mainkaptal

Гезит, макала, архив, 2007,2018

  Чычаламай жок

Чычкан жылдагы каармандар
"Эки жээкте туруп алып бирин-бири "акмак" дегендин баары акмак".
Бальтасар ГРАСИАН
Жылдын айнымасы -
Топчубек Тургуналиев
Койсо да канча жайына
от менен ойнойт дайыма.
Радикал вечный, однако
родился когда Топчуке
жетпесе керек айына.

"Жарык дүйнөдө карылыктын карылыктай үлгүсүн көрсөткөн карылар эң эле аз".
Франсуа де ЛАРОШФУКО.
Жылдын туруктуу туруксузу -
Үсөн Сыдыков
Акүйдө жүрүп жандашып,
жакшеле берди ханга шык.
Аркандай ыйкы-тыйкыдан
акыры өзү жеңилди
МЧС менен кармашып.

"Бирөөгө кылган марттыгыңыз үчүн мартабаңыз көкөлөгөнү - барып-келип эле берген тартууңуздун баасынан алда канча ашып түшөт".
Франсуа де ЛАРОШФУКО
Жылдын сараңбайы -
Чыныбай Турсунбеков
Доспуз бир аз Чыкени
кантип анан жамандайм.
Чычалабас а бирок
чын-чынында сараңбай.
Кысталышта жүргөн көп
сокур тыйын алалбай.


"Өзүбүздүкүнөн да өзгөлөрдүн ишине эс-акыл менен караганга кыйынбыз".
Франсуа де ЛАРОШФУКО
Жылдын рамкадан чыккан дипломаты -
Замира Сыдыкова
АКШга оболу
опорусча соболу,
жулкулдаган журналист
англисче тил билбей,
элчи болсо болобу?
Дипломаттын милдети -
оппозицияны согобу?

"Эгер акча сени бактылуу кылбаса, мага бер".
Жюль РЕНАР
Жылдын качкыны -
Кубатбек Байболов
Аз экен санай келгенде
кыргызда жакшы аттууну.
Не качып жүрөт бу киши
жаныле анын таттуубу?!


"Кокус чындык биз жакта болбой калсале, ал жеткен жийиркеничтүүдөй көрүнөт".
Маркиз ГАЛИФАКС
Жылдын дагы бир авантюристи -
Ассоль Молдокматова
Эмне чыгат эңишке
Эшимканов Мелиске.
Оендордун далайы
ойрон болгон тебиште...
Авантюрист байкеме
о, бул кызың семичке.

"Көпчүлүктүн жаагы жап болуп турган жерде топ жарып сүйлөш кыйын".
Франсуа де ЛАРОШФУКО
Жылдын бармын-жокмун
оюну - "Азаттык"
Ободон издеп үнүңдү,
радио-теле түйүндү
бураймын канча, бураймын
үнүңдү укпайм таңзаардан,
сенин да бүтөр күнүңбү?!

"Эркиндикти колдон чыгарбаш үчүн анын чегин да билиш керек".
Эдмунд БЕРК
Жыл курманы - "Dе-факто"
Жаш эле кургур. Жайрады.
Окурман болчу кайрагы.
Жаптырганча шашышты
жалааны жаап кайдагы.


"Өз кемчилигин моюнга албагандардын - канында бир кеп бар".
Эдмунд БЕРК
Жылдын көсөөсү -
Исмаил Исаков
Элдешпейт окшойт эми алар
кош айтышты… Бийлигиң
өх дээр кезде демалар:
кеч болсо дагы коргоду
генерал наамын генерал.

"Азчылыкка келгенде акылдуубуз, көпчүлүккө келгенде оомабыз".
Бальтасар ГРАСИАН
Жылдын кокую -
Адахан Мадумаров
Ойт берип барып кошулду
оюну бүтпөс ордого.
Алмашат экен абийрин
арзыбай турган олжого.

"Достордон айрылгың келбесе, алардын чоң ийгиликке жеткенин тилей көрбө".
Бальтасар ГРАСИАН
Жылдын жалкоосу -
Алым Токтомушев
Алгандар сатып "Агымды"
издешет андан Алымды.
Жазган жок эле жыл бою
саресеп оюн жалындуу,
"Агым" да чөктү кургуйга
тема жок үчүн алымдуу.

"Бир жолу муздак мештин үстүнө отурган мышык, экинчи жолу ысык меш эмес, муздак мештен да качат".
Марк ТВЕН
Жылдын жашынмагы -
"Би-Би-Си"
Сени да издейм, жиндеймин:
"Жаагыңды жапкан

ким деймин?"
КТРиң бурабайм,
эмне угам эми? Билбеймин!




Урматтуу окурман!
"Айат пресс" газетасын Уй жылындагы биринчи саны 2009-жылдын 8-январында колуңузга тиет. Көрүшкөнчө аман тургула, келаткан жаңы жылыңар, жаңы үмүт тилегиңер менен!

Олжобай ШАКИР









??.??