кыргыз тилиндеги гезит "Кереге kg"

п»ї



  Күныргак

"Еврейдин кылганы" дегендер эми тынчыйт
Кызык элбиз да, кичинекей мүдөөгө жетиш үчүн ат көтөргүс азапты тартабыз. Эркиндикке жеткенибизге жетине албай, кезегинде "Эркиндик" деп, тургузуп алган эстелигибизди кайра буза албай көрбөгөндү көрдүк. "Кызыл желек болбойт экен, кан кечип калдык" деп, желекти жеридик. Айтор, ырым-жырымга, салт-санаага ашкере моюн сунган менталитетибиз тыштан баш баккан "бурама" саясаттан баары бир күчтүүлүк кылат экен. Бишкектин чок ортосундагы "канаттуу катын" атка конгон "Эркиндик" монументи жер которду. Көпчүлүктүн тилеги орундалып, өзүнчө эле "дүйнөлүк согушту" жеңгендей, көздөн жаш кылгырта сүйүнгөндөр андан көп. Акаевге жүгүнүп жүргөн академиктери баш, Бакиевге жүгүрүп жүргөн философтору төш болуп Алмазбек Атамбаевге "Манасты койсоң маладессиң" деп, алакан чаап отурушат. Анткени, А.Атамбаев жаңы эстелик долбоору үчүн миллиондоп акча сунганын рекламалагандар толтура. А анын артында шайлоонун кылдарын назик сылап, күү чалып атканы туюлуп туюлбай... Ишикылса, "еврейдин кылганы" деп түкүрүнүп, сөгүнгөдөр эми тынч уктайт окшоду...

"Кереге-ПРЕСС"












??.??