кыргыз тилиндеги гезит "Алиби"


Warning: include(../../search.htm): failed to open stream: No such file or directory in /var/www/u0658628/data/www/presskg.com/alibi/13/0201_1.htm on line 79

Warning: include(../../search.htm): failed to open stream: No such file or directory in /var/www/u0658628/data/www/presskg.com/alibi/13/0201_1.htm on line 79

Warning: include(): Failed opening '../../search.htm' for inclusion (include_path='.:') in /var/www/u0658628/data/www/presskg.com/alibi/13/0201_1.htm on line 79
п»ї
КТРКнын оозу менен сүйлөгөн бийлик
Кубат Оторбаев жетектеген КТРК "Кыштын кыраан чилдесинде Нарын дайрасында үйөр жүрүп, суунун ылайланышы "Кумтөр" алтын кен комбинатынын иштеткен уулуу заттарынын кесепетиби же башка себеби барбы?" деп суроону кабыргасынан койду. "Кумтөр" маселесин күн тартибине койгон КТРКга "бали" дебеске айла жок. "Минтип кычыраган кыш чилдесиндеги табияттын кубулушу теңиртоолуктарды кооптондурууда. Негедир, табияттын мындай кубулушуна жергиликтүү бийлик тарабынан эч кандай маани берилген жок. Дарыянын башынын булганышынын себеби эмнеде?" дейт коомдук канал. Нарын дарыясынын көтөрүлүшү менен гидрометеорология имараттарына да зыян келген.

КТРК тарабынан кооптуу суроо коюлушу жүйөлүү. Анткени, дайранын Чоң Нарын тарабында муз тоң бойдон жатса, Жети-Өгүз жагында үйөр жүрүп, суу булганган. Көптү көргөн карыялардын айтымында, кычыраган кыш чилдесинде Нарын дайрасында эч качан үйөр жүргөн эмес. Нарындын Таш-Башат айылынын тургуну Аятбүбү Касмалиева коомдук каналга: "Азыр жаз мезгили эмес.. кокту-колоттон суулар ташып жатат. Суунун ылайланып ага турган убагы эмес " деген пикирин билдирген экен. КТРКнын айтымында, жергиликтүү эл "Кумтөр" алтын комбинатынан күмөн санап жатышыптыр.
Коомдук канал "Нарын дайрасындагы бул көрүнүш чындап эле "Кумтөр" алтын кен комбинатынын иштеткен уулуу заттарынын кесепетиби же табияттын бир кубулушубу, бул лабораториялык изилдөөлөрдөн кийин белгилүү болот" деп, жыландын башын кылтыйтып койду. Бул жөн жеринен эмес. Бийлик ар дайым КТРКнын оозу менен сүйлөп келген. Минтип, билмексенге салып, КТРКнын "Кумтөрдү" жөөлөп турганы баягы эле бийликтин былгытма оюну экени айтпаса да түшүнүктүү. Бийлик андай эле акыйкат болсо, эки жүздүү саясат кылбаса, анда эмнеге "Кумтөр" маселесин көтөрүп чыккан депутат Садыр Жапаровго айып тагып, ишин сотко ашырып жатат? Бийлик өзү "Кумтөр" маселесин көтөрсө туура да, депутат Жапаров көтөрүп чыкса, бул кылмыш болуп калабы? Бул эмне деген алкеш-чалкеш саясат? Ушундан эле бийликтин ким экени көрүнүп туру, мүмкүн бул жолу да азыркы бийлик "Кумтөрдөн" пайда көрүп калууну эңсеп жатабы, аны убакыт көрсөтөт? Эгер, бийлик чындап эле "Кумтөргө" күйсө, анда Жапаровго окшогон мамлекеттин, элдин кызыкчылыгын ойлогон жигиттер темир тордун артында акыйкат күтүп отурмак эмес.







Warning: include(../../ggle_v.htm): failed to open stream: No such file or directory in /var/www/u0658628/data/www/presskg.com/alibi/13/0201_1.htm on line 127

Warning: include(../../ggle_v.htm): failed to open stream: No such file or directory in /var/www/u0658628/data/www/presskg.com/alibi/13/0201_1.htm on line 127

Warning: include(): Failed opening '../../ggle_v.htm' for inclusion (include_path='.:') in /var/www/u0658628/data/www/presskg.com/alibi/13/0201_1.htm on line 127


а ­е¦Є.НҐй«