Саясий
анекдоттор
Сизден
үйрөнүп жүрбөймүнбү…
Биринчи вице-премьер-министр өкмөт башчысынын иш бөлмөсүнө келип:
- Сизден бир кеңеш сурайын эле - дейт.
- Ии, - деп компоё түшөт премьер-министр.
- Шайлоодо элге чачкан миллиондорубузду кантип чогултуп алабыз? - дептир биринчи вице-премьер-министр.
- Ушуну биттин ичегисине кан куйган сиз билсеңиз керек, сизден үйрөнөйүн деп жүрбөймбү - деген имиш премьер-министр.
Эл жыйнайбыз…
Премьер-министр биринчи вице-премьер-министрден сурап калат:
- Жазында го үрөн себет экенбиз, күзүндө эмне жыйнайбыз?- деп.
- Күзүндө президенттик шайлоого эл жыйнайбыз. - дептир шар эле биринчи вице-премьер-министр.
Кантип эле презерватив деген партия болбосун...
Премьер-министр Москвага визит менен барып калат. Внуково аэропортунан Кыргызстанга жөнөп кетип баратса, бир бизнесмен чуркап келип, кыргыз элине белек катары бир партия презерватив ала кетүүсүн өтүнөт.
- Эмне үчүн?-дейт премьер-министр.- Бир партия презервативдин бизге эмне кереги бар. Биздеги жүздөгөн партиянын ичинде кантип эле презерватив деген партия болбосун.
Ондон бири эле иштейт
Президент аппарат жетекчисин чакырып:
- Биздин аппаратта канча киши иштейт? - деп сурап калат.
- Ондон бири эле иштейт, калгандары тааныш аркылуу кызматка алынгандар.-дептир аппарат жетекчиси.
Жакшы идея…
- Урматтуу Кырманбек Салиевич! Биздин өлкөдөгү тооктор кырыла баштады -дейт айыл чарба министри.
- Эч нерсе эмес ар бир тооктун алдына буудайдын сүрөтүн тартып коюп койгула - дейт.
Бир жумадан кийин айыл чарба министри кайра келет:
- Урматтуу президент! Тооктор дагы эле кырылып атат, эмне кылабыз?- дейт.
- Буудайдын жанына арпанын сүрөтүн тартып койгула - дейт.
Дагы бир жумадан кийин айыл чарба министри кайра келет:
- Урматтуу өкмөт башчысы, баары бир тооктор өлүп атышат - дейт.
- Буудай менен арпанын сүрөтүн алып жүгөрүнүн сүрөтүн тартып койгула - дейт анысы.
Бир жумадан кийин айыл чарба министри келип:
- Урматтуу өлкө башчысы! Бүттү, тооктун баары кырылып бүттү -дейт.
- Ка-ап!- деп премьер-министр аябай өкүнгөн экен - Менде дагы жакшы идеялар бар эмес беле.
Психиатрга кайрыл…
Президент Бакиев иш бөлмөсүндө өтө капалуу отурат. Тыякка тартса тыякка жетпейт, быякка тартса быякка жетпейт. Анысы аз келгенсип, жазында калайык-калк кайрадан көтөрүлөбүз деп турат. Аябай ачуусу келип отурса, иш бөлмөсүнүн эшигин тыкылдатып, кимдир бирөө кирип келип:
- Урматтуу премьер-министр, мен өкмөттө иштейин дедим эле, кимге кайрылсам болот?- деп калат.
- Психиатрга!!!- дептир премьер-министр ачуусу менен.
Албетте, шайлоону…
Премьер-министрден журналисттер сурап калышат:
- Сиз жаңы жылды жакшы көрөсүзбү же шайлоону жакшы көрөсүзбү - деп.
- Албетте, шайлоону -дептир премьер-министр.
- Эмнеге?- деген суроого:
- Бизде жаңы жылга караганда шайлоолор тез-тез болуп турат эмеспи -дептир компоө.
Демократиянын сыры…
- Демократия деген эмне? - деп спикерден сурап калышат.
- Бакиевди кубалап, ордуна бакиевчилерди алып келсек демократия деген мына ушул - дептир спикер.
Азизбек Келдибеков







кыргыз тилиндеги гезит "Форум"