Кыргыз гезиттер

п»ї
Ашулляны "ийлеген",
"Анжыян полька" бийлеген
Төрөбай Зулпукаров
Учурдагы президент Алмазбек Атамбаевдин айланасында таасирдүү фигурага айланган Төрөбай Зулпукаровдун кичи мекени Ноокат районундагы Кара-Таш айылы. Бул айыл округу Ноокаттагы эң кичине округ болгондуктан, Жогорку Кеңешке, жергиликтүү кеңештерге жана Ноокат районунун акимдигине, Ноокат шаарынын мэрлигине, айыл өкмөттөрдүн башчылыгына шайлоо болгондо, КСДПнын саясатын ал жерде толук кандуу жүргүзүү чындап эле оорчулук жаратаары бышык. Албетте, Төрөбай Закирович КСДПнын алдыңкы адамдарынын бири болгондуктан, өзүнүн таасиринен айрылбашы үчүн жогорудагыдай шайлоолордо көп улуттуу, 250 миңге чукул калкы бар Ноокатты алаканына мыкчып, өз адамдарын бийлик башына дайындап тургусу келет. Мына ушул "маанилүү" маселени өз пайдасына чечүүнү көздөгөн Төрөбай Зулпукаров учурда Ноокат районундагы таасирдүү өзбек лидерлерин өз карамагына топтоп жаткан чагы. Себеби, өзбектер Ноокаттын 30 пайыздан ашыгын, ал эми райборбор Ноокат шаарынын калкынын 90 пайызын түзүшөт. Ошондуктан, районго таасирин арттыргысы келген Зулпукаров Шавхат Гапаров баштаган өзбек лидерлери менен тыгыз кызматташып, коюн-колтук алышып жаткан учуру. Ошко күн ара каттаган ЖКнын төрага орун басары Төрөбай Зулпукаровду түштүк борборго барган сайын аэропорттон Шавхат Гапаров өзү тосуп алып турганы эмнени каңкуулайт? Же Төрөбай Зулпукаровду тосуп чыкчу кыргыз калбай калганбы?
Жакында эле Ноокат РИИБинин начальниги болуп Мурат Боронов аттуу жигит дайындалды. Бул жигит дагы Төрөбай Зулпукаровдун кадры. Учурда Ноокатта кылмыш кылган өзбек улутундагы жарандар эч кыйынчылыксыз тез эле убактылуу кармоочу жайдан бошонуп кетип жатышканын тастыктап берчү күбөлөр жетиштүү. Анан калса, Төрөбай мырза Ноокаттагы иш-чараларда бир катар жыйналыштарды, өзбектердин таасирдүү лидерлери менен жолугушууларды так ошол Мурат Боронов жетектеген РИИБдин имаратында өткөргөнү дагы көп нерседен кабар берип турбайбы. Булардын иштөө ыкмасы мындай экен: Эгерде өзбек улутундагы адамдардын бири кылмыш жасап, Ноокат РИИБине түшүп калса, алар өздөрүнүн лидерлери Шавхат Гапаровго даттанышат. Шавхат мырза дароо Төрөбай Зулпукаровго телефон чалат. Ал эми Төрөбай мырза Ноокаттагы Кара-Таш айыл кеңешинин депутаты болуп иштеген бир тууган иниси Нурлан Зулпукаровго айтып, Нурлан мырза агасынын "салам-дубайын" РИИБ башчысы Мурат Бороновго жеткирет экен. Мына ушул ыкма менен тез эле кылмыш жоопкерчилигинен бошонуп кетип жатышкан өзбек улутундагылар жергиликтүү кыргыздарга кыр көрсөтүп, баягы 2010-жылдын июнь окуясына чейинкидей "настройго" өтө башташты.




Урматтуу окурман! "Алиби" гезити мындан ары ар жуманын шаршемби күнү түшкү саат 12. 00дөн 13. 00гө чейин эл көзүндөгү саясатчы, коомдук ишмерлер менен түз байланыш өткөрөт. Келээрки шаршемби күнү 8-майда Бишкек шаарынын мэри Иса Өмүркуловду редакциябыздын төрүнө чакырып, окурман журту менен түз байланыш өткөрөлү деп жатабыз. Шаар турмушуна байланышкан көйгөйлүү суроолоруңар болсо редакцияга түз чалып, мэрдин өз оозунан жооп алсаңыздар болот.
Байланыш телефону: 31-29-49












??.??