 |
 |
|
|
Кайрылуу каттары жана келген каттар:
Жаштар үнү Кыргыз эли абалтан демократ, кеп төркүнүнө баа бере билген калыс сөзү менен канды да кепке жыгып келген эл. Бүгүн кабыргасы кайышып, зээни кейип, жаны ачып, үрөйү учуп турган чак. Коомдун эң негизги түзүүчү күчү жаштар. Мамлектибизде бир нече жылдан бери мекенчил жаштар арасында иш алып бараткан, "Ак-Шумкар КУТ" жаштар коомдук бирикмесинин кеңсесинде болуп, айрым өкүлдөрү менен баарлашкан элек. 0543 92-47-32, 0777 34-93-53 Жашоо мектеби жаштарга эмне тартуулай алды же коомду күзгү сыртынан караганда? Коомдун жаралуу катмарын көчүрмө мыйзамдар коргой албайт дегенге кандай карасак болот? Учурда убактылуу бийликке кандай сунуштарыңар бар? Айбек Бузурманкулов "Ак -Шумкар КУТ"- коомдук жаштар бирикмесинин төрөгасы Турмушубуздун бүгүңкү акыбалына калкыбыздын дээрлик көбү нааразы. Дүйнө жүзү күчүнө кирген каржы, азык-түлүк эң негизгиси рухий кризиске чөгүп баратат. Абалдан чыгуунун жолун издеп жан алакетке түшкөн башка мамлекет башындагыларын көрүп туруп суктанасың. Биздечи, бийлик өктөмдөрү элине кам көрбөй тар чөйрөнүн жыргалчылыгына гана калып жатканынан , коомчулуктун нааразычылыгы күчөп, кыргыз мамлекети кыйроо чегине жетти. Орун алмаштырганы менен, ачкөздүк оорусунан арылып кете албай, кеч болсо да, ким ким экенин аңдап, таанып билүүгө убакыт жетти. Кыргыз улуту жок болуп кетсе, ачуу чындыкты айтуу кимге кереги бар. Инжил ыйык китебинде минтип жазылган сөз бар экен "Адамзатты кыянаттан Манас элинин урпактары сактап калат" деп. Бул жөн гана ой божомол эмес көрүнөт. 7-8 апрелдеги атпай журтубуздун албууттанган жалыны бүгүнкү күнгө дейре, басылбай келет. Ошол эле учурда, кыргызга дагы да болсо кыргыз жаштары күйүп-жанып, Чолпонбай экендигин далилдеп беришти. Элдин эркиндиги үчүн, шейит кеткен боордошторубуздун эрдигине таазим этүү шарты менен 17-апрель күнү "Супара" кыргыз айылында куран окутуу иш чарасын өткөрдүк. Кыргыз мамлекеттин жаркын келечеги үчүн октон коркпой, отко күйүп, баатырларча курман болгон азаматтарыбыздын тилегин, үмүтүн актоо, кыргыз жаштарынын колунда. Кыргыз оңолбоюн Кыргыз мамлекети оңолбойт. Мамлекеттик идеология: Улуттун наркы, салты, тили, дили, духу, рухуна малынып, кыргыз элин бакубат бай турмушка жеткизүүгө багытталыш керек. Уламдан-улам, оңдолуп, түзөлүп жаткан баш мыйзамдар, Президентти, өкмөттү, Жогорку Кеңешти, Жерге келген кудайдын элчилерине теңеп түзүлгөн. Мына ошол себептен бийлик өкүлдөрү, эч кимдин алдында жооп бербешин билип алышып, өлкөнү тоноого киришкен. Батыштын кеңешчилеринин кийлигишүүсү менен орус тилинде жазылып, кыргыз тилине сандаган каталары менен которулуп, баш мыйзам кыргыз улутун кыйроого, элин тентитип жок кылууга, кыргызды-кыргызга тукурууга алып келгени, бүгүн элге ачык даана көрүнүп турат. Элибиз кайсы гана жолду тандабасын жаңы башкаруунун алдында турат. Мына ушул мезгилде элдик көзөмөл түзүлүп, журт башына ыймандуу, сөзү калыс, туугандан алыс, элинин наркын, тарыхын билген, эл сыймыгына ээ болгон жаңы жаш мекендештерибизди тандап алсак. Борборубуздагы "Манас" кино театрын жаштар борборуна айландыруу максатыбыз орундалса, келечек ээлерин "Ак-Шумкар КУТ" коомдук жаштар бирикмеси, тилектеш-максатташ, ниеттеш болуп биригүүгө чакырабыз. Кубат Чаргынов "Ак Шумкар КУТ" жаштар бирикмесинин мүчөсү Адамзат тарыхы тынымсыз күрөш менен жүрүп отурат. Жер Ааламда революциялык таймаш, саясий социалдык маселеден тарта техникалык жетишкен прогреске чейин аны турмуш өзү тастыктап берди. Кыргыз мамлекети бир эмес үч трагедияны баштан өткөзүп олтурат. 