mainkaptal

Пользовательский поиск
  Көл жээгиндеги көкөй кести

"Бийлик Балыкчы базарына көңүл бурбаса самосуд кылабыз"

Балыкчылыктарды шаардагы эки базар гана багат. Эл ишенген аким, мэрлердин энөөлүгүнөн улам эки базарды тең айрым эргулдар башкарып, элге да, мамлекетке да кыйратып пайда алып келген эмес. Кербен базарынын сатуучулары атагы алыска кеткен Капар Мусакунов кланынын мурдагы, азыркы өкүмзордугун айтып, папке, шапке талашып аткандарга жеткирип коюубузду өтүнүшкөн эле. Өкмөт, парламент, президент кулакдар болуп бир натыйжа чыгар деген ниетте базардагылардын ачуу арманын ортого салдык.

Амантур Шаршекеев, Балыкчы шаарындагы Кербен базарынын эт сатуучусу:
- Базардагылардын алды 20 жылдан бери ушерде эмгектенебиз. Ошондон бери базарды Капар Мусакуновдун кланы каалаганындай калчап келди. Капар Мусакуновдун баласы Марат Мусакунов Балыкчы ветеринария башкармалыгынын начальниги болсо, кызы Кира, аялы Багира, дагы бир уулу Турат базардагы ветеринардык-санитардык экспертиза лабораториясынын (ВСЭЛ) адистери болуп иштешчү. Өзү болсо 75 жашка чейин ВСЭЛдин башкы адиси болуп иштеди. Булар ушунча убакыт кызматтык абалынан пайдаланып базардагыларды жакшы эле эзишти. Ошол себептен апрель революциясында балыкчылыктар Мусакуновдорду кызматтан алууну талап кылышып, Мамлекеттик ветеринария департаменти аларды кызматтан алган. Убакыт өтүп баары тынчыганда Мусакунов кланы сегиз баланы сотко берип, жалган жалаа менен көбүбүздү соттон сотко сүйрөп атат. Марат Мусакунов ветеринария илиминин докторумун деп он жыл бою мамлекеттен айына 600 сомдон алып келген. Жакында Илимдер академиясы анын ветеринария илиминин доктору да, кандидаты да эмес экендигин тастыктады. Ошого болбой эле булар бизди күнөөлөп, мурдагы кызматтарына ээлик кылууга аракет кылып атышат. Өкмөт, парламент ушундай маселелерди карап, чечип берсе болот эле. Азыр Мусакуновдордун өкүмзордугун көрүп туруп 7-апрелде революция болгонуна деле ишенбей кетип атабыз.
Өмүрша Бейшеев, эт сатуучу:
- Мусакуновдор менен 16 жыл иштедим. Ушулар келгени бизде тынчтык жок. Булар башынан эле таза этти сатып атсак деле ар кандай айыптарды салып акча алышчу. Кээде бизге өздөрү өлгөн уйлардын, жыттанып кеткен эттерин мажбурлап кымбат саттырган учурлары болду. Капар Мусакуновдун алкымы күндөн күнгө чоңоюп Балыкчынын ичиндеги сегиз бала бакчанын, ооруканалардын, Балыкчы училищасынын ашканаларына ээлик кылып, өзүнүн эт, сүттөрүн гана өткөзүп калган. 7-апрелде Мусакуновдор мурдагы кылгандарынан коркушуп, эл куубай эле өздөрү качып кетишкен. Алар жок бир жылдан бери жакшы иштеп калганбыз. Эми баары тынчыганда ал жөн жатпай прокуратура, сотторго арызданып, биз облустук, шаардык сотторго суракка барууга аргасыз болуп атабыз. Сотко өздөрү келбей адвокаттарын жиберип коюшат. Эптеп убара болуп барсак, сот процессин жылдыртып ташташат. Кыскасы, булар элди такыр кыйнап бүтүштү. Азыр Балыкчы эле эмес Тоң району, Ысык-Көл облусунун эли булардын кандай адамдар экенин жакшы айтып бере алышат. Булар Бакиевдерден