Кыргыз гезиттер

п»ї
"Zaman Кыргызстан", 17-май, 2013-ж.


"Алиби", 17-май, 2013-ж.


"Кыргыз Туусу", 17-май, 2013-ж.


"Учур", 16-май, 2013-ж.


"Полит Клиника", 16-май, 2013-ж.


Ток этери
Бүгүн бийликке Азиздей жигиттер зарыл...
Эң оболу, "саясатчы болом" деген адам өзү туулуп-өскөн жеринде кадыр-баркка ээ болуп, андан соң республикалык масштабдагы деңгээлге чыкса болот. Бу жаатынан алганда, палван курактагы Азиз Турсунбаев Ала-Бука, Чаткал аймагынан эки ирет депутаттык мандатка ээ болуп, элдин таразасынан өткөнү белгилүү. Оор кырдаалдарда эл өкүлдүк кызматты аркалаганын тана албайбыз. Кийин Жогорку Кеңештин вице-спикери болду, андан соң карапайым калктын суранычы менен Жалал-Абад облусуна губернатор болуп, эсиңерде болсо, президенттик шайлоодо Азиз мырза эң калыс облустук жетекчи катары иштермандыгын көрсөткөн. Адилеттүүлүктү туу тутканычы? Ал административдик ресурска жамынуу менен кайсы бир талапкердин этегине намаз окуган эмес. "Элдин каалоосу менен шайлоо өтсүн" деген принципти сактаган. Эми ушундай адилеттүү кадрды Чүй облусуна апкелип, губернатор кылып койсо ажо Атамбаевдин бир жери кемип калмак беле? Дегинкиси, азыркы Айбек эргул үч жылдан бери Чүйдү башкарымыш этип өзү да, ажону дагы, анан элди да уят кылды. Жетишет эми. Түштүктүн да Азиздей мыкты жигиттерин бүгүн көтөрбөсөк, эртең өкүнүп калабыз. Себеби, учурунда мыктыларды баалап, көтөрмөлөгөнгө мезгил келди. А негизи А.Турсунбаев кызмат үчүн суранбайт, бийлик андан сураныш керек. Эгер Акүйдөгүлөрдүн акылы болсо, келечек саясатты ойлосо...

Кубат Карачев




Коңгуроо какты
61 абитуриентке өзгөчө белгидеги аттестат тапшырылды
Эки күн мурун ордо калаабыздын мектептеринде билим алып өзгөчө белгидеги аттестатка ээ болгон окуучуларга шаар мэри Иса Өмүркулов өз колу менен алтын медалды жана аны тастыктаган аттестатты тапшырды. Мындай сый-урматка №63 гимназиянын окуучусу Саадат Таласбаева да татыды.

Иса Өмүркулов, Бишкек шаарынын мэри:
"Алдыга койгон максатыңар орундалсын!"
-Урматтуу бүтүрүүчүлөр, мугалимдер, ата-энелер, мектепте окуган жылдары сиздер чоң жана кызыктуу жолду басып өттүңүздөр, ал жылдары көп нерсени таанып билдиңиздер, алгачкы ийгиликтер, достошуунун да жылдары болду. Силер менен дайыма кубансаңар бирге кубанып, кыйынчылыктарды жеңүүгө жардамдарын берип силер үчүн камкордук көрүп мугалимдериңер чогуу жүрдү. Мектеп жөн гана билим бербестен, окуучуну адам катары да калыптандырат. Силер шаарыбыздын мектептеринен эң жогорку сапаттагы билим алдыңар. Мугалимдер силерге билим берүү менен бирге элибиздин тарыхын, маданиятын, мекенибизди сүйүүгө үйрөттү. Шаарыбыздын мугалимдерине талыкпаган, баа жеткис эмгектери үчүн терең ыраазычылык билдирем.
Урматтуу бүтүрүүчүлөр! Он бир жыл мурда мектептин босогосун алгачкы жолу аттап, билимдин ачкычын колуңарга алгансыңар. Ал эми бүгүн сыймыктуу ордуңарды билимге суусаган бөбөктөргө тапшырып отурасыңар. Мектеп силерди жогорку окуу жайлардан билим алууну улантууга даярдады.










??.??