Кыргыз гезиттеринин жањылыктары •
Кыргыз гезиттери

меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси


Кыргыз гезиттер

Кыш капсалаңы
Кыш ызгаары эмне дейт?

Кыргызстан
Кыштын кыштай болгону жакшы деп коет элибизде. Анысы ырас, ошону менен катар кыш ызгаарынын күтүлбөгөн кокустук, опуртал кырсык, азаптарды алып келип, өз кесепеттерин тийгизип жатканын, айрым жерлерде кычыраган сууктан адамдардын тоңуп өлгөндүгүн айтпай койсок болбос.
Кары калың түшкөн каардуу суукта Аксы районунда тоого мал издеп кеткен бойдон беш адам дарексиз жоголгон. Кийинчерээк эки адамдын сөөгү кар күрткүнүн алдынан табылган. Бул каргашалуу окуя Кашка -Суу айылдык чөлкөмүндөгү Жайык айылынан 25-30 чакырым алыстыктагы Тас-Бел деген аймакта болгон. Дайыны жок кеткендерди ат изи менен издеп барган туугандары аларды кар көчкү алып кеткенине көздөрү жеткен. Көчкүнүн ары-бери жагын карап издештирип жүрүп, атка артып коюучу куржундарды табышкан. Алар тез кайтып келип, кырсык жайын айыл өкмөтүнө айтып, ал жерден Өзгөчө кырдаалдар министрлигине билдиришкен. Эртеси 21 куткаруучу кырсык болгон жерге келген, издөө ишине жүзгө жакын айыл адамдары катышкан.
1975-жылы туулган Айталиев Таалайдын, 1993-жылы туулган Апсалбек уулу Мунарбектин сөөгү табылгандыгын Өзгөчө кырдаалдар министрлиги маалым кылган. Калгандарын дагы издеп табуу аракеттери жүргүзүлүп жатат. Эгер алар "сактанганды кудай сактайт" деп акыл калчап, эртелеп артка кайта беришкенде, балким бул каргашанын алдын алган болушмак.
Ал эми Токтогул районунун Үч-Терек аймагында эки малчынын жүзгө жакын кою кар көчкүнүн астында калган. Өткөндө Чаткал районунда төрт күн бою тынбай жааган кар өзү менен кошо көптөгөн кесепет, түмөн түйшүк алып келген. Аба ырайы жакшырган соң, Ала-Букага кеткен жол тазаланып, ушу кезде абал оңолуп калды.
Өзгөчө кырдаалдар министрлиги кышында жана жазга маал кар көчкү коркунучунан сактануу, алдын алуу чараларын элге түшүндүрүп, эскертип жатат. Кар көчкүдөн октябрдан тартып апрель айына чейин, өзгөчө февраль март айларында (ушу кезде көп түшөт) сак болуш керек.
Нарын облусунда жааган кардын калыңдыгы жарым метрге жеткен. Аба ырайы ушул кезге чейин кургакчыл келип жаан-чачын аз жаагандыктан, кардын калың түшүшүн Теңиртоолуктар кубануу менен тосуп алышкан. Арийне, ал адаттагыдай эле өзү менен кошо толгон түйшүк ала келди. Адегенде эле түмөн түйшүк нарындык жолчуларга түштү. Алардын даярдыктары мыкты болгондуктан Нарын-Казарман, Нарын-Макмал, Нарын-Торугарт жолдорунун өздөрүнө тийиштүү участокторун кардан өз учурунда тазалап турушту. Жолчулардын эмгегине сапарда жүргөндөр ыраазы.
Кыш түшкөн учурдан бери Кыргызстанда 150 адамдын өлүгү көчөдөн, булуң-бурчтан дегендей ар кайсы жерден табылган. Ички иштер министрлигинин билдирүүсү боюнча көчөдөн табылган адамдар ар кандай жагдайда набыт болушкан. Алардын бир тобу суукка тоңуп өлгөндүгү айтылат.
Бишкек шаарында үй-жайы жок адамдардын жылуулук өткөрүүчү түтүктөрдүн астындагы ар кандай коңулдарда күн кечирип келгендиги айтылып келет. Аны элдин баары жакшы билет. Алыс барбай эле Л.Толстой көчөсүнө жакын темир жол боюнан үй- жайы жок жашоо өткөрүп жүргөн адамдарды ар дайым көрүүгө болот. Тагдырдын жазмышына айла жок. Жылуулук өткөрүүчү түтүктөрдүн астында ар кандай коңулча, буйткаларда жашап жүргөндөр бир топ. (Ырас, Кыргызстан боюнча үй-жайы жок адамдар үчүн тогуз түнөк жай ачылган. Алардын үчөө Бишкекте. Бул аздык кылат. Ошондуктан, мындай түнөк жайга жетпей көчөдө жашаган адамдар ондоп саналат). "Башы оорубагандын кудай менен иши жок" дегендей илдет, синдром өзгөчө мобул заманда күч алып тургандай. Адамдык касиетти оп тартып алып турган рынок чемгери, таш боордук менен мерездик чегине жетип кетти деп, таза эле түңүлүп жибергенде болбойт. Таштай муздак мындай терс кайрыктардын апаат мизин кайтарып турган боорукер адамдар бар. Алар бирин - серин болсо да үй-жайсыз адамдарга тамак- аш, кийим-кече жагынан жардам берип турушат.

