mainkaptal

Пользовательский поиск
Фабула
Саясат мандем же Ташиев тандеми
Сен cаясатка менен аралашпасаң, саясат сени менен аралашат демекчи, кыргыз саясатында "Чынгызхан" атка конгон Камчыбек Ташиев аттуу экс депутат бар. Камчыбек Ташиев саясатка аралашканы канчалаган саясатчылар менен баш кошуп, кол кармашып түтүн булатканы аракет кылды, бирок оту жанбады. Же саясаттан жолу жокпу ким билсин, айтор кол кармашып баш кошкон тандеми жыл айланбай аутка кетип, өзү "за бортом" калып калчу болду. Эске сала кетсек, тээ илгери качкын президент Бакиев менен Кулов тандем түздү эле. Андан кийинки тандемди 2011-жылы Ташиев менен Текебаев түзүп, Ташиевдин азыркы тандемдеши Ахматбек Келдибековду спикерликтен Текебаев ыргыта сүзүп алып түшүштү эле. Андан көп өтпөй эле жогоруда "Чынгызхан" деп белгилегендей Ак үйдүн кашаасын аттай коем деп алаасын айрып, темир тор артына топ деп түшүп калды. Ойлонбой жасаган ойрон ишинин артынан тиешелүү жаза мөөнөтүн өтөп чыгып, бир кездери "түрктүн жээни" деп атап, элдешкис душманга айланган Бабанов менен баш кошууга бел байлады. Баш кошушуп ашуудан кол кармашып, аппак карга бири-бирин эзгилешип жакшы эле бүлө сыяктуу элес калтырды эле, көрсө биз жаңылыппыз, жыл айланбай сагызгандан сак, түлкүдөн куу Бабановдон талак алып, ээн талаага талп эле дей түшкөндөй көчөдө калды. Кайран Камчыкең мында да жөн жата албай, алыскы Американы да бир айланып келгенге жетишти. АКШдан анча-мынча акыл топтоп келгенби, айтор белгилүү орустардын "тройкасын" элестеткен трио түзүп, тилинен чаң чыккан, буга чейин белгилүү олигарх Салымбеков менен баш кошуп, парламенттик шайлоодо ала салып кетип, коюлган барьерден өтө албай олигарх менен ажырашып тынган Мадумаровду, коррупцияга шектелип, кызмат абалынан кыянаттык кылып мамлекетке айып пул төлөп, аты-жыты чыкпай, шайлоо алдында ийинден чыккан суурдай кылт этип чыга калган Келдибековду кошуп жаңы дем, жаңы күч менен чыккандай болду эле. Айрымдар көрөгөчтүк кылып, ажо шайлоонун алдында ыркы кетип ыдырашат дешти эле, ошол чын чыкты. Келдибеков туулуп,өскөн Алайга барып, аны Камчыкең коштоп алып калың элдин батасын алып, аламанга аттанаарын жар салды. Бирок негедир үчүнчү звено Мадумаров көрүнбөйт. Ошондо үчилтик тандеми талкаланып, Ташиев Мадумаровду талаага таштап кетти десек жарашат…






Суваналиев Мадумаровду ийге келтире албай жүрөбү?
"Ресупблика-Ата-Журт" партиясынын лидери Өмүрбек Бабановду этектеп, агалык кеңешин айткан болуп, саясий жактан таяныч көрсөткөн болуп жүргөн Өмүрбек Суваналиев президенттик шайлоодо инисин сүрөй турганы маалым болгон. Парламенттик шайлоодо Нарын аймагын көзөмөлдөп, добуш алып берүүгө жан үрөгөн Суваналиев бул жолу да кол куушуруп отурбай, көмөк көрсөтүүгө чындап бел байлаганы байкалды. Жакынкы күндөрдөн бери айрым белгилүү саясатчылар менен жолугушуп, Бабановду колдоого үндөй баштады. Мындай купуя максаты менен Адахан Мадумаровго жолугуп тамырын тартып көрүүгө да далалат кылганы басма сөз булактарында жазылды. Сыягы, ишенген инилери ара жолго таштап, каражаты жок каржалып турган Адаханды өз айлампасына тартуу боюнча Бабановдон тапшырма болгон көрүнөт. Ал вазийпаны Суваналиев өзүнө алып, ишти кечеңдетпей баштагандай… Түштүк аймакта абалы анча эмес Бабанов Мадумаров аркылуу өз позициясын чыңоо аракетин көрүп жаткандай. Тилеги ишке ашаар бекен? Ар кимге алдана берип оозу күйүп калган Мадумаровду ийге келтириш оңой болбосо керек…


