кыргыз тилиндеги гезит "Кереге kg"

п»ї



Абактагы ачкачылык да Ахмат үчүнбү?
Кыргызстан президент шайланышын эле эптеп күтүп турган окшойт. Кызмат талашып "кырылышмайдын" акесин окутуп башташты. Амбицияларын "минип" алышып чуу көтөргөн андан көп. Кыйраткыч жоону чапкансып, "желпилдеген" мындан көп… Айтор, аңга түшөрүбүз же дөңгө чыгарыбыз белгисиз "Белгисиз маршрутта" кетип баратабыз. Бир капшыттан абактагы жаза өтөп отургандар ачкачылык жарыялап жиберишти. Ачкачылыкты Чүй ичиндеги №1, 31 (Молдовановка), №16 (Беловодское айылы), №19 (Жаңы-Жер), №47 (Бишкек) жана Бишкек шаарындагы СИЗО-1 менен СИЗО-2 де отургандар жарыялашкан. Бир убакытта бир нече жаза өтөө жайларында башталган бул ачкачылыктын себептери белгисиз. Жаза аткаруу кызматынын басма сөз катчысы Жолдошбек Бусурманкуловдун пикиринде алар сырттан криминалдык чөйрөнүн лидерлеринин көрсөтмөсүн күтүп жатышы ыктымал же жакында эле башка адамдар менен жолугушууга тыюу салынган чектөө дагы болушу мүмкүн десе, Акыйкатчы Турсунбек Акун "Абактагылар Ахматбек Келдибековдун кызматтан кетишине нааразы болуп, анын кайрадан Жогорку Кеңештин төрагалыгына келишин талап кылышууда"-деп жар салды. Акундун айтканы чын болсо, Ахматтын иши бүткөнү же Кыргызстандын иши бүткөнү. Башка сөз жок...

"Кереге-ПРЕСС"












??.??