айырмасы жок кишилер. Капар Мусакуновдун азыр Кербен базарында эле жеке менчик 16 объектиси бар. Мусакунов базардагы мамлекеттик лаборатория имаратын менчиктеп алып, азыр лабораториясыз калдык. Бул аз келгенсип, ал жаңы мэрге кол койдуртуп шаардын ардактуу атуулу болуп алыптыр. Ошонун аркасы менен шаар четинен олчойгон жер кестирип алган. Муну айтып, жазып кайрылбаган жерибиз калбады. Эми президент менен премьерге эле кайрылуу калды. Капар Мусакунов Балыкчы эле эмес өз айылындагы жерлердин көбүн басып алып, элдин малын камагандыктан айылдаштары анын эки машинасын өрттөп жиберишкен. Алар азыр буларды таш бараңга алабыз деп араң турушат. Ага болбой эле бул ар кайсы инстанцияларга арыз жазып, ар кимди каматып атат. Элдин азыр ушунчалык жаны кашайып жарылганы эле турат. Бийлик бул маселени туура чечип бербесе арты кандай болот, айтыш кыйын.
Жумагул Жумакунов, ветеринардык адис:
- Мен Мусакуновдор кеткенден кийин элдин сунушу, өкмөттүн буйругу менен ветеринардык адис болуп иштеп атам. Капар Мусакуновго апрель революциясынан бери мэрлердин да, соттордун, прокурорлордун алы жетпей койду. Бул мурдатан Балыкчыга диктатор болуп көнүп алыптыр. Атургай прокурор, соттор мунун ишин карагандан коркушат. Муну көрүп отуруп деги азыр өкмөт барбы же жокпу билбей да калдык. Балыкчы шаарынын элин эби жок эзген бир адамды тыйып, ага тиешелүү чара көралбаган өкмөт деги не деген өкмөт?! Арызданбаган, айтылбаган жер калбагандыктан азыр эл самосуд кылгандан кайра тартпай калды. Эгер өкмөт чечип бербесе жакында аргасыз ушул кадамга барабыз. Анткени сотторго ишеним болбой калды.
Аманат Мамырканова, сатуучу, Балыкчы шаарынын тургуну:
- Ушерде эт сатып иштейм. Капар аба тууралуу айта турган нерсе көп. Бу киши эң маданиятсыз, үй-бүлөсү менен текши пас адамдар. Булар базардагы адамдарга бузулган эт, тамак-аштарын саттырышып, алардын айынан далайлар банкрот болушуп үйлөрүн алдырышты. Жеке өзүм Мусакуновдордун айынан үйүнөн айрылган бирөөнү билем. Булар 7-апрелде качып кетишип, эми эч ким аларга тийишпесин билип алып каалаганын жасап атат. Капар Мусакуновдун былыктары бүт фактысы менен соттордо, бизде турат. Жергиликтүү, облустук, шаардык сотторго кайрылып, натыйжа болбогондо Башкы прокуратурага эки жолу кирдик. Атургай Аида Саляновага да жолуктук. Ал биздин адвокатыбыздын айткандарын маани берип уккан да жок. Кээ бир гезиттер биздин көйгөйүбүздү чагылдырса, Капар Мусакунов кайра алардын үстүнөн арыз жазып атат. Эми такыр айлабыз кетсе жакында Ак үй алдына чыгалы деп атабыз. Эгер биз мыйзам бузуп аткан болсок жоопкерчилик тартууга даярбыз, бизди соттошсун. Сотторго сүйрөлүп жүрүп соода кыла албай калдык. Капар Мусакунов базардагылар аптекамды өрттөштү, талкалашты деп сотко кайрылыптыр. А аптекасын баласы талкалап, кызы өрттөгөн. Анан кайра элге жалаа жаап атышат. Өзүнүн айылында болсо жөн жерден 16 адамды сотко бериптир. Баарынан кызыгы, айылынан өрттөлгөн машинени Балыкчыда да өрттөлдү кылып атышат булар.
Мамбеткул Муса уулу, эмгек ардагери, I топтогу майып:
