ВАЛЕРИАНАЛАР

ВАЛЕРИАНАЛАР (Valerianaceae) — эки үлүштүүлөр классындагы тукум. Бир же көп жылдык чөп. Алардын ичинде бадалдары ж-а бадал сымал-дары да бар. Жалбырактары сабакта тушташ жайгашкан. Чатырчадай же шыпыргыдай топ гүлү болот. Гүлдөрү 2 же 1 жыныстуу. Мөмөсү — урукча. В-дын 13 уруусу, 400дөн ашуун түрү белгилүү. Көбү Түш. Америкада, Жер Ортолук деңизинин жээктеринде өсөт. СССРде 5 уруусу, 70тен көп түрү, анын ичинде Кырг-нда 3 уруусу, 14 түрү бар. В-дын валериана ж-а патринияга окшогон түрлөрүнүн тамырларынан даярдалган дары жүрөк, кан тамыр, нерв система ооруларын дарылоодо колдонулат. В. дары алуу үчүн атайын өстүрүлөт.

Author: 123

Добавить комментарий

Ваш адрес email не будет опубликован. Обязательные поля помечены *