кыргыз тилиндеги гезит "Айкын Саясат"

п»ї
Жалалабад соту Алексей Елисеевди 6 эле жылга эркинен ажыратты
7-апрелге чейин Кыргызстандын өнүктүрүү, инвестиция жана инновация боюнча борбордук агенттигинин төрагасынын орун басары, учурунда Максим Бакиевдин жакындарынын бири болуп жүргөн Алексей Елисеевди Жалалабад соту сырттан 6 жылга эркинен ажыратуу жана үй-мүлкүн толугу менен конфискациялоо чечимин кабыл алды. Аны менен бирге Алексей Елисеевге Базар-Коргон районундагы "Ак-Тилек-А" ЖЧКсынын өндүрүштүк комплексин мыйзамсыз түрдө тартып алган деген күнөөнүн негизинде да айып тагылган. Елисеевге Кылмыш кодексинин 170-беренесинин 3-пунктуна ылайык "өтө чоң суммадагы мүлктү опузалык менен тартып алуу" жана 221-берененин 2-бөлүгүнө негизделип "коммерциялык уюмдун кызматкери катары өз абалынан ашыкча пайдаланган" деген айыптар тагылып 6 жыл эркинен ажыратылып, күчөтүлгөн режимдеги колонияда жаза өтөөсү каралды. Ошондой эле Мамлекеттик мүлк министрлигине караштуу болгон, мамлекеттештирилген мүлктү башкаруу фондунун жетекчиси Дайыр Кенекеевдин жообуна ылайык, Ысык-Көл областынын Ысык-Көл районундагы Чок-Тал айылында жайгашкан "Пансионат-Витязь" ЖЧКнун 9,32 га жери улутташтырылган. Бирок, баарынан кызыгы ошол эле пансионаттын ичинде Бакиевдердин куйруктары А.Елисеев менен С.Ким дегендерге таандык болгон коттедждер мамлекетке өтпөй калган. Ал "Инвест-Трест" ЖЧКна таандык болуп, Салиев Чыңгыз Жаныбековичтин атына катталган Бостери айылында дагы бир коттедж калып калган. Бул боюнча "Республика" фракциясынын башчысы Канат Исаев тиешелүү органдарга кайрылып аталган коттедждерди улутташтыруу боюнча оюн билдирген.


Текебаев Келдибековдун мыйзамсыз ишин сынга алды
Акыркы кезде кыргыз саясаты мышык-чычкан оюнуна айланып калганы байкалат. ЖКнын жыйындары бирин-бири караламай, торой-чалмай адаттар менен ашмалтайы чыгып бир даарыбызды иренжитти эле. Мындай аракеттер бир карасаң алдыда боло турган президенттик шайлоого карата жасалып жаткан пиар оюндардай сезилет. Мүмкүн чын эле ошондойдур… Эмнеси болсо да элге тынчтык эле керек. Асылмай адат болдубу же чындап азыркы оппозиция жалындуу иштеп жатабы мамлекеттик кызматтагы адамдардын ар түркүн мыйзамсыз иштеринин четинен омуруп жаткан кези. Кечээ мамлекеттик каттоо кызматынын төрагасы Жаныбек Бакчиев менен Жогорку Кенештин төрагасы Акматбек Келдибеков Москвадан келген жеке менчик самолёт менен белгисиз жакка учуп барып келгендиги тууралуу Текебаев билдирип чыкты. "Ата Мекен" фракциясынын лидери Өмүрбек Текебаев "жогорку посттогу кызматкерлер коммерциялык компаниялардын эсебинен кандайдыр-бир белгисиз жактарга учпашы керек"- деп белгиледи. Өмүрбек Текебаевдин айтуусуна караганда Жогорку Кенештин төрагасынын жана мамлекеттик каттоо кызматынын мындай сырдуу сапары такталышы зарыл жана мындай нерсеге жол берилбеши керек. Жыйындын жүрүшүндө Өмүрбек Текебаев өкмөттүн Жогорку Кеңештеги өкүлүнө кайрылып, жогорудагы аталган адамдар кайда учуп барып келгендигин тактоо керек экендигин тактап чыгууну тапшырды.













??.??