кыргыз тилиндеги гезит "Агым"
email • архив • редакция 
9-апрель, 2010-ж.:
1-бет
КАНДУУ
2-бет
Тарыхтын татаал жолу
3-бет
Арты жакшы бүткөй эле
4-бет
Дүйнө эли Кыргызстандагы абалга тынчсызданат
5-бет
Турсунбаев жөн сүйлөбөйт…
6-бет
Убактылуу элдик өкмөт төрайымы Роза Отунбаева:
"Өкмөттүн өлкөнү тартипке келтирүүгө күчү жетет"

9-бет
Акыйкаттык болсо
10-бет
Манас атанын кайын-журтунун учурдагы күнгөй-тескейи
11-бет
БЕЛГИЛҮҮ ШАЙЛООБЕК ДҮЙШЕЕВ ЖАНА БЕЛГИСИЗ ИСКЕНДЕР ЖУМАБАЕВ
12-бет
Алмазбек РАИМКУЛОВ:
"Тууганчылдыкты, калың капчыкты гана карманып отура берсек, саздан чыкпайбыз"

13-бет
"Ыр жандүйнөдөн чыгып, жандүйнөнү ойготушу керек"
14-бет
"Европага чейин сойлоп барып, кайра жөө келгем"
15-бет
Улуттук жазуучулар уюмунун уркунан


п»ї

Л€У…Р’Жђ


Кандуу шаршембинин каармандары

7- апрель тарых барактарына кандуу шаршемби катары кирип калды. Демейде шынарлашкан жаштардын күлкүсү төгүлгөн Ала-Тоо аянтында адам каны төгүлдү. Болгондо да кыз өбө элек кырчындай жаш балдар бийликтин ажалдуу огунан жан кыйды. Ырас, ок тандабайт экен, улууга да тийди, кичүүгө да тийди. Акыркы маалыматтар боюнча 1000ден ашык киши жабыр тартып, анын ичинен 400дөн ашык киши ооруканаларга жаткырылды. Каза тапкандардын саны саламаттык сактоо министрлигинин акыркы маалыматына караганда 75ке жетти. Бийликке келген оппозиция өкүлдөрү алардын үй-бүлөсүнө, жетим-жесирине жардам көрсөтөбүз деп теледен байма-бай айтып чыгышты. Көрүп турабыз, иштери көп… Ошентсе да караламан көпчүлүк деле алардын жакындарына көңүл айтып, азасын тең бөлүшкөнгө анчалык ашыкпай турабызбы дейм. Кандай болгондо да мамлекеттин келечеги, эртеңки жарык күнү үчүн ажалга төш тоскон булардын ар биринин тамчы каны кыргыз журту үчүн ыйык. Эрдик ушинтип күтүүсүз жаралат. Алардын ар бири жөнүндө кененирээк жазып, эрдиктерин бүгүнкү, эртеңки муундарга кайталангыс үлгү катары жеткирүү - бизге окшогон маалымат каражаттарынын, жазмакерлердин да милдети. Мүмкүн Ала-Тоо аянтына эстеликтерин тургузарбыз. Бул дагы коомчулук менен кеңешип-таңашып чеччү маселе. Ал эми боордошторубузду боо түшүрүп кырып жиберген снайперлерди таап жазалоо, өз элине ок аткандардын жүзүн ачуу жаңы бийликтин эң башкы максаты болуу керек деп ойлойбуз. Калкы үчүн канын аябаган замандаштарыбыздын жакындарына, ата-эне, бир туугандарына чын дилден көңүл айтабыз. Жаткан жериңер жайлуу, топурагыңар торко болсун, боордоштор!






а ­е¦Є.НҐй«