mainkaptal

Гезит, макала, архив, 2007,2018

Башпрокурор кимдин башын ооруткусу келет?


Дегеле жаман сөз тийгизгиң келбеген Башпрокурор Аида Салянованын парламенттеги отчетунда баш ооруткан билдирүүлөр көбөйүп кетти. Анын айтканына караганда, Кыргызстан укуктук жактан зымпыйган боюнча туруптур. АУБдун ячейкаларынан алты тыйын да жоголбоптур, интернетке жарыяланган видеодогу кишилер банктын ичине кирип жөн эле ячейкаларды кызыгып карап койгон имиш.
Анан да аяй кыз Энергетика министри Аскар Шадиевге коюлган күнөө таптакыр алына электигин, ага коюлган жарлык мүмкүн башка бир жарлык менен алмашарын да айтты. Анда эмнеге Башпрокуратура мойнунда кылмыш иши илинип турган жарандын министрлик кызматка барганына көз жумуп отурат?
Ошол эле учурда Башпрокурор республикачы депутат Искак Пирматовдун "Кыргызнефтегаз" боюнча козголгон кылмыш иши жөн гана токтотулганын, депутаттык иммунитети бүтөрү менен кайра ачыларын билдирди. Буга чейин Пирматовго козголгон ушул эле кылмыш иши Башпрокуратура тарабынан эки ирет кыскартылып, кайра ачылганын билебиз. Эми да кыскарып кетпейт деп ким кепил боло алат?












??.??