кыргыз тилиндеги гезит "Айгай"

п»ї


"Чума" же Кыргыз көчү кайда барат?
... Жогорку Кеңеште сүйлөгөн сөзүндө президент Алмазбек Атамбаев адамдын төбө чачы тик турган бир сөздү айтты. Өлкөнүн Башкы прокуратурасынын маалыматы боюнча 2010-жылы коррупция экономикага келтирген зыяндын көлөмү 24 миллиард сомду түзүптүр. Бул акча мамлекеттин бир жылдык бюджетинин 1\3 бөлүгүнө барабар...

2




Ай күйдүм чок, күйдүм чок…
Өкмөттүн "акыркы аккорду" же жаңы жылды эртелеп тоскону көздөн кайым болгон үлкөндөр
2001-жылдын 31-декабрында мурда жарыяланган өкмөттүн токтомунун негизинде Токтогул атындагы мамлекеттик сыйлыктарга татыктуу деп табылган акын Шайлообек Дүйшеевге, ырчы Роза Амановага, сүрөтчү Темирбек Мусакеевге аталган сыйлыкты тапшыруу аземи өкмөт үйүндө же Ак үйдө эмес, жазуучулар союзунун кеңсесинде болуп, бул даражалуу сыйлыкты мамлекеттин жетекчиси А. Атамбаев же президенттин аппарат жетекчиси Ж. Сатыбалдиев эмес, өкмөттүн бөлүм башчысы Аскарбек Бекбоев тапшырды.
Өлкөнүн Конституциясы боюнча мамлектеттик сыйлыктарды, наамдарды мамлекет башчысы ыйгарат. Демек, мамлекет башчысы наам, сыйлык жөнүндөгү тиешелүү жарлык чыгарган соң, ал өзү же анын аппаратынын жетекчисине таандык бул ишти акырына ошолор чыгарыш керек эле. Бирок, макул, кыргызбайчылык менен бул милдет өкмөткө ыйгарылып кетиптир деп койолу. Ошол күнү өкмөт башчысы Ө. Бабанов Баткенде жүрдү десек, вице-премьерлер А. Карашев, Ж. Оторбаев, Г. Асымбековалар ошол кезде кайда болушту экен? Же кызмат ордуларын майлашып, жаңы-жылды эртелеп тоскону сызып кетишкенби? (Ажо өзү баш болуп)
Бул жагымсыз жагдайды сыйлыкка татыгандарды урматтабагандык эмес, кыргыз улутунун сыймыгы болгон Токтогулдун өзүнүн абройуна шек келтирүү катары бааласа болот. Улуу акын, залкар комузчу катары кыргыздын маданиятынан түбөлүктүү орун тапкан жогорку, салмактуу делген Токтогулдун ысмындагы сыйлыкты ташыруу аземи үчүн Өкмөт үйүнүн же Ак үйдүн кененирээк бир бөлмөсү табылбай калган бекен?
Сыйлык демекчи, дайым оозубуздан түшпөгөн Оруссияны алалычы. Ал өлкөнүн бийлиги сыйлык, наам, ал тургай чет өлкөлөрдүн элчилеринин ишеним грамотасын тапшырууда Кремльдин алтынга бууланган Георгиев залында тапшырып жүргөндөрүн билбей, көрбөй жүрүшсө керек, биздин "эл багаарлар". Кремльдин бул залы ушундай азем үчүн гана колдонулат. Кыргызбайлар болсо "ме, тапшырып койчу" - деп улуу Токтогулдун элеси түшүрүлгөн төш белги менен сыйлыктын күбөлүгүн бөлүм башчысына дайындап, "иттен чыгарды" мамилесин жасап жатышат. Жөнөкөй нерсени уюштура албаган ушул бийликке мамлекеттин жүгүн көтөрөт, элдин турмушун оңдоп, түздөп жиберет деп ким ишенет?
(Уландысы 5,6-беттерде)
"Айгай-пресс"




Ак тилек
Эски жаңы, Улуу жылыңар менен!
Эртең, 13- январь "эски стиль" деп аталган жыл эсептөөнүн Григориан календары боюнча жаңы жыл болуп саналат. Бул жаңы жыл - байыркы доордогу Грециянын Юлиан жыл эсептөөсүндөгү Гигориан жыл эсептөөсүнөн келип чыккан. Жыл эсептөөнүн жаңы календарын 1542-жылы Рим папасы Григорий XIII Европага киргизген. СССРдин мезгилинде, 1918-жылы 14- февралда жаңы календарь (жаңы стиль) киргизилген. Азыр ушу тапта дүйнөнүн дээрлик көпчүлүгү Григориан календарын колдонушат.
Жаңы-жыл демекчи, жаңы 2012- жыл жөнүндө бир тактоо. Бул жылды көп адамдар "ажыдаар жылы" - деп айтышууда. Чынында 2012-жылды "ажыдаар жылы" - деп, Чыгыш Азия аймагында жашаган элдер атап келишүүдө. Кыргыздарда, үстүбүздөгү 2012-жыл "Улуу жыл" - деп аталат. Улуу - деп кыргыздар жаян балыкты айтышкан. Кыргыздарда Улуу жыл 2000-жылы болгон. Мындай тактоо кыргыздын тунгуч жазма тарыхчысы Белек Солтоноевдин жана жазма акын, санжырачы Талып Молдонун жазгандарына таянылды. Өзүбүздүн баалуу мурасыбызды билбей же аны чанып, Кытайлар сыяктуу бул жылды "Ажыдаар жылы" деп атаганыбыз осолдук эмеспи?

"Айгай-пресс" гезити баарыңарды Улуу жылыңар, эски-жаңы жылыңар менен куттуктап, баарыңыздарга бейпилдик, береке каалайт!










??.??