- Менин айткандарымды Атамбаев менен Отунбаева укса жакшы болот эле. Азыр Балыкчы шаарында коррупциялык система катуу тамыр жайып, баары тонолуп, сатылып бүттү. "Сельхозхимия", "Кирпотреб" ишканасы толук тонолуп, ташылып кетти. Шаардын паркындагы балдар ойноочу карусель турушу менен жоголду. Шаардагы килейген объектилер, ишканалар болбогон акчага сатылып кетти. Келген мэр, акимдер тоноп эле кетип атат. Балыкчыдагы канча жылдан бери өстүрүлгөн кара бактарды Бекжанов деген мэр кыйдыртып пансионатына төшөттүрүп алды. Азыр Балыкчыда абага тараган цианид-калийден улам ар бир экинчи жапжаш балдар жүрөк оору, инсульт, кант диабети менен ооруйт. Ушу тапта күнүгө шаардан экиден өлүк чыгып атат. Эч бир мэр, аким бул тууралуу жогору жакка айтпай атат. Бейит толуп, коерго жер жок калды азыр. Балыкчыда союзу боюнча үчүнчү орунда турган элеваторубуз бар эле. Аны Кыдыкбек Исаев сатып Дубайга качып кетти. Азыркы бийлик аны неге кармай албайт? Кумтөр облустук бюджетке Балыкчы шаарынын калкынын ден соолугуна келтирилген зыян үчүн деп, 16 жыл бою компенсация төлөп келген экен. Андан сырткары шаар бийлиги Кумтөрдөн ай сайын шаардын өнүгүүсү үчүн деп 5 миң доллардан алат экен. Ушул акчадан шаарга бир тыйын да жумшалган жок. Ушунун баары элдин жанына батып бүттү. Иш, аш, кийим жоктугунан балдар мектепти таштап жол жээгинде ар нерсе сатып калышты. Балыкчы элин азыр эки базар эле эптеп багып атат. Мени бийлик кессе кесип жиберсин. Биздин үнүбүздү укпаса жеке мен капчыгайды жардырып туруп, өзүмдү өрттөп жиберем. Парламент, бийликтегилер биринин артын бири чукушпай элге жакын болуп, элдин көйгөйүн угушпайбы.
Токтобек Өмүров, базардагы сатуучу:
- Чынында азыркы бийликтин жүргүзүп аткан саясаты элге жакпай атат. Бийлик алсызбы же эл турмушунун оңолушун каалашпайбы түшүнбөйм. Апрелден соң баары жакшырат деген үмүттөрүбүз таш капты. Карасак, азыр мамлекеттик кызматтарга мурунку эле жегичтер келип отурушту. Балыкчыда акыбал аябай эле оор. Бул жерде дыйканчылык да, мал чарбачылык да кыла албайсың. Караганыбыз эле базар. Эки жылдан бери базарда да соода начар. Базардагылар кредит алышып, төлөй албай жалгыз үйүнөн ажырап калып атышат. Шаарда 15-20га жакын автобаза бар эле алардын бири да иштебей, кээси менчиктелип, айрымдары таптакыр таланып кетти. Түштүктө чет өлкөгө кеткендер көп дечү элек азыр бизде деле жаштар калбай баратат. Минтип отурсак бара-бара Балыкчы деген шаар жок болуп кетет го.
Шайыргүл Тагаева, сатуучу:
- 10-15 жылдан бери базарда соода кылып жан багабыз. Апрель революциясынан кийин ижара акысы чечилбей азыр акча төлөбөй эле турабыз. Мурун бир павильон, орун үчүн 2000 сом төлөчүбүз. Кийин сыртка товар чыгарганыңар үчүн да төлөйсүңөр деп башташкан. Азыр ушуну чечип беришсе жакшы болот эле. Чынында Кербен базары кимге тиешелүү экенин мамлекеттик, шаардык бюджетке биз төккөн акчадан которулар которулбасын деле билбейбиз.
Мелис Совет уулу



кыргыз тилиндеги гезит "Агым"
меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси
Яндекс.Метрика