"Кутбилим", жањы саны... o кыргызча... o
п»ї
Агартуучулар менен журналисттер - социалдык ШЕРИКТЕШТЕР
Кыргыз Республикасынын Билим берүү жана илим министрлиги 7-ноябрь улуттук басма сөз күнүн утурлап алдыңкы журналисттерди чакырып, сый көргөзүп, кесиптик майрамы менен куттуктады. Билим берүү жана илим министри Канат Садыков өзүнүн куттуктоо сөзүндө журналисттердин ишмердигин педагогдордун кесиби менен салыштырып, алардын аткарган иштери көп жагынан окшош экенин, ошол себептүү министрлик маалымат каражаттары менен социалдык өнөктөш катары тыгыз кызматташтык мамиледе келатканын айтты. "Биз билим берүү мекемелеринин ичинде тарбиялоо иштерин жүргүзсөк, сиздер жалпы коомдун ичинде маалымат жана тарбия берүү милдетин аткарасыздар",-деп баса белгиледи министр.
К.Садыков мамлекеттин коомдук-саясий турмушунда эркин басма сөздүн мааниси зор экенин баса белгилеп, чындык үчүн, акыйкаттык үчүн башын сайып иштеген журналисттердин эмгеги үчүн аларга ак дилинен ыраазылык сөзүн айтты.
Балдардын "Байчечекей" журналынын баш редактору Токтосун Самудинов, "Кыргыз Туусу" гезитинин баш редактору Бакыт Орунбеков жана "Слово Кыргызстана" гезитинин өкүлү Чынара Асанова өз кезегинде журналисттер коомчулугунун атынан сөз сүйлөп, Билим берүү жана илим министрлиги жүргүзүп жаткан реформалардын ийгиликтүү ишке ашышына тилектеш жана өнөктөш экендиктерин билдиришти.
К. Асангазы "КБ"


Мамлекеттик тилге күйгөндөр
Басма сөз жана маалымат күнүнө карата Кыргыз Республикасынын Президентине караштуу Мамлекеттик тил боюнча улуттук комиссия "Кыргыз тили" төш белгиси менен журналисттерди сыйлады. Бул сыйлыкка "Кутбилим" гезитинин башкы редактору Кубатбек Чекиров да татыктуу болду.

Мамлекеттик тил боюнча улуттук комиссиянын төрагасы А.Ибраимов сыйлык тапшырып жатып, Кубатбек Чекировдун кыргыз журналистикасында татыктуу орду бар таанымал жана талантуу журналист экенин, ошондой эле жалпыга маалымдоо каражаттарында мамлекеттик тилди өнүктүрүүгө орчундуу салым кошуп келаткан калемгерлердин бири экенин баса белгиледи.
Ошондой эле "Кыргыз тили" төш белгиси менен "Кыргыз туусу" басма үйүнүн директору-башкы редактору Бакытбек Орунбеков, "Эркин Тоо" гезитинин башкы редактору Абдивахаб Мониев, эркин журналист Жаныбек Жанызак сыйланды. Дагы бир катар алдыңкы журналисттерге Ардак Грамота тапшырылды.
"Кутбилим" гезитинин эмгек жамааты сыйлык алган кесиптештерин чын жүрөктөн куттуктайт жана кесиптик тилектештигин билдирет.

Гүлнара Алыбаева,
"Кутбилим"





PDF формат







??.??