Warning: include(0505.htm): failed to open stream: No such file or directory in /var/www/u0658628/data/www/presskg.com/kut/11/0505_1.htm on line 73

Warning: include(0505.htm): failed to open stream: No such file or directory in /var/www/u0658628/data/www/presskg.com/kut/11/0505_1.htm on line 73

Warning: include(): Failed opening '0505.htm' for inclusion (include_path='.:') in /var/www/u0658628/data/www/presskg.com/kut/11/0505_1.htm on line 73


п»ї

Өкмөт койгон мөөнөт өзгөрбөйт
Билим берүү жана илим министрлиги агартуу тармагында эмгек акы төлөөнүн жаңы шарттарын киргизүү мөөнөтү мурдагы убада боюнча, Өкмөттүн жыл башындагы чечимине ылайык, 1-майдан кечикпей баштала турганын билдирүүдө.

Коалициялык өкмөт ишке киришкен биринчи күндөн тарта эле айлык деп аталган менен жумалык да керектөөгө жетпей жаткан эмгек акыны көтөрүү жөнүндө жер-жерлерде митинг акцияларга чыгып жаткан мугалимдердин талабын биринчи кезекте аткарууга убада берген. Убадасына туруп, жыл жаңырар менен республикалык бюджеттен агартуу ишмерлеринин эмгек акысын эки-үч эсе көтөрүүгө жеткидей каражат табууга жетишти. Билим берүү жана илим министрлиги тарабынан ыкчамдык менен иштелип чыккан билим берүү уюмдарынын кызматкерлеринин эмгек акысын төлөөнүн жаңы шарттарын жактырып бекитип, аны ишке киргизүү мөөнөтү 1-майдан башталат деп 19-январдагы токтомунда кашкайта көрсөткөн. Билим берүү жана илим министрлиги жер-жерлерден түшүп жаткан көп сандаган кайрылууларга байланыштуу агартуу кызматкерлеринин эмгек акысын төлөөнү жаңы модель боюнча жүргүзүү өкмөт токтомунда көрсөтүлгөн мөөнөттөн кечикпей башталарын билдирүүдө. Министрликтин жетекчилери мугалимдерге жаңы шарттар боюнча эмгек акы төлөөгө жыл аягына чейин жеткидей акча каражаты республикалык бюджетте толук каралган деп ырасташууда.
"Эмгек акы төлөө Өкмөттүн токтомуна ылайык 2011-жылдын 1-майынан башталбай турганы жөнүндө айрым адамдардын билдирүүлөрүнүн эч кандай негизи жок", - деп баса белгиледи билим берүү жана илим министри Канат Садыков.
Өкмөттүн тапшырмасы боюнча Билим берүү жана илим министрлиги тарабынан "Билим берүү уюмдарынын кызматкерлеринин эмгек акысын эсептөө тартиби жөнүндө инструкция" иштелип чыгып, тийиштүү мамлекеттик органдарда макулдашуудан өтүп жатат.
Ошондой эле Билим берүү жана илим министрлигинин кызматкерлери эмгек акы төлөөнүн жаңы шарттарын түшүндүрүү боюнча кеңешмелерди өткөрүү максатында 10-майдан тарта аймактарга жөнөгөнү жатышат. Ар бир аймакта боло турган кеңешменин так мөөнөтү жөнүндө өзүнчө кошумча билдирүүлөр болот.
Билим берүү кызматкерлеринин эмгек акысы жаңы модель боюнча орточо алганда эки-үч эсе жогорулайт. Мамлекет жетекчилери мугалимдердин акыл жана күч эмгегинин акыбети кайтып, чыгармачылык жагынан шыктанып сапаттуу иштегидей деңгээлдеги камкордук көрүү үчүн зарыл аракеттер токтоп калбай улантыла бере турганын байма-бай билдирип келатат. Мугалимди кор кармаган өлкөнүн билим казынасы бөксөрүп, интеллектуалдык кубаты кетип, калкы дөдөй болуп каларын азыр түшүнбөсөк, эртең кеч болуп калат. Айрыкча башка өлкөлөрдөгүдөй ишене турган мунайзат менен газдын кени жок Кыргызстанда билим менен илимди кармангандан башка келечектүү жол көрүнбөйт.

Кубатбек Чекиров,
"КБ"












??.??