кыргыз тилиндеги гезит "Кереге"

п»ї
интригадан ит жыгылышка
Байкабай жатышып балээни басып алышты. Бирине бири аң казабыз деп өздөрү орго түшкөнү турат. Бул көрүнүш учурда бардык саясий күчтөргө, саясатчыларга тиешелүү. Депутат Садыр Жапаровду чукуйбуз дешти эле, депутат Туратбек Мадылбековдун баласы кишен тагынды. Намысына чыдабай атасы, "Убактылуу" деген шылтоо менен ЖК дагы комитет башчылыгын өткөрүп берди. Көрсө Бакиевдердин байлыгын анын баласы басып алып, будамайлап жиберген экен. Дагы бир депутат Райкан Төлөгөновдун уулу Муса талап-тоноочулукка шектелип жатты эле, анысы азыр өлкөдөн сыртка качып кетти. Атасы, "Качкан жок"-деп какшаганы менен кесиптештери эле качып кеткенин кабарлап жүрүшөт. Башкы прокуратуранын атын атагысы келбеген өкүлдөрү, "Бир эмес, бир нече эл өкүлүнө кылмыш иши козголуп, айрымдары Нариман Түлеевдин жанынан орунтук табат"-дешет. Ал тургай, бул кара тизменин катарын мурдагы өкмөт башчысы Өмүрбек Бабанов да толуктап калышы мүмкүндүгү айтылууда. Кара тизмедегилер кат-катынан тизилип мындан эки күн мурун ажо Атамбаевдин туулган күнүнө барышты. Бул ирээт ажого "конверт" көтөрүп баргандан тартынгандар кымбат гүл көтөрүнүп, тост кезегинде жалындуу жана жагалданган сөздөрүн аянышкан жок. Президент да андай кошоматчыларды салкын кандуу кабыл алып, кабагын ачпай койду. Сыягы, коррупция менен күрөштү чындап баштаганга белсенип алгандай.

"Кереге-ПРЕСС"













??.??