Артыков тизелеп кечирим суроого даяр
Депутат Анвар Артыков менен юстиция министри Уран Ахметов Жогорку Кеңештин жыйынында паспортту жана ПИН кодду алмаштырууга ким укуктуу экени тууралуу талашып, кайым айтышып кетишти. Министр Уран Ахметов соттор ПИНди өзгөртүүгө укугу жок экенин айтты. Мындан улам депутат: "Мамлекеттик каттоо кызматы ПИНди соттун чечими менен алмаштырса болоорун айтып жатат, юстиция министри болсо соттордо мындай мүмкүнчүлүк жоктугун билдирди. Мыйзамды экинчи окууга кайра жөнөтүш керек. Билимсиздер менен талкуулагандан эмне? Билимдүү адистерди чакырыш керек", - деп ачууланды.
Министр өз кезегинде анын дарегине билимсиз деген сөздөрдү айтууга депутаттын укугу жок экенин билдирди. Мындай жоопко куйкасы курушкан эл өкүлү: "Ахметовдун сөзү боюнча комиссия түзөлү. Эгерде ошончо билимдүү экениңизди далилдегиңиз келсе стенограмманы караңыз. Эгерде мен туура эмес кылган болсом тизелеп кечирим суроого даярмын", - деп кыйкырды.
Айтмакчы, бул министр боюнча сындар арбын айтылчу болду. Өткөндө дагы КСДП фракциясынын лидери Иса Өмүркулов Уран мырзаны экиге окуган сабатсыз деп тилдеген.

"Ак кеме" мамлекетке иштеши керек
Мамлекет алган насыясынын эсебинен курулган "Ак кеме" мейманканасынын айланасындагы көп жылдан бери токтобой келе жаткан талаш-тартыш, чыр-чатактарга чекит коюлду көрүнөт. Кечээ мейманкананы соттун чечимине ылайык мамлекет өз карамагына алды. "Ак кеме" мейманканасы соттун чечими менен Каржы министрлигинин балансына берилген. Министрлик Мамлекеттик мүлктү башкаруу фондунун балансына быйыл февралда өткөрүп берген.Натыйжада"Ак кеме" жетекчилигине имаратты бошотуу тууралуу бир нече жолу эскертүү берилгенине карабай чечимди аткарбай келишкен. Буга байланыштуу Мүлк фонду укук коргоо органдарынын көмөгү менен мамлекет өз мүлкүн бошотуп алды. Ырасында бул туура чечим болду. Мамлекет өз менчигине өзү ээлик кылууга тийиш.


Министрдин айтканы жүйөлүүбү же депутаттыкыбы?
Жогорку Кеңештин 21-июндагы жалпы жыйынында "Кыргыз Республикасындагы мамлекеттик жөлөк пулдар жөнүндө" мыйзам долбоору үчүнчү окууда кабыл алынды. Анда жаңы төрөлгөн балага 4 миң сом жөлөк пул берилээри жазылган. Ал эми 3 жашка чейинкилерге ай сайын 700 сомдон, үчүнчү баладан баштап 3-16 жашка чейинки балдарга айына 500 сом берилмекчи. Мыйзам 2018-жылдын 1-январынан тарта күчүнө кирет. Мыйзам долбоорун кабыл алууда эл өкүлдөрүнүн ортосунда талаш-тартыш жаралды. Депутат Кенжебек Бокоев мыйзам долбоорунан "аз камсыз болгон үй-бүлө" деген түшүнүк алынып салынганына нааразы болуп, бардык жарандарга жөлөк пул берүү туура эмес экенин, жардамга муктаж үй-бүлөлөргө гана берүү зарылдыгын айтып чыкты. Бирок Социалдык өнүктүрүү министри Таалайкүл Исакунова аз камсыз болгон үй-бүлөлөргө берилүүчү жөлөк пул өзүнүн максатына жетпегенин, учурда жөлөк пулга муктаж эмес адамдар кандайдыр бир жол менен мамлекеттен жардам катары акча алып жатышканына токтолуп: "Эгерде жөлөк пулдар бардыгына бериле турган болсо, коррупциялык элементтер жоюлат", - деп билдирди. Мындай жүйөгө депутаттын ичи чыкпай, "Эгер мурун аз камсыз болгон үй-бүлө 3 баласынан 4-5 миң сом алып келген болсо жаңы мыйзамга ылайык 1 жарым миң сом алып калат, - деп белгилеп, - жөлөк пулду баарына беребиз деп жарды үй-бүлөлөрдүн ырыскысын кыркуу адилетсиздик болот" - деп чыркырады



меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси
Яндекс.Метрика