кыргыз тилиндеги гезит "Алиби"

п»ї
"Кара-Кече" кенинен Дамира Ниязалиеванын башы кылтыят
Дамира Ниязалиева СДПК партиясынан депутат болуп шайланып саясатта бир топ эле көрүнүп калды. Элдин көйгөйүн айткан жагынан Карамушкина экөөсү аял болушса да, абдан эле ооздору кургап кеткенче бапылдаганы албетте жакшы. Көрсө сыртынан бапылдай берүү азыркы саясатчылардын модасы көрүнбөйбү, дегенибиз ошол эле Дамира айым дагы мамлекетке залакасы тийген иштерди жасап жибериптир. "Кара-Кече" көмүр кенине Акмат Келдибековдун сунушу менен жетекчи болуп барган Жумасыдыков Райымкул (аны Рай деп эркелетип коюшат) Беш-Сары кенинен мүлжүгөн 43 миң тонна көмүрдүн акчасы кимдин чөнтөгүн кампайтып жатканын жазганбыз. Ал турсун Нарындан бизге кат да келип түшкөн. Ушул кезде "Беш-Сары" жетекчиси Камчы Жолдошбаев көмүр кенинен өзүнүн техникаларын чыгарып кетүүдө. Ал жерге эми Атамбаевдин буйругу менен барган Райымкул Жумасыдыков ээлик кылып көмүр иштетмекчи. Миң деген долларлардын аты-жытын билгизбей жымырып анан да өкмөттөн "Кара Кече" кенин иштетүүгө миллиондогон акчаларды сураган Жумасыдыковго парламентте Дамира Ниязалиева абдан жан тартып, Акылбек Жапаров менен аябай акыйлашкан эмес беле. Акылбек Жапаров ал жактын тагдырын туура түшүнүп, Нарындык катары "Кара Кеченин" ички оюндарын билет көрүнбөйбү, айтор мамлекеттин бюджетинен акча которуу керек эместигин айтып бюджетти бекитип коюшту. Чындап эле "Беш Сарыдан" алган миллиондор кимдин чөнтөгүнө кетти? Бул албетте жоопсуз. Төрага Акмат Келдибеков, Өкмөт башы Алмаз Атамбаевдердин да ал иштерге байланышы барбы? Бул суроонун жандырмактарын жакында билесиңер. Ал эми СДПКнын депутаты Дамира Ниязалиева боюнча болсо уккан кебибиз бул. Анын жансакчысы "Кара Кечеден" кытайдын жыландай сүйрөлгөн 2 камазы менен күнүнө Дамира айымдын сол чөнтөгү үчүн көмүр алып кетип турган имиш. Жакында мунун да чындыгын билесиңер. Мурдараак Дамира айымдын фармацефтикалык "Аманат фарм" аптекалары Кытайдын кылдан ичке сапатсыз миллиондогон ийнелерин алып келип бир дүң болгон жайы бар. Дал ошол аптекалары ушул кезде олчойгон карыздарын өкмөткө төлөбөй "билгениңди кылып ал" деген таризде жүргөнүн да эшиттик. Теледен сүйлөсө созулуп тим эле кой оозунан чөп албаган кыргыздын бир момун кызындай сүйлөйт го, көрсө көп мандем Дамира айымда да жатыптыр да. Кызыктар алдыда болот.

"АС-пресс"











??.??