Кыргыз гезиттери


п»ї
  Аброй демекчи

Президенттер
Учурда ажонун конституцияга өзгөртүү киргизүү боюнча мыйзам долбоорунун 52-беренесинде кокус өлкө башчысы мамлекетти башкарууга мүмкүн болбой калса, өлкөнү убактылуу башкарууну президенттик кеңешме чечет деген сунушу коомчулукта ар түркүн пикирлерди жаратууда. Кээ бирлери бул долбоор түз эле хандыкка багыт алган аракет деп айтышууда.
Кээ бирлер мындай көрүнүш бизде эле эмес, Орто Азиядагы башка өлкөлөрдө деле болгон деген сыяктуу ойлорун таңуулап жаткан кез. Бирок, макул деген күндө да алар дагы айырмачылыкка сарэсеп салып көрбөйлүбү.

Гейдар Алиев
Биринчиден бул инсандын аброюу өз өлкөсүндө эле эмес дүйнөлүк саясий элитада өтө жогору болгон. СССРдин Борбордук Комитетинде иштеп жүргөндөн тарта, өмүрүнүн акырына чейин азербайжан эли үчүн чоң эмгектерди жасаган. Аз элин бириктирип, өлкөнү таламайга алдырган эмес. Жөнөкөй элге кам көргөн. Эң негизгиси сөзгө бекем болгон. Ал эми анын ордун басты деген уулу Ильхам Алиевди оппозиция "Казиного ойнойт" дегенден башка доомат койо алышкан эмес. ал эл мүлкүнө аралашкан эмес.

Сапармурат Ниязов
Туркмения сырткы байланыштан, демократиядан алыс болду делген менен Түркмөн башы эң ириде карапайым элге караган. Мисалы, нан, шекер, газ, электр энергиясы сыяктуу турмуштук керектөөлөр өтө арзан болгон. Мамлекет байлыгын талаткан эмес. Жерин саткан эмес.

Ислам Каримов
Эң негизгиси "Прихватизацияга" жол берген эмес. Качан да болсо өзбек элинин духун көтөрүп, өлкөдөгү негизги байлыгы болгон алтын, пахта, газдын баасын көтөрбөй кармап келет.


Эмомали Рахмон
Башка өлкөлөргө салыштырмалуу Тажикстанда бир нече жылга созулган граждандык согуш болсо да, бүгүн алар өнүгүүнүн жолунда. Ал эми ушул аралыкта жакындарын бийликке алып келди деген мисалдардын эң негизгиси болуп кызын Тышкы иштер министрлигинин орун басарлыгына көтөргөнү. Бирок, ал кызы ага чейин деле тышкы саясатта такшалып, БУУ сыяктуу үлкөн уюмда иштеп, өлкөнүн тышкы иштеринде кызмат өтөп келген.

Нурсултан Назарбаев
Казакстан рынок экономикасына чабылып өтсө да, бүгүн анын үзүрүн көрүү алдында. Эң негизгиси Казакстан мамлекеттүүлүгүн бекемдеди. Дүйнөдө аброй күттү. Ошонун бир натыйжасы эларалык ОБСЕге төрага болду. Назарбаевдин дагы бир артыкчылыгы өлкөдө далайлаган саясий элитаны өстүрүп чыгарды.


Путин - "Жылдын адамы"

Россиянын премьер-министри Владимир Путин төртүнчү ирет өз өлкөсүндө Россия атуулдарынын басымдуу добушу менен "Жылдын мыкты адамы" аталды.


Биздечи?

Жер, кен-байлыктар кимдердин колуна өтүп жатат? Өлкөдө регионалдык элитанын аброюу барбы? Дагы... дагы...дагы...

Нурдин Асанов





кыргыз тилиндеги гезит "Назар"
email • архив • редакция 
25-декабрь, 2009-ж.:
1-бет
"Жыддын адамы"
2-бет
"Заманыңды бил, анте албасаң, ал сенин жүрөгүңө кадалган казык болоор".
3-бет
Президенттер
4-бет
мы, против !
5-бет
"Демократия" аралчасында
6-бет
Башчылар жаңылса, баарынын жаңылганы
7-бет
"Башчы акылман болбосо, башка журт менен тең болбойт..."
8-9-бет
Жылдын адамдары
10-бет
Кадыров жылдын "мыкты депутаты"
"Назар" гезитине жана "Назар" гезитинин башкы редактору

11-бет
урскалар да
ыйлашат, кубанышат...

12-бет
"Чексиздикке эрте учаарын ким билди Салып коюп сансыз журтту арманга?"
13-бет
Сертшоокумдар
14-бет
Жигитке - жетимиш өнөр...
16-бет
Артистердин айылында










??.??