2001-жылы Үзөнгү-Кууш үчүн Аксынын алты баласы бийликтин курмандыгы болду. Экинчиси, 2005-жылдын мартындагы окуя, үчүнчүсү 7-8 апрелдеги 85 атуулдун дүйнө салышы эл барын ишке ашырды. Эркиндик кеңдик үчүн күрөштү. Жаңы адам такка отурган сайын баш мыйзам элдик, эл турмушун жакшыртууга түзүлүп, иш жүзүнө келгенде анын бири жок. Элдик нааразылык толкундоолорго жол ачып берди. Айтып кое турган нерсе бул үч революциянын кыймылдаткыз күчү жалпы кыргыз эли болсо ал эми ошол революцияда эки бийликке ичи чыкпаган оппозиция бүгүн убактылуу өкмөт башчылары болушту. Мында, чындап элдик бийлик орнойбу, же дагы бир анбициясы күчтүү тың чыкмага кыргыз эли, көз каранды болуп калабы деген коркунуч бар. Элибиз мындан өткөн кордукту көрүүгө чыдамы жетпейт. Кайталанма жашоого ынана албайт. Ар бир элдин өздүк идеология, менталитети бар. Качан гана баш мыйзам ушул экөөнө ыктап, бир жан , бир денедей түзүлүп, ишке ашырылса кыргыз эли өз жолун табат. Чыныгы мамлекет түзүү Конституция туура иштегени менен бекемделет. Ал Конституциябыз биздин башат Манасыбызда бар. Аткаруу бул адамдын акыйкаты. Айбек Саипов орун басар Бийликке баш оту менен жашынган Бакиев өлкөнү кандап, эл жүрөгүн жаралап чыгып кетти. Аны да жок кылуу оңой олтоң болбоду. Кагылайын элим деп, эл атына жалынып, куру сөз сүйлөгөндөн тажадык. Эл башына ким келбесин, бал тилин эмизип, элди эзип бүттү. Өлкөнүн буттан туруп кетээрине ар бир муун салымын кошуп, жапырт аракеттенишибиз керек. Ана оңолот, мына оңолот Европа кредит берди, Америка гранд берди деп жүрүп, мамлекетибиз жоголуп кетүү коркунучуна такалып калганын эч бир жан сезген жок. Ата-Журт элдин алдында кырчындай жаштарыбыз өмүрлөрүн кыйды, элинин алдында. Ала-Тоонун алдында аруу тилектери эл, мекен менен бирге экендигин көрсөтүштү. Биз бул тарыхты ар дайым сыймыктанып, ар намыстын үлгүсү катары аркадагы жаш муундарга айта жүрүшүбүз керек. Бүгүн кыргыз элине түпкү каада-салт, үрп-адат, тилин, тарыхын аздектеген, каны таза жан, көзү тунук кыргыз келсе, кыргыз бат эле турмуш шартын оңдоп кетет. Көп эле учурлар болуп жатат, азыр каржы министрдин милдетин аткаруучу "Ак Шумкар" партиясы менен биздин "Ак Шумкар КУТ" жаштар бирикмесин чаташтырып келишет. Биз эки бөлөк ой максаттабыз. партялык түзүлүштө айрым нерселер чектелген жана партия мүчөлөрүнүн тегерегинде гана иш алып баруу биздин максат. Кандай гана муун болбосун, ага кыргыз элинин эскертип нукура кыргыз салтын тутунуп жашоо табият сырлары эсептешип аны кыргыз жашоосуна колдонуп дүнүйө аалам жараткандын түзүп берген жолу менен жашоо өткөрүү. Мирхамит Токтогулов "Ак-Шумкар КУТ" жаштар коомдук бирикмесинин төрөгасынын орун басары Ушул күнгө чейин жасалма, элдин башын айландырып, башка бир элдин көзөмөлүндө түзүлүп келген башкаруу системасы, Кыргыз-элинин жан-дүйнөсүн бурмалап, кайратын кайтарып мертинте албастыгын, турмуш өзү тастыктап койду. Эгемендик алгандан тарта , ооз көптүрүп деле мактанаарлык сүйлөй албай турабыз. Акаевдик, Бакиевдик башкаруу бийлигинин элге, кыргыз деген мамлекеттин баш көтөрүүсүнө, бакубат жашоосуна өз жемишин бере албагандыгын, эч бир жан түшүнө албай турат. Мунун башкы себеби катары, мамлекетте улуттун жүзүн, рухун көтөрүүчү мыйзам иштеген жок. Тескерисинче кыргызды