АЙГЫР-ЖАЛ КӨРҮСТӨНҮ

АЙГЫР-ЖАЛ КӨРҮСТӨНҮ-1-5-к-да тянь-шандык көчмөн уруулардан калган археол. эстелик. Нарын ш-нын бат. тарабында (7 км). Жүзгө жакын дөбө-мүрзөдөн турат. А. ж. к-нө адамдар жөнөкөй төрт чарчы чуңкурга, жарма көргө ж-а казанагы бар мүрзөгө башы кыбыланы каратылып коюлган. Ал көрүстөндөн жыгач ж-а карапа идиштер, темир бычактын сыныктары, жыгач табактар, үстөлчөлөр ж, б. буюмдар табылды. Аны изилдөө иштерин А. К. Кибиров жүргүзгөн (1953).