mainkaptal

Пользовательский поиск
  түгөйтурмуш

Ажырашуудан мурда алды-артыңарды ойлогула

Азыр өлкөдө үйлөнүп бактылуу турмуш кечиргендерден да оту күйүшпөй ажырашып кеткендердин саны көп. Бул маселе ажырашып жаткан түгөйлөрдүн эле эмес жалпы коомчулуктун көйгөйү экени анык. Эмне үчүн ажырашкан жубайлардын саны көп болуп жатат деген сурообузга психологдор да, юристтер да бир ооздон жубайлардын турмушка болгон жеңил көз карашы себеп деп жооп беришет. Ал эми түгөйлөр тескерисинче турмушту, жокчулукту бетине кармашат. Дүйнө жүзү боюнча ар бир 10-13 секундда бир үй-бүлөнүн очогу өчөт экен. Тилекке каршы, Кыргызстандын да бул көрсөткүчтө салымы зор.

Кыргызстанда 1990-жылдары жүз никенин ичинен 22си бузулса, жыл өткөн сайын бул көрсөткүч билинбей өсүп келе берген. 1996-1997-жылдары алардын саны жыйырма бешке жетип, 2001-жылга чейин ажырашкандардын саны бир калыпта кармалган. 2008-жылдан бери бир эле райондо канча үй-бүлө бузулганын аныкташ үчүн Бишкек шаарын мисал кылууну туура көрдүк. Алгач Свердлов районуна байланышканыбызда 248 түгөй баш кошуп, анын 187си үй-бүлөлүк турмуштан тажашкан. Ал эми 2007-жылы 654 адам турмуш куруп 518и ажырашып кеткен. ЗАГС кызматкери "Жогорудагы көрсөткүч паспортун көтөрүп келип расмий ажырашып-үйлөнгөндөрдүн эле саны. Ал эми орто жолдон ала качып жарандык никеде жашап, кызыгы тараганда талак берип басып кеткендер канча? Алар бизге катталбайт. Кээде мыйзамдуу түрдө үйлөнүп, бирок мыйзам менен ажырашпай жөн эле эки жакка басып кеткендер андан көп. Бизди азыр 19-22 жаштагы жаштар баш кошуп, жыл айланбай ажырашып тынышкандары көп түйшөлтчү болду" дейт. Кайсы райондо канча үй-бүлө урабасын баары биригип Кыргызстан боюнча 2009-жылга мындай расмий көрсөткүчтү берет. "Бакыт" өргөсүнүн босогосун аттап баш кошкондордун саны 47 619 болсо, ажырашкандардын саны 7 471 үй-бүлөнү түзөт экен. Баарынан коркунучтуусу, түгөйлөрдүн туура эмес кадамы алардын балдарынын тагдырына катуу таасир эткени. Ажырашууну башынан кечирип, баласын бооруна кысып кала берген аял андан ары кантип күн кечириши керек? Баланын психологиясын мындай соккудан кантип сактаса болот? Ушул жана башка суроолорго "Paradise San" психологиялык колдоо борборунун адиси Алена Краснобородкина жооп берет.
Катын албай кайын ал
- Жубайлардын ажырашуусуна көп учурда туугандары, кайнене түздөн-түз кийлигишет. Ошондуктан турмуш курууга камынып жаткан түгөйлөр алгач кийинки жашоосун кандай элестетет, күйөөсүнөн же аялынан эмне күтүп жатканын өзү үчүн так аныктап алгандары дурус. Жогорудагы эреже сүйлөшүп, баш кошууну алдын ала пландап алган жаштар үчүн ылайыктуу. Баары ойдогудай болбой ала качуунун курмандыгы болгон кыздардыкы алда канча кыйыныраак. Эгер жаңы барган бүлөдө туура эмес мамиле жасалса, же кайнене менен тил табышуу кыйынга турса, сиз акылдуурак болушуңуз керек. Келин катары каардуу кайнененин кылыгына көз жума билиңиз. Убакыттын өтүшү менен жашоо бир нукка түшпөсө, анда ал үйдө сизге эмне жагаар-жакпаасын кылдат ойлонуп чыгыңыз. Күйөөнүн же келиндин туугандары тарабынан кийлигишүү болсо ага жубайлар гана чекит кое алат. Бирок, көп түгөйлөр туугандарынын тилинен чыга албай жанынын тынчтыгына карап ажырашып кетип жатышканы да маалым.

Башканы аябасаңар да баланы аягыла
Ажырашуу эмес ата-эненин кыйкырган сөздөрү баланын психологиясына катуу сокку. Балаңыздын жашы канчалык кичине болсо экөөңөр эмне себептен ажырашып жатканыңарды ийне-жибине чейин түшүндүрүүнүн зарылдыгы жок. Эң негизгиси, балага экөөңөрдүн ажырашканыңарга ал себепкер эмес экенин түшүндүрүү керек. Аны мурдагыдай эле мээримге бөлөп тураарыңарды, ага болгон мамиле өзгөрбөгөнүн, бирок атасы андан бөлөк жашаарын айтып койгон жакшы. Бала баарын түшүнөт, болгону түшүндүрүүгө ылайыктуу сөздөрдү табуу эненин же атанын жөндөмүнө көз каранды.

