АБА ЖЫЛЫТКЫЧ

АБА ЖЫЛЫТКЫЧ — абаны жылыта турган жылуулук алмаштыргыч аппарат. Жылуулук берүүчү өткөргүч түтүк аркылуу батареяларга берилип, алар ысып, анан аба жылытылат. Жылуулук бергич катарында ысык түтүн, суу буусу, ысык суу же электр энергиясы пайдаланылат. Казан ж-а газ турбиналуу установкаларда, меш агрегаттарында, кургатуу ж-а ысытуу техникаларында кеңири колдонулат. Иштөө аракетине жараша А. ж. рекуперативдүү (үзгүлтүксүз) ж-а регенеративдүү (мезгил-мезгили м-н) жылуулук бергич болуп бөлүнөт.