басмырлаган, чүнчүткөн, улуу эл экендигине үңүлө карабаган, ата-тегибиздин рухтарына, жер ээлерине, кыргыздын нукура нарк насилине таянбаган көчүрмө мыйзам иштеп , эл башына мүшкүл иш түшүп, келечектин оттой жанын тиктеген эр азамат жаштарыбызды жоготуп отурабыз. Кыргыз элинин көкүрөк туюмундагы эңсөөсүн, бийиктигин, улуулугун эл башындагылар барктай-баалай алышпады. Дүйнөлүк философияларды издеп, ал батыш философиялары улуттун түбүнө жетүүчү ой-божомолдор экенин аңдай алышпагандыгында. Өсүп-өнүгүп кеткен башка мамлекеттердин башат мыйзамдары өздөрүнө ылайык чакан түзүлгөн. Кезинде дүнүйөнү дүңгүрөткөн Манастын урпактарына, алардын жашоо мыйзамы төп келбегендиктеп, элди кысып, төбөбүздө ата-тегибиз кыжырданып, ушул жазага туш болуп турабыз. Кыргыз жан дүйнөсү кең, келечегин көрүп турат. Сөз кыргыз элинин башкы рухий дөөлөт, мурастарында жатат. Ата-бабалар калтырган изги жолго түшмөйүнчө, кыргыз, кыргыз болуп баш көтөрө албайт көрүнөбүз. Алдыбыздагы эң биринчи милдетибиз, кыргыз элинин, нурдан, күндөн келген эл экендигин даңазалап, жан-дүйнөсүндөгү табигый мыйзамын түптөп берүү шарт. Антпесе кыргыздын каны бир козголду, эми аяр мамиле керек. Тектен келе жаткан ички, улуу мыйзамыбыз түзүлмөйүн, шарттуу элге айланбайбыз. Убактылуу өкмөт курамына келген, эл башчы таанылган ага-эжекелебизди сыйлайбыз, колдошубуз керек. Ошол эле мезгилде жалпы элдин, жаштардын сунуштарын эске алышса, тарыхты кайрадан кайталап, эл башына караң күн түшпөсө экен дейбиз. Бардык нерсени убакыт дарылап, ордуна коет. Ачып көздү жумганча алты ай өтөт. Туруктуу бийликтин башына, улуттун улуулугун касиет кереметин, кайып сырларын ачып, нарк-насилин улуттук идеологияны туу тутунган, аркы же берки бийлик менен табакташ, сабакташ болбогон жаш атуул келсе деген тилектерибиз орундалса. Бардык мекендеш жаштарды оңду-солду бириктирип, кыргыз деген атты жоготпостон сактап келген Манас атабыздын жети осуятынын алдында биригүүгө чакырат элем. Турат Акимканов "Ак Шумкар КУТ" мүчөсү Ысык-Көл облусу боюнча координатор Кыргыз элинин улут катары сактап калуу жана дүйнө элине адамдык мыйзамыбыз менен мисал болуу максатында жаштар бирикмесине кошулуп иштеп келе жатабыз. Эң эле өксүткөн жери, биздин мамлекетте жаштарга мамлекеттик көз карашта маани берилип, колдоого алымбаганында. Бүгүнкү турмуш чындыгы, ар бир инсандын өз жан дүйнөсүнө төңкөрүш жасап, актык-караны, бийикти- төмөндү ажырата билип, келечекке ишенимдүү кадам таштоосун талап кылууда. Алгачкы кадам кыргыз баласы өзү баш болуп, элин биримдикке үндөп жана анын ынтымагын чыңдоого багыттанса, анын сөзү угумдуу, жагымдуу болуп элине таасирин бере алат. Биздин жаштар бирикмесинин беш жылдан бери жүргүзүлүп келе жаткан иш багыттары бардык жагынан кыргыз жаштарынын бардык талаптарына жооп бере алат. Борборубуздагы жана облус райондордогу жогорку окуу жайларында "Кыргыз таануу" маек талкууларын жигердүү уюштуруп түшүндүрүү иштерин жүргүзүп, алгылыктуу ийгиликтерге жетишип келе жатабыз. Мамлекеттин өсүп өнүгүүсү улуттук баалулуктарга негизделиш керек деп биздин мударис агайыбыз Кусейин Исаев ар бир сөзүндө кайталап келет. Өнүккөн айрым өлкөлөр өз элинин ички менталитетине таянып, мыйзам бекитип аны ишке ашырып, жакшы жашашат. Биз Кыргыз улутунун рух дөөлөтүн сактап калаар аракеттердин көп жактарын сунуштап келебиз. Биздин "Кыргыз таану" аталыштагы маек-талкууларыбыз, элибиздин макал-лакап, түпкү