Кыргыз гезиттер


Warning: include(../../search.htm): failed to open stream: No such file or directory in /var/www/u0658628/data/www/presskg.com/azia_news/13/0815_1.htm on line 73

Warning: include(../../search.htm): failed to open stream: No such file or directory in /var/www/u0658628/data/www/presskg.com/azia_news/13/0815_1.htm on line 73

Warning: include(): Failed opening '../../search.htm' for inclusion (include_path='.:') in /var/www/u0658628/data/www/presskg.com/azia_news/13/0815_1.htm on line 73
п»ї
Күңгөйдүн тескейи
Россияны куралы кимге тийет? Жергиликтүү "манаптаргабы"?
2014-жылы Кыргызстанга Россиянын 1,1 миллиард долларлык аскер техникалары: вертолеттор, жөө аскерлердин күжүрмөн машиналары, күжүрмөн-чалгындоо - дозор машиналары, талаа жана стационардык аскер госпиталдары, ок атуучу куралдар берилиши күтүлүүдө. Натыйжада, Кыргызстан аскердик жагынан Өзбекстан, Казакстан сыяктуу гиганттар менен бир деңгээлге чыгат. Бирок жарандык согушту башынан өткөргөн Тажикстан өз өлкөсүндө аздыр-көптүр тынчтыкты сактап келатса, Кыргызстанда мунун тескериси болууда. Регионалдык "манаптар" катышкан ар бир саясый процесс массалык баш ийбөөчүлүккө айланып кетет.
Эгер окуя ушул нукта уланчу болсо, чет элдик кен пайдалануучулардын экспансиясы ички ыйкы-тыйкылыктар менен кошул-ташыл болуп, Кыргызстанга берилген Россиянын курал-жарактары белгисиз бирөөлөрдүн колуна тийип калышы мүмкүн. Козголоңдордун, төңкөрүштөрдүн учурунда жоокерлерден, милиционерлерден тартып алынган көп сандагы ок атуучу куралдар азыр ээн-эркин пайдаланылууда. Криминалдык сводкаларга караганда, бул куралдар көбүн эсе элет жеринен чыгууда. Ошентип, ансыз деле куралданган элет жакында дагы кошумча курал-жаракка ээ болушу мүмкүн. Кыргызстандын чек ара кызматынын башчысы Токон Мамытовдун айтымында, Россия берген курал-жарак биринчи кезекте чек арачыларга, башкача айтканда, региондорго берилет.
Эгер кыргыз истеблишментиндеги кытай лоббиси элеттен чыккан саясатчыларга таянарын эске алсак, Россиянын куралы дал чек ара райондорундагы "княздардын" колуна тийет. Алар: мамлекет башчынын буйруктарын аткаруудан баш тарткан Оштун мэри Мелис Мырзакматов, мамлекеттик төңкөрүш жасоого аракет кылган жалалабаддык Камчыбек Ташиев...
Москва Орто Азияга көзөмөлдүктү кайра орнотууга аракет кылууда. Бирок, КМШнын түштүк параметри боюнча куралданган буфердик зонаны куруу менен ал Бишкекке баш ийбеген, кытайдын экономикалык машинасы тарабынан багылып, Россиянын курал-жарагы менен корголгон, өзүнүн кен байлыктары бар жергиликтүү хандардын партиясына ээ болушу мүмкүн.
Павел Громский




Жакшынын кызы...
Эльдана Сатыбалдиева:
"Мен гитара чертем, атам ырдайт"
КРнын мурунку Башпрокурору Элмурза Сатыбалдиев уул, кыздары менен сыймыктанса болот. Буга чейин Эльзар Орус-славян университетинин юрфагынын бюджетине, Эльхан Шотландия мамлекетинде Европада белгилүү Эдинбург университетинде окуп атканын билчүбүз. Эми кызы Эльдана быйыл түрк лицейин аяктап, Малайзия өлкөсүнө окууга тапшырыптыр. Абитуриент кыз менен уядан учаар маалында кичине баарлаштык.


-Эльдана Түрк лицейин бүттүң, азыр кайсы окууга тапшырдың?
-Малайзия өлкөсүнүн борбору Куала-Лумпурда дүйнөгө белгилүү болгон Ю Си Ти Ай U.C.T.I (A.P.U) университетине тапшырдым.
-Кайсы факультетине?
-А жерде мындай, студенттерге биринчи жылы жалпы багытта билим берет, кийинки жылы болсо, тандап алган факультетиңден окуй баштайсың. Мен маркетолог жагына барам.
-Бул окуу жайын кайдан билип тапшырып калдың?
-Бишкекте World of Education ушундай аталышта компания бар экен. Аны мен интернет булагынан таап алдым. Компания Куала-Лумпурдагы университет менен биргеликте атайын кыргызстандык окуучуларга сынак жарыялап атканын билип, капыстан эле катышып, сынакты жеңип алдым.
(Уландысы 15-бетте)







Warning: include(../../ggle_v.htm): failed to open stream: No such file or directory in /var/www/u0658628/data/www/presskg.com/azia_news/13/0815_1.htm on line 133

Warning: include(../../ggle_v.htm): failed to open stream: No such file or directory in /var/www/u0658628/data/www/presskg.com/azia_news/13/0815_1.htm on line 133

Warning: include(): Failed opening '../../ggle_v.htm' for inclusion (include_path='.:') in /var/www/u0658628/data/www/presskg.com/azia_news/13/0815_1.htm on line 133

а ­е¦Є.НҐй«