Жанмаанай

Жетелешип чуркайлы


Урр-ре-ее, жаз келди! Күттүргөн жаз да келди. Бүгүн 1-март. Так ушул күнү 5 жыл мурда, тагы­раак айтканда 2007-жылы 1-мартта "Де-фактонун" алгачкы саны чыккан. Ал кыш дагы быйылкыдай суук болчу. Улам жарык өччү эле, кара көзүбүздү кашайтып. Ал аз келгенсип кеңсебиз да суук. Үшүп-тоңуп атып биринчи саныбызды даярдап, анан 1-мартта жаз менен кошо чыга калганбыз "жарк" этип. Мобул сүрөттө 2007-жылкы жаз... "Де-фактонун" биринчи жазы. Ушул арабабызды жасап алып, кудуңдап сүрөткө түшкөнбүз. Үшүп кетип кайра "култ" этип эки бөлмө кеңсебизге кире качтык эле. Андан бери 5 жыл өтүп кетиптир…Өлбөгөн жанга жаз келди. Бакиев жаап салган менен "Де-факто" өлгөн эмес. Элдин эсинде болчу. Ошентип кайра жолуктук. Эми бизге Жаз кошулду.
Келгилечи, жетелешип чуркайлы. Жаз чакырып, көктөм чакырып чуркайлычы.

Чолпон Орозобекова






about | A Free CSS Template by RamblingSoul

1-март, 2012-жыл

Яндекс.Метрика