"Акыйкатчы (Омбудсмен)" - кыргызча гезит
email • архив • редакция 
август, 2010-ж.:
1-бет
Улутубуздун жүзүн ачкан улуу күнүңүз кут болсун!
2-бет
"Жолугушуулар көп болду"
3-бет
Урмат Барыктабасов боюнча
КР Акыйкатчысынын(Омбудсменинин)
Билдирүүсү

4-бет
КАЙРА ЖАРАЛУУБУЗДУН БАШАТЫ
5-бет
Камактагылардын убалы кимге?!
6-бет
Мозоли должны быть на руках,а не на языке
7-бет
Права абитуриентов под зорким оком правозащитников.
8-бет
Сандан санга


п»ї

Улутубуздун жүзүн ачкан улуу күнүңүз кут болсун!
Урматтуу Роза Исаковна!
Сизди Эгемен мамлекетибиздин Президентин өлкөбүзгө жетекчилик кылуу жооптуу кызматын аркалоого келген учуруңуздагы улутубуздун жүзүн ачкан улуу күнүңүз - кутман курагыңыз менен Кыргыз Республикасынын Акыйкатчы (Омбудсмен) Аппаратынын жана өзүмдүн атымдан чын ыкластан куттуктайм! Жарандардын кызыкчылыгын коргогон, Ата-Журттун тагдырын көп ойлогон, өлкөбүздүн келечеги үчүн күйгөн, убадага бек, калыс, мээнеткеч жүргөн Сиздин замандын агымына, мезгилдин таламына ылайык жүргүзүп жаткан мамлекеттик ишмердүүлүгүңүзгө ийгиликтерди каалайм.
Сиздин жетик жетекчилигиңиздин астында Кыргызстандын эли жаңыча, кем-карчсыз, ынтымак-ырашкерчиликте жашоонун ак назар ыңгайына түшөөрүнө терең ишенгендигимди билдирем.

Сизди урматтоо менен,
Кыргыз Республикасынын Акыйкатчысы (Омбудсмени)
Турсунбек Акун




Ыңкылап: "Эгемендик - элдик!" деди
Эгемендик "күлүмсүрөп" келген кезде,
Энчисин элитага берген кезде.
Жардыны жакырлыктан чыгарам деп,
19 жыл тил эмизип жүргөн кезде.
Жүрөгүн эркиндикке "чапкан" бийлик,
Жүгөнүн биротоло үзгөн кезде.
Кайгыдан кутулаарга айла таппай,
Калың эл караңгы там сүзгөн кезде.
Капыстан көтөрүлгөн Куюн-шамал,


Түбүнөн түп оодара таптап кетти.
Кылмергендери өкүмчүл бул бийликтин,
Эр-азаматты нечен бир атып кетти.
Ыңкылап: "Эгемендик - элдик!" деди,
Түбөлүк Эл бийлигин жеңдик деди.
Жан үрөп жалпы журтка кызмат кылаар,
Заманга эми чындап келдик деди.
Мирзат Урдавлетов




Баалуу белек ордуна-окуучуларга китептер
КР Президенти Роза Отунбаеванын мааракеге баалуу белектерди бербегиле, анын ордуна жаңы окуу жылына карата мектеп окуучуларына китеп сатып алууга каражат жумшагыла деген өтүнүчүн эске алуу менен КР Акыйкатчы Аппаратынын эмгек жамааты китеп чогултуу акциясын баштады.
Буюрса Жаңы окуу жылында кайсы бир мектептин окуучулары Акыйкатчынын эмгек жамааты тарабынан чогултулган китептерди колдоруна алышат.


Акыйкатчы Турсунбек Акун Филиппинде
Кыргыз Республикасынын Акыйкатчысы (Омбудсмени) Турсунбек Акун Азия өнүктүрүү Банкы каржылоого алган Омбудсмендердин Азия Ассоциациясынын ишине катышуу үчүн Манила шаарына (Филиппин) учуп кетти. Конференция үстүбүздөгү жылдын 24-26-августунда болуп өтмөкчү. Конференциянын ишине Азия аймагындагы өлкөлөрдүн 17 Омбудсмени, ошондой эле мейман катары Омбудсмендердин Европа Институтунун өкүлдөрү катышышмакчы.
Коференциянын программасына Омбудсмендер үчүн өтө мааниге ээ жана күн тартибиндеги эң кызыктуу "Коомдук кызмат кылууларды Азияда өнүктүрүүдө Омбудсмендин ролу жана аны натыйжалуулугу", "Азиядагы Омбудсмен Институттарынын ролу", "Азиядагы Омбудсмендин кызмат көрсөтүүсү жана борбордон ажыратылган мамиле", "Омбудсмендин көз карандысыздыгы", "Омбудсмендин жоопкерчилиги", "Омбудсмендин кызмат кылууларынан пайдаланууну өркүндөтүү", "Омбудсмен жана Омбудсмендин кызмат көрсөтүүсүнө кызыкдар тараптарды тартуу" деген темадагы жана башка маселелер кирди. Конференциянын жүрүшүндө Омбудсмендердин Азия Ассоциациясынын веб-сайтынын жүз ачаары болмокчу.
Конференциянын ишине ОААнын Президенти Жавед Садик Малик, Омбудсмендердин Эл аралык Институтунун Президенти Вильям Ангрик II катышышмакчы.
Акыйкатчы Турсунбек Акундун белгилегенине караганда Омбудсмендин Кыргыз Институту Азия аймагындагы Малайзия, Азербайжан, Пакистан сыяктуу эң мыкты Омбудсмен Институттарынын бешилтигинин катарына кирет. Ошондуктан ал өз кесиптештери менен тажрыйбасын бөлүшүп, аларга айтып бере турган сөзү бар.










Акыйкатчынын басма сөз кызматы





МЫКТАЙ СӨЗ

Эгемендүүлүктүн күнү - бул өлкө тагдыры тууралуу улуттук деңгээлде ой жүгүртүүнүн эң ыңгайлуу учуру.








PDF формат








??.??