тамырын, элден чыккан акылман, даанышман көрбөй туруп көсөп айткан олуяларыбыздын, сөздөрү жаштардын, ой жүгүртүүсүнө сүйлөө маданиятына, дүйнө таанымына жан-туюмунун ачылышына, билим-илим деңгеелин жогорулатууга табылгыс кенч болооруна көзүм жетип отурат. Азыркы жан -дүйнө кризиси күчөгөн убакта, бир эле үй бүлөөдө, ар түрдүү багытта талаш-тартыштар, бөлүнүүлөр пайда болуп келет. Эмне себептен эл көтөрүлүп жатат. Мунун себебин биз экономикалык багытка такап койдук. Анын башкы себеби катары " улуттун уңгулуу мыйзамы" элге кызмат кылбагандыктан деп кароого болот. Ар бир доордун, кылымдын табияты мыйзамы болот экен. Ошондуктан эң биринчи адам жан сезиминде жан дүйнө төңкөрүшүн жасайын, бир ынтымакка, бир өзөккө келмейин бири-бирине кылымды кыйышпас кайра бул жашоого кайрылып келбесин түшүнмөйүн кыргыз улуттун, кыргыз элин, кыргыз жерин сактап калуу кыйынга турчудай. Ар бир жаш муун өз абийири менен, намыс ары менен өз келечегине умтулса албетте жыйынтык чыгат. Максат Казабаев "Ак Шумкар КУТ" жаштар бирикмесинин мүчөсү Бу жарыктыкка ар бир инсан өз вазипасын аткаруу үчүн келээри бышык. Бири окумуштуу, бири технолог дегендей. Тагдыр мага улуулардан калган, кыргыз салттуу жөрөлгөлөрүн буйурса керек. "Ак Шумкар КУТ" жаштар бирикмесинин жаштар бирикмесинин иш пландары менен таанышкан күндөн баштап чогуу келатам. Ушул жерден айткым келип турат, совет доору дейбизби, өткөөл мезгил дейбизби биз кыргыз экенинбизди тааныбай өстүк. Нукура кыргыз тарыхына каныгып, кыргыз өнөрлөрүн улагандарды аз жоолуктурдук десем болот. Нечендеген улуу инсандарыбыздын өнөр сандыктары элге жайылтылып келет. Мунун башкы себептери телерадиолор элдики болбогондуктан баш айланткан маалымат айдыңдары бир эки дежурный кишини таап алат да анын тегерегинде ушак жүргүзө беришет. Ата журтубуздагы бүгүнкү абал курчуп турушуна да эң негизги себептер ушулар. Бала кезден көп ойлончумун, тагдыр мени мекенчил болосуң деп Манас атамдын таберик намысын коргоого салды окшойт. Бир гана мен эмес, кечээ кыргыз эли үчүн ок алдында набыт болгондорду да, ошол таберик улуу күч тарбиялап келгендигине ишенем жана түбөлүк ысымына таазим этем. Биз "эл бийлиги" аттуу улуу муундардын арасында иш алып барууга ынандык. Себеби алардын арасында жашы алтымыштан ашып калса да эл, жер, мекен, улут, кыргыз деп жалындаган аксакал, агаларыбыз бар. Мамлекет үй бүлөөңдүн борбору бардык нерсе жараткандан буйруп тургандыгын мамлекет башчылары сезиш керек. Болоору болду, боесу канды, бирок кыргыз эсине келип, акыл токтото элек, убактылуу өкмөт келди. Дагы да кыргыз эли алардан жакшылыкты күтүп турат. Даярдаган Назгүл ЭСЕНБАЙ кызы
WebMoney кошелек: Z189154646502 R429713653063
Тагыраак көрсөткүчтөрдү Кыргыз Улуттук Банкынан табасыз: биерде >> Макала, чыгарма, жарнама...
Алия Бактыбек:
Алия Бактыбек:
Алия Тонова:
Жамалбек Ырсалиев:
Пресс-служба Ассоциации "Дордой":
Жамиля ОРМУШЕВА:
Асылкан ШАЙНАЗАРОВА: Кармыштегин Макелек Өмүрбай уулу, профессор...
Нуркулов Канат, журналист... Айбек Усенов
Баймуратова Нурила...
Мелис Эшимканов...
Кабул Юлдашев:
Министрликтин жообу:
Турсунали Толомушов:
Асыран Айдаралиев:
подполковник Т.Сусунбаев:
Жумаш Назаров:
Турсунали Толомушов:
Майрам АКАЕВА...
Академик Аскар АКАЕВ...
Академик Аскар АКАЕВге...:
Aidai Masylkanova:
Кыргыз атуулу:
Аскар Акаев:
Кабыл Шабданов
Алексей Рощин
Назаралиев Ж.
Турсунбай Бакир уулу
Назаралиев Ж.
|
|
|
| |||||||||||||||||