Америка Кошмо Штаттары
АКШ кайрадан кычыраган аяздын курчоосунда калды. Кар аябагандай калың түштү. Өлкөнүн батышында жашаган америкалыктар кышкы ызгаардын азабын тартышты. Луизианада өзгөчө кырдаал жарыяланды. Кычыраган сууктун айынан адамдар үйүнө чыга албай калышты. Көптөгөн мектептер жабылды. Тү деген түкүрүк жерге түшпөй тоңгон, ит өлтүрөр сууктан улам, үч миңден ашуун авиакаттамдар ишин токтотту.
Машинаны ала салдырган шамалдын күүсүнөн улам, үймөктөлгөн кар тоңголоктору пайда болду. Метеорологдордун муз аралаш жаан жаайт деп айтканынан Техас жана Луизиан штаттарындагы адамдар дагы кандай күнгө кабылабыз деп коркунуч астында жашап жатышат. Штаттарда муз жааган учурлар болуп калат, алдын алып абайлабаса, андан мерт кеткендер да болот. Ошондуктан, ар ким өзүн-өзү сакташы керек.
АКШнын Орто Батышында жашаган эл да кычыраган кыштын запкысын чегип жатышат. Кээ бир штаттардагы мектептерде окутуу токтотулган. Миннесота штатынын айрым райондорунда сууктун күчү 45 градуска жетти. Ызгаар сууктан Канадада газ түтүгү жарылып кетип, газ менен тейлөө үзгүлтүккө учурады. Огайо, Иллинойс жана Пенсильвания штаттарында жашаган эл буюктурган шамал күүсү менен сүрүлүп келип пайда болгон майлуу пирожкиге окшоп калган кар үймөкчөлөрүнө аң-таң болушту.
Якутия
Кычыраган суугу жагынан Якутия эч бир өлкөнү алдыга чыгарбайт. Азыркы кезде бул мамлекетте сууктун күчү 60 градуска жетти. Дагы бир өзгөчөлүгү ызгаар суугун коштоп каптап турган туманы бар. Коюу тумандын айынан Якутияда бир эле маалда 14 автоунаа кагылышып кеткен. Мындай эң чоң автокырсык мурда эч качан болгон эмес.
Токионун көчөлөрүн коюу туман каптап тургандыктан, удаама-удаа жол кырсыктары катталган.
Ызгаар сууктан улам Якутиянын мектептеринин башталгыч класстарынын окуучулары дем алышка таркатылды. Жергиликтүү ооруканаларга үшүккө чалдырган жүздөгөн адамдар келип жатышат. Айрым адамдар үйү суук болгондуктан жана жылуу кийинип жүрүшпөгөндүктөн үшүккө алдырып коюшууда. Өлкөнүн түндүк аймагында сууктун мындан да ыгаардуу болуп
күчөп чыгары күтүлүүдө. Коюу туман жана долу шамал коркунучу да каптап турат.

Англия
Жараткандын буйругу ушул экен. Кыш мезгили экенине карабай, суу ташкыны бул мамлекеттин элинин үшүн алып турат. Бул аймакта жашап жаткандар кийинки 20 жылдан бери суу ташкыны мынчалык көтөрүлбөгөнүн айтып жатышат. Жамгыр адаттагыдан эки эсе көп жаагандыктан өзөн, дарыялар нугунан ашып, ондогон райондорду суу каптап, элдин айласын кетирүүдө.
Ички иштер күчтөрү, армиянын азаматтары суу ташкыны болгон жерлерде өз көмөгүн көрсөтүп жатышат. Бийлик табият кырсыгына каршы бар мүмкүнчүлүктөрдү аракетке келтирүүдө. Көнөктөгөн жамгырдын басылар түрү жок.

Меңдибек Асылбеков






Пикир:

Яндекс.Метрика