдун режиссёрлугу астында "Чыңгызхандын ак булуту" аттуу спектакль менен катышып, баш байгеден сырткары эң мыкты роль наамдарына да татышты. Тактап айтсак, башкы каарман Чыңгызхандын образын эң мыкты жараткандыгы үчүн Кыргызбай Осмонов жана башкы каарман эненин образын эң мыкты аткаргандыгы үчүн Шайыр Касымалиева калыстар тобу тарабынан төмөндөгүдөй наамдардын ээси болушту. Эске салсак, мындай сыйлыкты Кыргызстан биринчи жолу алып жатат. Демек, Кыргыздын атын чыгарып гана тим болбостон бакыйган үч сыйлыктын ээси болушкан Кыргыз драма театрынын жамаатын чын-дилден куттуктайбыз.


  тап-тап табышмак

Мээрим Айталиева:
"Бул апамдын жеңиши"
- Мен "Обон" гезитинин туруктуу окурманы болом. Бул табышмакты таба албай төрт күн кыйналдым. Анан Кочкордо жашаган апама чалып жандырмагын таап алдым. (Күлүп) Ошондуктан бул менин жеңишим эмес, апамдын жеңиши. Мен Кочкордон болгондуктан Нурзат эже менин жеңем болуп калат экен.

Гезитибиздин №117 санында Нурзат Айталиева окурмандарга
Тентек сайдын башынан,
Темир тил комуз жоготтум.
Көмүркөйдөй каты бар,
Көз мончоктору дагы бар.
Бул эмне?-деп, табышмак каткан эле. Бул табышмактын туура жообун "Тамак, тил, көздүн сурмасы, карек" деп, эң алгачкылардан болуп 22 жаштагы Мээрим аттуу окурман таап, Нурзаттын өз колунан белек алды.

Нурзат Айталиева:
"Обонго" келип тууганымды таптым"
- Менин табышмагым чындыгында жеңил эмес болчу. Бирок, эмнегедир кичинекей кыз же бала тапса керек деп ойлогом. Карабайсыздарбы, (күлүп) "Обонго" келип дагы тууганымды таап алдым. Тагдыр буюруп жеңүүчү экөөбүздүн фамилиябыз Айталиева болуп чыкты.


А. Касымова




  Шырмаек

Замирбек Үсөнбаев:
"Мага каймана бут тосуулар көп болгон"
Жакында Кыргыз Улуттук Филармониясына Кыргыз Республикасынын эл артисти, Токтогул атындагы мамлекеттик сыйлыктын лауреаты Замирбек Үсөнбаев башкы директор болуп дайындалды. Жаңы жетекчи менен аз-маз пикир алыштык.

- Замирбек агай, кызмат ордуңуз кут болсун! Сизди бул кызматка жамааттын сунушу менен келди дешет, ошол чынбы же өйдө жактын сунушу мененби?
- Мурда эле жамаатыбыз "Биздин көйгөйдү түшүнгөн жетекчи керек, башка жактан келген жетекчилер өктөм сүйлөшөт" деп нааразы болуп жүрүшчү. Мындан мурдараак жалпы жамаат чогулуп, "мурунку жетекчи менен иштеше албайбыз" деген сыяктуу маселелер талкууланган. Мен жетекчи бололекте эле элдер мага көйгөйүн айтып, арызданышып жүрүшчү. Артисттерге туура эмес мамиле жасалса, алардын таламын талашып, калыс сөзүмдү сүйлөп жүрчүмүн. Ошол учурда мага жетекчилик тараптан ачык болбосо да каймана бут тосуулар болуп жатты. Менин бул жерге келүүмдү эмгек жамааты өздөрү сунушташып, министрликке кат жазып кайрылышты. Ошондуктан мени бул кызматка жамаатыбыз койду десем болот. Бул менин таман акы, маңдай тер менен жеткен эмгегимдин, адамдарга жасаган мамилемдин үзүрү экен да.
- Буга чейин жогорку кызматка сунуштар болду беле?
- Эгемендүүлүктү алганыбыздан бери мени депутаттыкка бар дегендер көп болду. Кабинетте отуруп, чарбалык иштерге киришкенге көп кызыкчу эмесмин. Андай сунуштарга мен "элдик адаммын, эл менен чогуу жүргөнүм жакшы" деп болчу эмесмин. А азыр филармонияга келгенимди уккандар "а эмнеге бул орунга макул болдуң" дешти. Ойлоп көрсөм мен ушул жерге он алты жашымда келиптирмин. Залкар устаттарым Тууганбай Абдиев, Эстебес Турсуналиев, Ашыраалы Айталиевдер мени чоң мектептен өткөрүштү. Алар мага өнөрдү гана эмес, адамкерчиликтин тунук сапаттарын да үйрөтүштү. Анан мени эл өзү тандап жаткандан кийин демек, мен элге кызмат кылышым керек деген жакшы тилек менен келдим.
- Алдыда кандай пландарыңыз бар?
- Ушул жерди түптөп кеткен залкар инсандарыбыз эл арасын кыдырып өнөрлөрүн тартуулашчу. Биздин убакта деле элди аралап көп концерт койдук. Акыркы жылдарда айылдарды аралап концерт коюу таптакыр азайды. Жамаатыбызда өнөрлүү инсандар көп, буюрса шарт түзүлүп, унаалар берилсе, жер-жерлерди кыдырып, элди маданий жактан тейлөөнү эске алабыз. Жакында быйылкы жылдын сезондун жабылышы болот. Ага карата 24-июнда чоң концерт берилмекчи.
- Өзүңүз концерттерге катышып турасызбы же?..
- Мен ушул өнөрүмдүн аркасы менен Замирбек болдум да. Албетте, төкмөлүктү таштабайм. Филармониядагы концерттерге катышам, убакыт таап эл арасында боло турчу гастролдорго да барганга аракет кылам.
- Акыркы күндөрү Улуттук филармонияга "даңкылдак" музыкалар көп жаңырып, эстрадниктер жеке концертин тартуулап жүрүшөт. Буга сиздин көз карашыңыз кандай?
- Каражатка карап "пайда түшүп калсын" деп анда-санда коюлуп келген. Эстрада да элдин талабы. Эгерде жогорку деңгээлдеги концерт болсо уруксат берсе болот. Бирок, биз көбүнчө улуттук өнөргө басым жасашыбыз керек.
А. Сабырова





кыргыз тилиндеги гезит "Обон"
email • архив • редакция 
8-июнь, 2010-ж.:
1-бет
"Атам менен жашаганга көнгөн эмесмин"
2-бет
Кумир менен баарлашуу
3-бет
Руслан Бекназаров, "Биримдик" жаштар кыймылынын лидери:
"Мен кадр маселесин чечкидей атам Президент эмес "

4-бет
Дооронбек Садырбаевдин жубайы Сонунбү эже:
"Жеңеңер менен тирүү болсом бир үйдө, өлсөм бир көрдө болом" деп..."

5-бет
"Бактагы жалбырагым, көктөгү желбирегим"
6-бет
Ралистин таарынтканына жараша мамиле жасаган
7-бет
Кайсы дикторду жактырасыз?
8-бет
Иса эми сүйүү темасын ырдайт
9-бет
Артисттин архивине саякат
10-бет
Көз айнекти беттин түзүлүшүнө жараша тандоо
11-бет
Футбол боюнча дүйнөлүк чемпионат - 2010
12-бет
Сезимай Алиева
Сен жана мен

13-бет
Телефонду ойлоп тапкан Грэхэм Белл
15-бет
Обон почта
16-бет
Комузчуларды козгогон
"Тогуз кайрык"






Яндекс.Метрика