Күйөөмдөн эмне талап кылам?
Айылдан шаарга келип жогорку окуу жайга тапшырып көптүн бири катары билим алып баштадым. Экинчи курска жаңы көчкөндө эзели көрбөгөн, мен тааныбаган бала ала качты. Кыргыздын салтын кыя албай "таш түшкөн жеринде оор" болуп кала бергем. Аскар менден төрт жаш улуу, бир үйдүн ортончу баласы экен. Эл катары үлпөт тоюн өткөрүп, мыйзамдуу түрдө никеге катталдык. Турмушка чыкканда деле сабакка барып жүрдүм. Кийин боюма бүтүп, сырттан окуу бөлүмүнө которулдум. Ошондон баштап үйдүн түйшүгү менен алектенип отуруп калдым. Жолдошум эч нерседен кем кылбай багат, баары жетиштүү. Өтө кызыл бат оңот болуп күйөөмдүн мага болгон кызыгуусу тарап, эки балалуу болгондон кийин үйдө чыр-чатак да көбөйө баштады. Үйгө бир күнү келсе үч күн жоголуп кетмей адат таап алганынан башка бирөөсү бар экенин болжолдодум. Бир күнү үйдөн уруш чыгып жолдошум темирди кызуусунда согуп ажырашаарын айтты. Менин деле андан ары жашаганга каалоом калган эмес. Азыр мен күйөөм менен мыйзамдуу түрдө ажырашуу алдында турам. Бирок мени башка маселе түйшөлтүп жатат. Сырттан алган билимим болгону менен окуду деген аты эле бар экени жашыруун деле эмес. Эми ошол билимим менен эки баламды кантип багам? Буга чейин жолдошумдун тапкан мүлкүнө бир тыйын салымымды кошкон эмесмин. Ажырашканда андан эмне байлык талап кыла алам?
Нуриза, 24 жашта, Бишкек шаары

Окурмандын катына адиске кайрылып жооп алдык.

Юрист Кеңеш Мырзагулов:
"Тапканынын баарын тең бөлүшкөнгө милдеттүү"
- Турмуш кургандан кийин мыйзамдуу аялы болсо күйөөсүнүн чогуу жашаган жылдары тапкан мүлкүн тең бөлгөнгө милдеттүү. Анын үйүнө, минип жүргөн машинесине акчалай салым кошпогону менен ошол учурда үйдө отуруп анын тамагын жасап, кирин жууп жүрдү да. Ошонун баары салым болуп эсептелинет. Жолдошу өз эрки менен байлыгынын теңин бербесе сотко кайрылса да болот. Эгер мүлктү бөлүштүргөнү аялын канааттандырбаса мыйзамга тууралап бөлүнөт. Ортодо балдар тургандан кийин сыртка кантип чыгарып койсун, аялын болбосо да балдарын милдеттүү түрдө он сегизге чыкканга чейин багыш керек. Ажырашкандан кийин андан аркы турмушту кандай нукта алып кетүү керек, ал аялдын акылына көз каранды.
- Он сегизге чыкканда бала ЖОЖго тапшырат, түйшүктүн баары ошондо башталып жатпайбы?
- Он сегизден кийин бала өз алдынча оокат кылып кеткенге аракет кылыш керек. Мыйзамда да ошондой, он сегиз жаштан кийин ата баласын багуу милдетинен кутулат. Андан ары мыйзам эмес адамкерчилик, ички абийир маанилүү роль ойноп калат.
- Жарандык никеде жашагандар мүлктү сиз айткан эреже менен бөлүшө алабы?
- Жөн эле нике кыйып, мыйзамдуу түрдө катталбаса анда аял эч нерседен үмүт кылбай эле койгону оң. Азыр эркектердин көбү бирине мыйзамдуу үйлөнүп, экинчисин "запаска" кармап жүрүшпөйбү. Ажырашканда да ошол жарандык никеде жашаган аялы эч кандай мүлк талап кыла албайт. Күйөөсү кааласа каралашат, каалабаса басып кетет. Ошондуктан кыз-келиндерге үрүп чыгаар ити жок күйөөгө тийсеңер да мамилеңерди мыйзамдаштыргыла деп кеңеш берээр элем.
- Эгер түгөйлөр насыяга үй алгандан кийин ажырашса кандай кылуу керек?
- Мындай учурда экөөнүн бирөөсү насыяны толук төлөө милдетин моюнга алат. Насыяны жаап бүткөндөн кийин мурда канча бир пайызын чогуу төлөшкөн акча бар. Ошонун канчасын кимиси төлөсө эсептеп туруп акчаны кайтарып берет.






кыргыз тилиндеги гезит "Агым" меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси
Яндекс.Метрика