Күн бүгүн Жетпей турат... Боо түшүп, Ата Журттун асманында Боз булут неге айланып кетпей турат?! Кайнаган дараметке акыл кошоор, Кыргызга, кыргыз дээр жетпей турат. Гүлжамила Шакирова Оппозиция лидери катары кимди көрөсүз? (Ушул суроо менен 100 адамга кайрылдык) Жооптору бул: Ө.Текебаев баш тарткандан кийин эч кимге ишенбей калдык - 43% Жалгыз үмүт Т.Сариевде калды - 29% Б.Бешимов элдик лидер боло алат - 16% Лидер өлкөдө эмес, сыртта - 12% Сурамжылоо жүргүзгөн Мээрим Газинур кызы Кайран, лидер ай... Текебаев тетири кетти "Ата Мекен" партиясынын лидери Өмүрбек Текебаев артында турган, аны улуттук лидер катары санаган миңдеген санаалаштарынын көңүлүн кайт кылды. Улуу күрөшкө бет алып, алдыга туруп элинин азап - тозогун көкүрөгү менен тосууга кудурети жетпеди. (Балким башкалар жеткирбеди?) Ошентип, оппозициядагы эң салмактуу лидер Өмүрбек Текебаев президенттик шайлоого талапкерлигин коюудан баш тартты. Мунусун өзү же жанындагылары канчалык актануу менен түшүндүрбөсүн, "элдик лидер" саясий чоң айлампадан четтеди. Өтө өкүнүчтүү... |
|
|