кыргыз тилиндеги гезит "Айкын Саясат"

п»ї
КЫРЛАР БАРБЫ, КЫРГЫЗ БУТУ БАСПАГАН…
Ооба, азыркы күндүн көп көйгөйлөрүнүн бири - Кыргызстан деген кичинекей мамлекетибиздин территориясынан чыгып, тээ ата-бабабыз көрбөгөн алыс жактарда тентип жүргөн мекендештерибиздин тентимиш тагдыры болуп келет. "Тентимиш" дебей не дейбиз, башка жерде бир мусаапыр бечарага айланып, эптеп эле тыйын табуунун аракетинде болуп жүрүшсө… Көздөп барган максаты аткарылбай, тескерисинче, кул-күңгө айланып, алар түшүп кеткен аңдан кол сунуп чыгарып алаар артында мамлекети жок. "Жок" дебей не дейбиз, түптөлгөн мамлекет болуп туруп, өз атуулдарын тентитип жиберсе! Биз билген жана билбеген "тентимиштер" тууралуу фактылар ондоп эмес, жүздөп саналат. Ошолордун айрымдарын гезит бетине жарыялап турмакчыбыз.
(Уландысы 13-бетте)




  Жатып өлгөнчө, атып өл

Коррупциянын бир аты - "жубарымбек"
Генпрокурор менен Жогорку соттун орду көк бөрү талашка түшүп жаткан кези. Бул эки орунга көз арткандар парламенттик фракциялардын ичинде иттин кара капталынан. Айрым бир массалык маалымат каражаттарынын, атап айтканда 24 kg. информагенствосунун версиясына караганда көпчүлүктүн коалициясына кирген "Ата-Журт" фракциясы генпрокурор менен ЖС кызматын бизге кыйгыла, бизге бергиле деп талап кылып чыккан түрү бар. Фракциянын соцдемократтар менен "республикачылардын" алдына койгон негизги шарты, т.а. көпчүлүктүн коалициясынын ыдырап тарап кетпестигине "Ата-Журттун" кепил болуп бере алаары менен албасы да ушу эки чордондуу орунду К.Ташиевдерге ыйгарып берилишине жараша чечиле турган болуп турат дейт 24.kg. Информагенствонун айтканында акыйкаттын үлүшү кантсе да бар. Ырасында эле, эсиңиздерде болсо, көпчүлүктүн альянсы деген союз түзүлүп жең ичинен кол коюлган сепараттык келишимге ылайык кызмат орундарды бөлүштүрүүгө келгенде өкмөттүн экономикалык-финансылык блогундагы чүйгүндүү кызматтар Ө.Бабановдун "Республикасы" менен А.Атамбаевдин соцдемократтарына тийип, ал эми "Ата-Журтка" таасири анчейин социалдык-маданий блок берилип, чаңырган "калыссыздык" болгон эле. Фракциялардын арасындагы кызмат балансы сакталбаганы ошондо эле белгилүү болучу. Натыйжада тиги экөөнүн жаш баладай кылып алдап кеткенине ичтери тызылдап өкүттө калган "Ата-Журт" үчүн кеч да болсо реванш алуу зарылдыгы келип чыкканы анык. Көсөөнүн акылы түштөн кийин болуп, кемтик комплексин баштан кечирүүгө туура келсе да, эскинин эсесине чыгуу кантсе да керек болуп, ичтен мүлжүп турган эле. "Ата-Журттагы" 19 депутаттын коалицияны таратуу боюнча демаршы, ошентип, ич ара ич күптүүлүктөрдөн, нааразычылыктардан, кызмат талашуудан келип чыгып жатканын көрүүгө болот. Ачыгын айтканда, он тогуздун үчтүктүн альянсынын ыдырап жаңы коалициянын түзүлүшүн чын пейилден каалап, чындап эле коалицияны уратууну көздөп жатканы шек жаратпай койбойт. Алардын идея жана идеал үчүн күрөшкө аттанып чыгышканына тумтак ишенип кетүүгө болбойт. Эгер "Ата-Журттун" лидерлеринин бири К.Ташиевдин күпүлдөшү фракцияны ыраазы кыла тургандай кызмат берилип калса - кан буугандай токтосо таң калып деле кереги жоктур.
(Уландысы 2-бетте)










??.??